صدقا معدي ومقدمي الأخبار على التلفزيون الأردني مش عايشين على كوكب الأرض ... يعني بشوفوا شو اللي بصير حولنا ؟؟؟ مرات بالغلط بمر على القناة الأردنية وبتبدأ الأخبار وبسمع بس 5 دقائق من النشرة بحس حالي جد بين بقدونس ونعنع وبمعّي يعني خروف العادة !!! نفس الكلام السخيف اللي جد ما بعرف مين بصدقه ؟!!! الوطن وقوة الاستثمارت الخارجية وموقع الاردن الاستراتيجي وحجم المشاريع !! طولوا بالكم !! اذا مشروع العبدلي عفّن ومش عارفين ايمتا رح يخلص ولّا أحلى اشي الباص السريع اللي في طريق الجامعة اللي شكله من كتر ما هو سريع ما حد شايفه ... يمكن قبل الثورات اللي بتصير حولنا كان ممكن الواحد يسكت انه الناس مدعوس على راسها ولازم تصدق أي اشي ... بس خلص بكفي !! على الأقل توقفوا عن الاستخفاف بعقول العالم ... بنسمع مصايب البلد من القنوات التانية واستثمارات مين يا عمي ! احكو عن النهب والفساد اللي بصير ... لانه مش مبين اشي بالبلد ولا عالناس ..... برأيي بلا منها نشرة الأخبار الخيالية الفضائية أو انا ما أغلط مرة تانية وأتابع نشرة الأخبار الأردنية
وبالمرة مبروك فوز الاردن على الصين للحظة من اللحظات تمنيت تخسر الأردن من ورا المعلّق ! حطمنا سور الصين العظيم !!!! 5 ملايين يهزمون مليار !!! ههههههه والله نهفة ... بس هديلنا أعصابك شوي
وبالمرة مبروك فوز الاردن على الصين للحظة من اللحظات تمنيت تخسر الأردن من ورا المعلّق ! حطمنا سور الصين العظيم !!!! 5 ملايين يهزمون مليار !!! ههههههه والله نهفة ... بس هديلنا أعصابك شوي
Posts
4 comments:
لا راح عليكي تقرير عن "الأشعاعات المفيدة" يا حبيبي... و كيف الناس لازم تروح تتعالج فيها
ههههههه وين وين بالله هدا ؟!! ما بعرف جد بستهبلوا الأردنيين كتير وبصورة مش طبيعية ؟!! بس وين مكان هاي الأشعاعات بالله ؟؟ ههههههه
هذا هو الإعلام الحكومي العربي!! بدك تنجني مزبوط تابعي قناة سوريا!
حسبي الله ونعم الوكيل عليهم الجيش السوري ورئيسهم كمان
بلاش يختي والله عندي شغلات كتير تجلطني ههههههه
Post a Comment