حكيت من قبل انه ما الي كتير بالتكنولوجيا وخاصة التلفونات يعني كل تلفون بيجيني بضل معي 3 سنين أقل شيء ... مش عارفة شكلي بستخسر ادفع فلوس في هيك اشياء وسبحان الله من اول ما بلشت استخدم تلفونات وانا دايما يصحولي هدايا اول تلفون انا دفعت نصف سعره وأخوي محمد الله يسعده كمل عليه وتاني تلفون بعتلي اياه أكثم حبيب قلبي والتلفون اللي كان معي كمان اعطاني اياه أخوي أوس ..... الي بستخدمه 3 سنين وجد انه رائع وما ماله اشي ..... لكن شغله المسجات من امريكا للبلاد العربية مشكلة المهم كنت بفكر أجيب الاي فون بس شكله فترة التفكير طوّلت ..... ما شفت الا اخوي اوس باعتلي تلفونه الآي فون مع بنت عمي اللي راحت زيارة على عمان (طبعا مع معسل ولبن جميد) ههههه !! المفروض انا اللي ابعتلهم تلفونات !! المهم يعني صدقا هدية متل هيك من الأخ كمان والله بتسوى مليون دينار وجد شو مبسوطة عليه !!!بعرف الزوج ممكن يجيب لزوجته هدية بس ما بعرف هو بحالتي انا ولا الكل هيك بس بتحسهم انه يعني هايني جبتلك هدية تذكري وتطلبيش اشي من هون لسنة هههههه
بس هدية الأخ ولا أروع !
الله يسعدهم !
Posts
7 comments:
A brother is the best gift God can give to a girl. Allah y5aleelik yahom o y5aleeli e5wani. Very nice post and mabrook for the iPhone. You're gonna love it specially for talking to Jordan.
سمسم حبيبتي ما في اشي من قيمتك والله، المهم انه نضل على تواصل ونشوفك بصحه وسلامه. واذا حابه تعرفي شغلات كتيرة ومفيده لتردي على اي سؤال بخصوص الدين؟
شوفي مناظرات للشيخ احمد ديدات.
الله يخليلنا اياهم ...ما في احلى من هدايا الاخوان ...بنفس بتحسيهم :)
الحمد لله اللي ربنا رزقنا باخوان كويسين , من يوم ما اجيت على دبي و بكل موقف بواجهه ما في حد بطلعني من الموقف الا اخواني
مبروك التلفون و تهريه بالاتصالات و المسجات الحلوه مع الاهل :)
Dr. N: Allah Ybarek fekee w jad y5alelnaa e5wanna walla enhom taj rasnaa !! I LOVE IT !!! maa batrekko men 2eddee :D
Aws: يسعدك يا عمري ورح اشوف مناظراته بس بجاوب على فتاوى هو ولا بس مناظرات ؟!!
الله يخليلك ياهم ويضلو يستفقدوقي كل دايمن يارب
whisper & Umm Omar: آمين ان شاء الله
Post a Comment