Wednesday, July 29, 2009

ليلة الحـــنـــّــة

بمناسبة الاعراس (ملاحظين انه اعراس السنة ما شاء الله اكتر من اي سنة ؟) المهم حابة احكيلكم عن ليلة الحنة

اللي بعرفه انه حفلة ليلة الحنة هو تقليد فلاحي يعني اهل المدن ما كانت دارجة عندهم هاي العادة (وانا بما اني من قضاء القدس اي القرى المحيطة بالقدس) ليلة الحنة شيء اساسي عنا....

من زمان كانت ليلة الحنة تقام قبل العرس بيوم وفيها بيجي العريس واهله على بيت العروس ومعهم سدر حنة او اكتر وعليه شمع وبرقصوا مع ترديد الاغاني التراثية للمناسبة ومرات كان ييجي العريس يلبس العروس الذهب (التلبيسة) وكمان كانوا يحـنـّـوا العروس مع اغاني شعبية خاصة للحنة ..... وبعدها بروّحوا اهل العريس حتى تبدأ عندهم ما يسمى سهرة الشباب .... والي فيها بعزم العريس كل اصحابه واقاربه وليمضّوا الليل كله دبكة واغاني شعبية ......

البنات عادة اذا كانوا من اهل العروس بيعطوا مجال لاهل العريس لحتى يغنوا اثناء وجودهم وبعد ما يروّحوا اهل العروس بتبلش حفلتهم عالمزبوط ...... اما اذا كانوا من اهل العريس ...بكونوا بمكان منفصل عن الشباب وكمان بحتفلوا بس احنا كنا كل مرة نصير نتفرح على الشباب (من وراء ستار طبعا ههههه) وهمه يدبكوا ويحنوا العريس اغانيهم جد حلوة


ايامنا هاي البنات صاروا اوعى ودلوعات اكتر ... يعني ليلة الحنة صارت اقل اشي قبل العرس بيومين وممكن اكتر يعني لحتى العروس يكون معها مجال ترتاح قبل العرس ..... والعريس ما بيجي على بيت العروس لانه التلبيسة صارت بالفندق او الصالة ..... اهل العريس بيجيبوا الحنة بس معظم بنات هالايام ما بحبوا يتحنوا ...... الا اذا وحدة متخصصة برسم الحنة

والضيافة زمان كانت ملبس او كنافة او ممكن جاتو بس ايامنا صار فيها بوفيه يعني عشاء كامل او سناك .....

بالنسبة للعروس وشو تلبس طبعا صار موديل انه العروس تبدل اكتر من فستان مع انها كانت عادة بس مقتصرة على اهل الخليل ..... بس نحن عنا بالعيلة كمان العروس صارت تفصّل توب فلاحي وتلبسه خلال الحفلة


يمكن انا كتير متحمسة لانه ليلة الحنة لبنت عمتي يوم الجمعة مستنيين على نار .... بنحب ليلة الحنة اكتر من العرس لانه بنكون على راحتنا اكتر باللبس والرقص

الله يتمم للكل على خير وعقبال العزابية

13 comments:

Whisper said...

الف مبروك لبنت عمتك وتتهنو ان شاء الله
انا كمان بحب هالحفلات اكتر من الاعراس, احنا عنا ما بنعمل حنّا - انا من يافا مدنيه :) -احنا بنسميها حفله وداع و ما بيجي العريس بس ستات عيله العروس و الستات اللي قراب قراب من اهل العريس

بنفش قلبنا بهالحفله علشان نضلنا قاعدين بالعرس مع وجود العريس والتصوير :)

SimSim said...

Whisper: والنعم والله

واحنا نفس الاشي بنستغل الفرصة وما بنقصر

:D

يسلموا كتير

Dreamy Villager said...

آه والله كثير الأعراس كثرانة..حتى قبل أكم يوم شفت بنت بتتمشى بالشارع بأواعي الحفلة وكأنها صارت الأواعي اليومية:)
وأنا كمان زيكم بحب التعليلة أكثر من العرس..بس هاي الأيام صارت التعليلة كمان غريبة ومش حلوة زي زمان..بجيبوا فرقة وبصيروا يغنوا عجايب ولا حدا راضي يدبك..انتو بتسموها تعليلة ولا سهرة؟
المهم..مبروك لبنت عمتك..وإن شاء الله عقبالك بس تطلع أوراق الهجرة اللي بتستنيها ;)

Moon^light said...

ba7eb lielet el 7ena kteer , 7'sosan eno ne7na min el 7'aleel fa mashallah fi 3adat ow taqaleed kteereh ... metel shantet el 3arees ele besero yor2oso feeha ow bejebo hadaya la ahel el 3arees :D

ow mabrook la bent 3amtek

SimSim said...

Dreamy: teslamee yaa 3asal allah yese3dek ......

jad ma sha2 allah !! bas akeed bed-hom yla72oo elnaas 2abel ramadan :D

SimSim said...

and Dreamy we call it sahra or lelet el7enna :) sahret-ha saba7ee betkoon :D w e7naa bnedbek w sahret el shabab betkoon kolhaa a'3anee fala7yah w dabkaat yaaay

SimSim said...

lunzi: ahlaan :D walla 3adat-hom 7elweh ahel el5aleel w yemken aktar eshee elhom 3adatan momayazeh bel a3raas ... allah ybarek fekee 3o2balek :)

Sam said...

we never did a 7ena before...well nothing i was aware of when i left lebanon...but before my wedding i had one sudanese style...it was interestig..i got the coolest design on my hand and back...they use black henna which looks nice...

SimSim said...

Sam: nowadays they bring a Sudani girl which is a professional, she uses black 7enna ... we will be having whatever we want tomorrow and this will be before the 7enna night so that all our attention will be to the bride :D but usually we do that during the 7enna night :)

maroo said...

alf alf mabrook w yallaaaaa 3o2balek 5ls bekaffe :)
bma 2enne mn yafa zy whisper fma 3endi ay edafat :) loooooooool

SimSim said...

maroo: bas tetjawazee wa7ad falla7 beser 3endek edafaat :D and about me ana sheklee m6awleh ya5tee :( bas yalla elle 3end ahloo 3ala mahloo :P

Anonymous said...
This comment has been removed by a blog administrator.
SimSim said...

Anonymous:

كندرتي احسن منك ومن كل عيلتك يا واطي