Saturday, May 15, 2010

موسم الأعراس

بعد طول انتظار أخيرا حددت موعد العرس وأكيد لازم أبلش التحضيرات وكله على عاتقي بما انه الاستاذ مسافر وانا اللي لازم أختار وأقرر !! وصدقا لما يحكولك العروس بتكون بحالة هستيرية ما كذبوا !! يعني العرس بعد اربع أشهر قلت في بالي على اساس يكون خافف الضغط وموسم الأعراس بخف بس شكلوا كل الناس بفكروا متلي !!! المهم انا حابه العرس يكون جدا بسيط لكن كلاسي وحلو يعني مش صاله عادية الساعة طنعش يبلشوا يطرّوا بالعالم ولا فندق ندفع فيه عشر آلاف دينار يعني اشي ومنه ..... وكعادتي كنت حاطة ببالي مكان رائع أوت دور وشجر وهدوء وسعره مناسب بس احنا البنات كعادتنا لازم اللفلفة والتعب بس لحتى اكون مقتنعة انه أفضل مكان وان شاء الله يكون هو أفضل مكان

الصدمة اللي فاجأتني انه معظم الأماكن ما بقدموا الا الموقع والطاولات أكيد والضيافة وانا لازم أوفر الدي جي والتصوير والورد وكمان الاضاءة !!!!؟؟؟ وانا شو بعرفني شو الاضاءة المناسبة !!؟؟

المهم اكتشفت كل الكماليات هي اللي رح تغلبني والمفاجأة التانية اللي ما كنت حاطاها ببالي انه رح تكون أغلى من حجز المكان نفسه؟!! والكماليات حدّث ولا حرج !! المكان اللي حجزت فيه حكالي المسؤول عنه اني أمر بيوم بكون فيه عرس وانه أشوف التجهيزات اللي محضرينها واختار اللي بدي اياه .... كان جدا رائع ورايق .... طبعا كان متولي الأمر متعهد حفلات ما أحلى وجودهم انه يتكفّلوا بكل شيء لكن لازم أختار أكتر شيء مناسب وانه ناس يعتمد عليهم .... ادعولي واللي عنده خبرة أو أي فكرة يحكيلي

:D

وبلّش موسم الأعراس في عمان هلأ كل الشوارع سيارات وزمامير والصالونات ببطلوا يستقبلوا حد هههه

الله يوفق الجميع

10 comments:

Rula A. said...

ألف ألف مبروك.. ربنا يتمملك على خير إن شاء الله :)

صدقي أنا أختي إتجوزت سنت ال 2003
بس ما بتزكر هيه وين عمل هدول الكماليات.. أصلو كنت مشوله بالجامعه وقصص المواد..

تتهني يا رب :)

Whisper said...

الف مبروك يا قمر...والتمام على خير ان شاء الله

بتزكر وقت اعراس خواني العجقات العجيبه, بس فترو وبتمشي, و ان شاء الله كل شي بكون زي ما بدك واحسن

انا بدور على ارقام تلفونات اللي جابوهم خواني و ببعتلك الاسماء والارقام ان شاء الله :)

الف مبرووووووووووووك يا احلى عروووووس

Jood said...

Allah ywaf2ek :hug: :yai: o fekret el outdoor 7elweh, go for it!!
3ady et`3alabee heyeh marah wa7deh :p

SimSim said...

Rula: الله يبارك فيكي يا عسل .... ويهنيكي انت كمان

يلا شو بدي أعمل لازم أضلني ألفلف

:D

Whisper: انا حاسة لحالي المعجوقه ههههه يسلموا كتير وبستنى منك الأرقام ..... الله يبارك فيكي يا عسل وعقبالك ان شاء الله قريبا وأعطيكي انا أرقام اللي تعاملت معهم

:D

Jood: out door bejannen bas 5ayfeh ykoon bard fee shahar 9 .... w ma3 enno '3alabeh w 3aj2a bas it's nice :p

Jood said...

yeah, bet5afee el bard, bs eno eza 5ayfeh 3al ma3azeem yebrodo tell them ino its outdoor 3ashan ya5do e7teya6hom, eza 5ayfeh tobrodee then, msh 3arfeh, 7ator2osee sa7? fa yemken msh 7at7esee bel bard, msh 3arfeh bardo :p
ente shofe ele beray7ek o eshe ente bedek eyah o allah yewaf2ek :hug:

Sweet Escape said...

Alf Mabrook simsim!!

Shaheen said...

yalla menkom nastafeed :ch:

we would appreciate if you post the results of your surveys :D y3ni you make it easier for blogger who will decide to get married la sama7 alla.

alf mabrok o alla ytamem 3ala kher

SimSim said...

Jood: the good thing is that I reserved the whole place so i can decide weather it's in door or outdoor few days before the wedding and this is good, also as u said I will tell every body to wear worm clots and for me I don't think I will be thinking about I'll be dancing :D

SimSim said...

My Getaway: thaanx 3o2balek :)

Shaheen: lesh laa sama7allah loool ?? in sha2 allah qareban !! and really i have a file now :D and I keep all the menus and how much each place coasts also the cards I get; u know in case anybody needs them so u will be the one to have them 5alas bas shedelle 7elak :D

allah ybarek feek !

Aya Almusa said...

بالتوفيق:)