دايما بتغاضى احكي في هالموضوع لانه حساس بالنسبة الي و مع انه مش كتير هاممني بس عن جد الناس بخلو الواحد بده يطلع عن دينه مرات
المهم بعرف انه بالنسبة لمجتمعنا صار عمري كبير (رح اصير 28 بعد 3 اشهر) و اللي بعمري الهم 5 او 7 او حتى 10 سنين متجوزين بس شو اعمل انا و ليش الناس (سواء المقربين او المعرفة) بخلوا الواحد يحس انه المشكلة في ؟؟ انا عن جد صرت احس المشكلة فيي مع انه ما تقدملي شخص ممكن احكي انه مناسب و اني طيّـرته من ايدي ..............
كان يكون الرفض مني لانه جد يكون في اشي مش مناسب و كمان مرات من اهله او منه يعني انا مش ملكة جمال والكمال لله و ممكن فيا شغلات ما عجبتهم بس خلص هسه ما بيتقدم شخص الا يصير الوضع مش مريح وياما عملت طوش بالبيت ...
..................
الآن هاي الفترة ما شاء الله سلام قول من رب رحيم ههههههه في 3 واحد ما بعرف اشي عنه والتاني من جنسية تانية ومتزمت و التالت عمره مناسب بس مستواه المادي مش ولا بد ... ولمن احكي لأ الهم كلهم (زي دايما) شو رح يكون ردة فعل أهلي أكيد الرد الدائم والله انك مجعمصة خليك هيك و بتيجي على راسك ...
..................
مرات بخاف اوافق بس عشان اخلص من هالموضوع اللي عن جد صاير ينرفزني بس اللي بعرفه اني ما رح اتجوز بس عشان ارضي فلان وعلان ...... و من ناحية تانية بتمنى لو اني كنت انتبه اكتر للي حولي لمن تحب شخص بكون سهل عليك توافق
.....................................
.....................................
أو يمكن في بالي شخص متل اخواني كلهم بجننو و طيبين وبحطو زوجاتهم بعيونهم مع انه اول شغلهم ما كان ولا بد بس ما شاء الله عليهم هسه
الله يحميهم
.... بالنهاية الحياة قسمة و نصيب و بهديكم اغنية انسى اللي راح بالهالمناسبة
Posts
25 comments:
ييييييييييييييييي ما أزنخ دمك ..
بعدين وحده عمرها 28 سنه ليش لهلأ ما تجوزت ؟؟؟
اسمعي منّي...
انا اكبر منّك ... و خايف من هاي السواليف اكتر منّك بكتييير! ما بعرف ليش
صحيح الشب مو زي البنت لكن الضغط الإجتماعي نفسة. "انتة متردد" "انته مالك اشي" و "لمتى بدّك تضلّك تلعب؟" و "متى بدّك تصير رجّال و تفتح بيت"... و خلافه
الصراحة! اهون الواحد يضل بدون زواج العمر كله .. و لا يعلق مع واحد او وحدة تنكّد عليه حياته.. و ولا يهمّك من كلام اي حد..
لمّا ييجي الشخص المناسب.. بيصير الوقت مناسب! و طز بالعالم كله..
و الغلط مو فيكي... الغلط في المجتمع اللي مُصِر ما يعترف بإنسانيتنا .. لحد ما نتزفّت و نتزوّج... و بعدين .. خلص بيرتاحوا و الواحد بتيجيلو علّة
بيرتاحوا مين! لا النق بصير في مواضيع تانية... الولاد و سعر سحّارة البندورة ... كأّن الواحد قاعد على قلب العالم
Marriage is not something you do just to shut people up (whoever those people are). It's a life decision you'll have to put up with for the rest of your life..
Arrange your priorities in what u wanna find in your future man, and start comparing against them. Money is never a priority as it can go away in a click..
Best of luck :)
in my humble opinion.. you are doing the right thing. ! you need to wait for THE ONE who makes you feel comfortable. Cause quit frankly you going to live the rest of your life with that guy.. koonnee ssabboora :)
w iza sar 3omrik 35 w ma tzawajti ween el-mushkileh !! madam inti mirta7a this way leish tfakri bil-nas ,sooner or later its YOUR life not theirs w el-sha5s elly r7 ti5taree inti la7alik r7 t3eeshi ma3o ..
inti wad3ik kteer 3adi , just dont bother urself thinking alot of it ..
