Monday, March 01, 2010

العنف في المدارس

الموضوع بهمني بما اني معلمة ..... وأنا بستغرب أكتر من أي شخص ثاني لمن أسمع عن حوادث بتصير في المدارس مثل فقدان طالب لعينه بسب ضرب معلم له !! أو معلمة حاولت اسكات فتاة صغيرة بوضع قماش على فمها ..... لكن صدقا من ناحية تانية لازم أعترف انه أولاد هالأيام بأخلاقهم وعنادهم وجد مرات قلة الأدب اللي فيهم بيخلوك تنجن !! والأهالي بحسوا المعلم عبد للطالب أو لابنهم بالذات !! وبتعرفوا انه معظمهم بيحكوا لأولادهم ما تسكت للمعلم ورد عليه حتى لو كنت على خطأ لانه ما بقدر يضربك وبتعاقب اذا ضربك !! ومع كل الأشياء اللي مطلوبة من المعلمين من وزارة التربية والتعليم والضغط كله مقابل راتب ما بنحكى فيه !! مين ما بده يفقد صوابه !! أكيد انا ما بشجع على العنف لكن في أسباب كتيرة ومنها عدم راحة المعلمين وشعورهم انه ما في تقدير لأي من جهودهم !!؟

من يومين تعرضت لموقف بالمدرسة انه بنت يعني نحكي كان أسلوبها بالحكي غير لائق .... أنا حاولت أمسك أعصابي ومع اني دائما بعالج أي موقف بأسلوبي لكن يومها كان وقت الترويحة عشان هيك صبـّـرت حالي لتاني يوم ووجدت أفضل أسلوب اني ألجأ للأدارة بما انهم دائما بخبرونا نرجعلهم في هيك مواقف ! انا ما عرفت شو الأسلوب اللي رح يتبعوه معها لكن عرفت انهم فصلوها لمدة يومين الى حضور ولي أمرها وبعد يومين اجت داومت عادي! كأن شيئا لم يكن وطبعا بما انه نحن ملائكة لازم أسلوبي ما يتغير معها وهدا اللي كان .... اللي بتمناه انها تكون تعلمت درس من هالموقف وتعلمت الاحترام .... مع انه أولا وأخيرا هدا شيء نابع من التربية

مع اني بحب التدريس وهو سبحان الله بحسه هبة أو هواية يعني ممكن يكون الانسان معلم مبدع بدون دورات ولا خطة تدريس لانه بقدم كل اللي عنده بأبسط طريقة وباسلوب حلو من قلبه ولأول مرة بحكيها أنا عندي من زمان هبة في التدريس وتبسيط الأمور حتى من لما كنت طالبة بالمدرسة لكن مع ذلك ان شاء الله مع نهاية هدا الفصل رح أنهي حياتي المهنية كمعلمة لانه اكتشفت انه التعليم هالأيام مش رسالة وانما ارهاق وتعب مع ارتفاع بالضغط مبكر وبدون مقابل أو تقدير

20 comments:

Whisper said...

معك حق الجيل الجديد و مع القوانين اللي حاطينها صعب كتير التعامل معه

لكن بضل مبدا الضرب غلط

انا بحس التدريس موهبة , وانا شخصيا ما عندي اياها :)

الله يعينكم و يساعدكم تتلاقو الطريقة اللي تفش قلبكم و تسيطرو فيها على فعفطة الجيل الجديد

سراج الماضي said...

أنا كمان متعتي هي التدريس ولكني مدرس لفئة عمرية اكبر وهيا طلاب الكليات المتوسطة والجامعات

للأسف الشديد التعليم بشكل عام أنحدر بشكل مخيف وقيمة المعلم سقطت تماما

الشخص أصبح يتعرض للكثير من المواقف السخيفة التي تدل كل يوم على الضياع الذي يعيش في الناس

الله يعينك ، لازم تكوني حذرة جدا في أي تصرف ، فقوانين وزراة التربية و التعليم أصبحت عبارة عن سيف على رقاب المدرسين

jaraad said...

I found that the most important character the teacher should have is "patient". Although I teach college students but I don't think, sometimes, there is a difference. I think reporting the matter to the management was a good thing to do. I am way less stressed teaching here in the US compared when I used to teach in Jordan. Unfortunately, many Jordanian college students deal with their instructors as someone they should not like.

I am sorry I wrote in English; I don't have an Arabic keyboard on the machine I am using now.

Ayman Sarhan said...

