Thursday, March 04, 2010

منـــــاقيــــــــش زعـــــــــتر

من وصفات الوالدة الله يطول عمرها .... وجبة افطار خفيفة لطيفة ليوم الجمعة (أكيد اليوم الوحيد اللي تلتم فيه العائلة على الافطار) واليوم رح أشاركم الوصفة حتى اللي حابب يجربها بكرة

المقادير
3 كاسات طحين
3 بيضات
ملعقة صغيرة يانسون حب
ملعقة صغيرة قزحة - حبة البركة
ملعقة صغيرة سمسم
ملعقة كبيرة خميرة - ممكن وضعها مباشرة أو اضافة ماء فاتر وقليل من السكر ثم اضافتها الى العجين
ملعقة كبيرة حليب
رشة ملح

تعجن كل المقادير السابقة بماء فاتر وتترك في مكان دافئ لمدة ساعة على الأقل ...... ثم تقطع العجين الى كرات صغيرة وترق بالطحين وتقلى بالزيت حتى تصبح ذهبية اللون يرش عليها زعتر مباشرة أو يمكن اضافة رقائق جبنة صفراء حسب الرغبة


ومع كاسة شاي بمرمية يميييي

:D

4 comments:

S H A R I F O said...

يا سيدي يا سييييييدي
الف صحة !

ايش فرصة التعامل مع شركة طيران أمينة و الها واسطة توصل على مصر عشان التعامل مع شركة سيارات مصرية عشان يكون برضو الها واسطة و تتعامل مع صاحب نفق عشان يوصللي منها خللي الواحد يفطر ؟

SimSim said...

أجيبها انا شخصيا أضمن شيء لانه اللي ذكرته مستحيل
:D

غلب حالك شوي واعملها أو احكي الوصفة للوالدة تعملك اياها سهلة كتييير

على قلبك
وصحتين وعافية مقدما في حال جربتها

Whisper said...

يا ولد يا خطيييييير
شو هالعدالة هاي على هالصبح ..قصدي المسا

واللي شاف الوصفة هلأ شو يعمل؟؟بدي استنى للجمعة الجاي :(

شكلها جد مشهي
صحة وهنا عاللي اكلها

SimSim said...

Whisper:

انا عشان هيك كتبته بالليل عشان تشوفو الوصفة وتجربوها !!

يلا بس اتذكري للجمعة الجاي تجربيها وطعمها كمان زاكي وكتير وصحتين وعافية

:)