Monday, February 15, 2010

فيثاغوروس في قص الشعر

بتلاحظوا انه احنا شعب عريــّــط كتيييييييير !!!!

من يومين كان جاي على بالي أعمل نيو لوك وأكيد أي نيو لوك يتضمن قص شعر ... وحبيت أغير الكوافيرة هالمرة ونصحوني بوحدة المفروض انها شطورة .... وانا ما بزعل على شعري كتير يعني ما زبطت القصة عادي بطول مش مشكلة .... المهم عندي تجربة قص الشعر بعتبرها تجربة روحية ههههه ما بعرف ليش فيها تأمل وراحة نفسية بس أكيد مش هالمرة ..... نفس كل الكوافيرات لازم تسألني عن قصة حياتي وانا عادة بكون أرد بالقطارة بالآخر بتمل وبتشتغل بدون حكي وبتتركني لتأملي الروحي .... بس هاي !!! يا حبيبي ما حكيت كتير عني ولمن فقدت الأمل مني بلشت تحكي عن حالها !! يعني طلعت ماخده الأوسكار وقريبا جائزة نوبل للرياضيات في قص الشعر.... (ما تسألوني كيف) والله حسيتها شوفيرة تاكسي من كتر العرط !! انا دارسة رياضيات وكل القص بعتمد على الميجارمينتس ههههههههه عجبتني ! وعمبدرس قانون ومعدلي 4 يعني القص بس هوبي ههههه.... وهاي اول مرة ما بسافر من سنتين بس كتير شغل كتير مش ملحقة بس شو أعمل قصي كتير بجنن

وأكيد كل ما تعمل اشي لازم تشرح !!آخ يا بنت الحلال أسكتي واعملي اللي بدك اياه !! وأكتر اشي جلطني البنات اللي عندها شكلهم جديد بتعلموا المهنة وكل شوي تصرخ بوحدة... طيب كيف الناس بدهم يثقوا بشغلهم بعد كل هدا !! كنت محضرة حالي للسشوار عشان تبين القصة بس غيرت رأيي ... يعني أوكي مستغنية عن شعري بس مش للهالدرجة !! اجا دور وحدة تانية تقص ونفس العلقة اللي فاتت لا قلم زاد ولا قلم نفص ههههه زي الشريط الذي يعيد نفسه .... طلعت من الصالون جاي على بالي أضربها جد

اللي مزعلني انه قصيت شعري وما مريت بالتجربة الروحية اللي كنت بستناها بس اللي مهوّن علي انها مع كل الحكي والبرم ووجع الراس القصة طلعت حلوة .... على فكرة هو صالون مرتب وبمنطقة معروفة بس مع كل ذلك ما رح أرجع عندها مرة تانية .... أو اذا رجعت باخد معي سماعات

:p

11 comments:

Anonymous said...

عجبني موضوع التجربة الروحية...بنصحك تروحي عالمسجد عشان تجربة روحية مش عالحلاق :P

Anonymous said...

oh my god, wallah i hate it when they try to pull out your secrets so they can build on them. at least the haircut was good, I am not brave enough to give my head to a new hairdresser yes i am a coward

SimSim said...

Abed: التجربة الروحية اللي بتحكي عنها بعيشها كل يوم 5 مرات ما في داعي أروح عالمسجد عشان أعيشها

البركة فيكم انتو الزلام

SimSim said...

melicieuse: they have secrets way kaman :D

it's nice to try new things even if it's a hair cut ... tshaja3ee :D

Anonymous said...

my hairdresser's secrets are restricted to him telling me his stories with his numerous mistresses. la la anything but the hair, a5er marra i got brave in hair I ended up with pink highlights (let's not go there)

SimSim said...

melicieuse: loooool unusuall conversation ya3nee lol

ok I agree with u to stay coward especially dyeing ur hair and highlights u may survive a bad hair cut but a bad color or highlights !!! msebeeh :D I am more coward than u in this matter :p

Whisper said...

يا نعيما يا نعيما :)

بالنسبه الي بدها قوه قلب اقص الشعر, يعني بقززها للكوافيره وانا بحددلها الميليمترات اللي بدها تقصها :)

بالنسبه للتجربه الروحيه, جميله الفكره مع اني اول ما اقعد عالكرسي بصير حاسه حالي نعسانه

بالنسبه للي بتحكي كتير, هاي تعتبر جزء من عملها , خدمه الزبائن يعني, وبما انك ما بتقدري تمسكي مجله او كتاب وهي بتقص شعرك, فهي بدها تسليكي :)
الله يعينك على هيك تسلايه :)

SimSim said...

Whisper: allah yen3am 3alekee sweetie ... 3ajbatnee baqazezha lool

ana yemken 3ashan ba7eb el sha3ar el 2aseer meshan heek ma badaqeq 3ala kam bet2os elmohem 2assa 7elweh ...

w bennesbeh lal teslaay ana mesta'3nyeeeeh loool bedeeeesh :D

Unknown said...

نعيما:)

على فكره انا من يوم ما قريبتي اللي كنت اقص عندها شعري تجوزت تغلبت تا لقيت صالون جديد موثوق فيه

وبصراحه اكتر جو الصالونات كله ما بحبو
حش كتير وقصص طرمه اكتر

شكله الشباب صعب تفهم شو يعني قص الشعر للبنت:)

انا فاهمه شو يعني:)

Unknown said...

ا

SimSim said...

مياسي: احنا البنات فاهمين على بعض

:D

المهم انك توفقتي بوحدة كويسة .... والله ينعم عليكي