اسمحيلى اتناول الموضوع من منظور مختلف... لأنى مؤمن ان دور المعلم " الملقن" قد انتهى و الى غير رجعه..شخصيا انهيت اربع سنوات جامعيه و صدقا احيانا لم اكن اعرف اسم الدكتور او حتى شكله
نحن فى زمن ثوره المعلومات و شخصيا لا ارى اى دور للمعلم فى العمليه التعليميه و حتى هذا العمليه ان لم يتم مراجعتهابحيث يكون المخرج النهائى هو المستهدف فنحن لن نتقدم
المعلم كأى موظف خدمه عامه " مدنى" اصبح دوره هامشيا فى التواصل و الانجاز و شخصيا اعتقد انه فى مراحل حياته الاخيره
و سوف تشهدين مثل هذه الحوادث تتكرر يوميا فيما يعرف بحق التعبير و الاختيار و الذى ما زال فى عرفنا " قله أدب" .

Genki Dama said...

SIMSIM,

Quiting teaching? This mean we lost a good teacher =)

Please do not quit! Listen, you are going to an Arabian country that values Jordanian teachers, so why do not you work there?

Ok this is up to you, I know that! Btw, patience as Jarad said, it is the most important thing! Besides, we usually treat children as if they were adults! This is wrong! I am not talking about you here! But We should treat them differently!

abud™ said...

والله خير ما قلتي ياختي

SimSim said...

Whisper:
ههههه عجبتني فعفطة وجد همه فعافيط !!

انا يمكن عشان شكلي ببين اني كتير جدية وعصبية عشان هيك بخافو مني بدون لا ضرب ولا اشي وبنفس الوقت بحبوني ما بعرف ليش ! فكرت مسح جوخ عشان بدرسهم وعشان العلامات بس للآن طلاب كنت بدرسهم ببعتولي هدايا وسلامات وانه مشان الله تعالي درسينا بش انا كالعادة فكووو عني

ههههه

SimSim said...

سراج الماضي:

والله بتذكر على ايامنا ما نقدر نتطلع في عيون المعلمة من الاحترام مش من الخوف !!

بحاول والله قد ما بقدر و الله يصبرني

:D

SimSim said...

Jaraad: wallahee I try to be patient as much as I can because i think of them as my brothers or my sisters ! I don't like anyone to insult them or treat them badly !

really ! i thought teaching in jordan easier because from what i see they should have more manners and respect than students in the US !! I guess !!

and I do my best to make them my friends so they love math more :D

it's ok my laptop has no arabic letters as well i connect a keyboard to write any arabic replies or posts :D

SimSim said...

Haytham: what arabic country I am going to ? :p I am suppose to go to Florida If I still want to go :p

there r simple things Haytham !! they r kids but they should respect and not insult other students !! these kids should know that and be punished for breaking these rules .... and again I am not talking about beating :D

SimSim said...

Ayman Sarha:
انا في انتظار هدا اليوم اللي بتحكي عنه
:D

لكن هدا اليوم رح ييجي لمن يستوعب الطلب فكرة انه يشغل مخه ويعتمد على نفسه على سبيل المثال انا بناقش الدرس معهم وبنحل أمثلة لكن اذا أعطيتهم تمارين كواجب وفيها فكرة أو شوي يشغلوا مخهم برجعولي يا مس ما حلتيلنا متل هدا السؤال !! طبعا انا عالجت هدا الموقف باني صرت أعطيهم دائما امثلة أصعب أو فيها فكرة لحتى يبحثوا عن حلها لوحدهم بدون مساعدتي وبتمنى هاي الخطوة اللي بعملها تكون سبب لاختفاء المعلمين وانه الطلاب يعتمدوا على أنفسهم قول آمين

:D

ويا أخي التعدي على طالب آخر أو اهانة المعلم عمرها ما كانت حرية تعبير .... احنا بناخد حرية التعبير بس انه الواحد يسب بدون ما حد يحكيله وين رايح وهدا خطأ

:)

SimSim said...

abud : thaaanx :D

MrsMisses said...

ولله معك حق..
التدريس هالأيام صاير مهمة انتحارية..
أنا بحب التدريس من زمان و كنت أدرّس صاحباتي و جيراني من وقت ما كنت صغيرة و الكل بحكيلي انو عندي أسلوب حلو بالتدريس...
من ضمن (رحلتي) بالبحث عن عمل بعد ما اتزوجت كان العمل كمدرّسة، مع اني دارسة كمبيوتر و عندي مجالات تانية كتير، بس كان بدي شغل دوامه قصير...
انقبلت للتدريس بمدرسة خاصة إلها سمعتها، و درّست فيها أسبوعين بس!!! و ما قدرت أستحمل أكتر من هيك.. البنات كانوا (وقحات كتيييير.. و عفواً على التعبير، بس هاد أحسن وصف)... كانوا يحملوكي مليون جميلة انهم داخلين هاي المدرسة بمصاري البابا، و استرجي احكي معهم كنّك شاطرة!! و للأسف كانت المدرسة نفسها هي اللي بتشجعهم على هالموضوع، و ما بدهم يزعلو الطلاب عشان ما يخسروا الدخل اللي بيجي من وراهم....
عشان هيك بعد أسبوعين تركت الشغل و قلت دوام 10 ساعات باليوم، ولا اني أروح عالبيت معي مليون مرض و جلطة كل يوم....
عنجد الله يعينك و يقويكي...
تحياتي،،،

SimSim said...