له له انا اختك حبيبتك ما بتحكيلي .. شوفي سمسومتي انتي وين بترتاحي وشو بريحك اعمليه ما الك بحد اسمعي مني .. يعني الرجال بجيبو الذيب من ذيلو ها هاااااااااااه ..والله يسعدك ويوفقك
الله يعينك و يكون معك
التفكير مش رح يحل المشكلة
بس رح ينكد عليكي
خلي الوقت و النصيب يحلو الموضوع و خليكي مبسوطة و عيشي بسعادة
Anonymous: زناخة دم بعيد عنك
:)
قويدر: ههههه و الله كلامك صحيح مية بالمية و كمان بس تتجوز بتصير قصة خلفت ولا ما خلفت ... بنت ولا ولد يعني حشرية العالم ما بتخلص و انا عادة ما بهتم بس جد مرات بنرفزو كتير
Adoosh: i know what u mean walla but as i said sometimes really people get on ur nerve but sure I won't change what i have in my mind because of them and thanx
maher: i hope u r right and there IS Mr. right :D
thaanx
Dandoneeh: i know what u mean w allah yjeeb elle feeh el5eer ...
نسومتي: هههههههههههههه على قولتك و الله ههههه
و الله جاي على بالي احكي معك من زمان بس دايما بستنى يصير اشو حلو ابشرك فيه بس مش صاير
:D
حسام: شكرا لمشاركتك اللطيفة وكلامك صح
يعني انتي بدك واحد عمره مناسب ومريش او على الاقل وضعه المادي مرتاح ويكون شكله زي توم كروز او على الأقل زي بروس ويليس لول ومواصفات شخصيته كذا وكذا، طبعا هيك مواصفات صعب تيجي لعندك
يعني دوري حواليكي وشوفي شخص مناسب مو ضروري يجي لباب بيتكم لتشوفي لأنه هيك انتي بتنسفي فرصك
هاد من ناحية ومن ناحية تانية هل انت فيكي مواصفات بتخلي شخص زي اللي اعلاه يرغب بالزواج منك؟ يعني اللي في كل هل المواصفات بكون غالبا بدو بنت فيها مواصفات خاصة برضو، مو قصدي انزل معنوياتك بس لازم الواحد يحكي بشكل عملي
فكري والله بوفقك وتتجوزي اللي بدك اياه
I totally understand what you are going through.. i have already written something about it.. please check it out..
http://princessn.wordpress.com/2007/09/10/6/
I agree with most of what has been said b4.
One better stay single than spend the rest of his life with the wrong person.
Anonymous: ana ma 7akeet enne kamleh elkamal lellah bas bardoo batmanna yejee 7ad zay mwafasatee mesh aqaal eza aktar ok :D
Princess: some of what u said i felt feel u r talking about me :( be3een allah w allah yjeeb elle feeh el5eer
Diana: i know walla i know
@ Princess N
انا قريت اللي انتي كاتبيته بمدونتك وعنجد لول يعني بيجيكي 3 عرسان كل يوم او هيك شي انه اي يلا عاد ههههههه كاينة ميس يونيفرس وما حدا عاجبك
يعني شوي شوي علينا احكي اشي يفوت بالعقل لوول
@simsim
انا ما كان قصدي زي ما انت فهمتي، انا قصدي انه انتي كمان لازم تدوري مو بس تستني حدا يحي لعندك :p
وكمان شي، دايما خلي المواصفات صمن المعقول وحاولي تقيمي حالك تقييم موضوعي لأنه كل واحد بيكون شايف حالة شوية زيادة اكتر من اللازم
على فكرة انا بحكي بشكل عام لألك او اي حدا تاني لأني ما بعرفك اصلا
الله يوفقك يا رب
Anonymous: walla point taken 5alas :D
مرحبا
كيفك .. طيب شو أحكي أنا صرت 32 و شحطه .... و بعدني .. لسا ما فكرت بالموضوع ... زي ما حكى مستر قويدر ... أنا كل ما بروح على الأردن بسمع الاسطوانه 3000 مرة باليوم ...
على كل حال انتي ما تحطي عراقيل و شروط تعجيزية ... بس برضوا ما ترمي حالك رمي .. وما تضحي بأشياء أساسية .. يعني مش ضروري يكون شكله مثل مارلون براندوا .. بس برضوا ما يكون مثل شعبان عبد الرحيم
وتأكدي الغلط مش فيكي انتي .. الغلط بالعالم الي صار بدهم كل اشي غلط
Hi,
First of All. i'd like to advise simsim the good girl to take off the expression"س
يطلع عن دينه"
i know it was not in prupose & i guess she will respond to my comment.
as for the second half thing, i'm really disappointed about the financial issue, do not make it a big deal. Happiness doesnt know poverty or affluency. i know my talk will be percieved as a philosophy but yours was discouraging to those guys who like to complete their Half deen
May Allah bless you all.
Amer
Post a Comment