MrsMisses:
بتعرفي جد الكل بفكر انه التدريس سهل وانه أبسط مهنة بس صدقا بعد ما جربت أكتر من مجال شغل يمكن أكتر مهنة بتعب وعن جد عالفاضي !! لانه ما بيعطوا المعلم على قد تعبه وحتى لو دوام قصير بس ما في راحة اطلاقا !! والكلام اللي حكتيه عن البنات صحيح 100 % وغير انه الأهل دايمين غير راضيين ويحسسوكي انك مقصرة

اشي جد بجلط بكل معنى الكلمة

jafra said...

اهلا زميلة يعني مش انا لحالي عم فكر هيك
بالفعل انا قررت اعتزل التدريس نهائيا و هادا الفصل بعتبره توديعة
القصة ما رح يفهمها الا اللي عم ياكل عصي :)
على اساس انو المعلم هو اللي حامل العصاية بس اللي بدري بدري
على هيك رح نتفق انا و اياكي كتير بما انو مرينا بنفس التجربة المريرة
بعد حب لمهنة تعتبر هلا من المهن الشاقة

تحية

سراج الماضي said...

واضح ان الحديث عن التدريس ذو شجون
لقد شجعتيني على كتابة بعض التدوينات عن مذكراتي مع هذا الموضوع
بالنسبة لسلطة المعلم
أنا كنت من اول يوم اتفق مع إدارة اي كلية على صلاحياتي ومنها مثلا غذا قمت بطرد اي طالب لا يدخل المحاضرة مرة ثانية إلا بإذني حتى لو كان أبن العميد وذلك من أجل المحافظة على هيبة المحاضر و المحاضرة
كما أنه إذا رسب الطالب فيمنع منعا باتا تغيير علاماته من قبل الإدارة و إذا حصل أي شيء من هذا كنت اترك الكلية فورا

فالعملية التعليمية لا يمكن ان تستمر إذا لم يكن للنحاضر قيمة و هيبة لدى الطالب
وأنا أتكلم هنا عن هيبة الإحترام و ليس التخويف

كنت دائما اقول أن المحاضر و المعلم هو ليس فقط معلم أو شخص مهمته توصيل معلومات
المحاضر هو مربي أجيال وهو مصدر مهم لتشكيل شخصية الطالب و تزويده بالأخلاق الحميدة

على الأستاذ أن ينتزع إحترامه إنتزاعا من الطلاب و يفرضه عليهم ، بالإحترام و التعامل الصادق

وآسف على الإطالة :)

مياسي said...

كمان حدا موقفه سلبي من التدريس مثلي!!
الحمدلله يا رب

SimSim said...

Jafra: أهلا زميلة

:D
بحكولك أريح وظيفة بتروحي بدري وعطل كتير !! بس نيجي على الترويحة بدري ! على الأقل شغل تاني ما بتعتلي شغلك معك عالبيت يعني صفت ساعات الدوام متل أي شغل عادي وبعدين اذا مرضت وبدك تموتي (بحكي عن حالي طبعا بعيد الشر عنك) بحسسوكي بذنب شديد وانه رح يضيع عمرهم الطلاب وتخرب الخطة الفصلية وينهار كل شيء من خلفك ههههه يعني داومي حتى لو بدك تموتي .... أحلى شغلة عطلة الصيف هاي ما عليها حكي

:D

متفقين والله وخلص انها النهاية ههههه

أهلا وسهلا

:)

SimSim said...

سراج الماضي:
طبعا اكتب وشاركنا
وبالنسبة للادارة اللي اكتشفته انه يكونوا دائما على علم باي شيء بنعمله حتى نكون بالسليم ولانهم بخبروا أهل الطالب أول بأول

وانا معك 100 % بالنسبة للأحترام وما بعاني من هاي المشكلة الحمد لله ومتل ما حكيت عن موضوع التلقين هدا لازم يكون عمل جماعي وانا بلشت فيه مع الطلبة هاي السنة بس هو ممكن تطبيقه اكتر مع الطلبة الكبار شوي ... يعني مع طلبة الصف السابع أكتر من السادس مثلا لانه بحس عندهم ادراك اكتر

لا اطالة ولا اشي أهلا وسهلا فيك دائما

:)

SimSim said...

مياسي:

شكله الكل موقفه سلبي

:D