Saturday, October 15, 2016

الستريتنر

اليوم ما بعرف ليش اجا على بالي اسحب شعري، عادة مش كتير بهتم لأني  محجبة والزلمة دائماً يحكيلي انت حلوة بكل الأحوال،بس حكيت تسوقيش فيها وزبطي حالك بلكي بجاملك وما بده يكسر خاطرك 

المهم الستريتنر اللي عندي اشتريته من ٥ سنين تقريبا وترى رخيص جبته ب ٢٩ دولار يعني من أرخص الأنواع بس صدقا كان رائع وكل اللي استخدموه حكولي أحسن من الغالي، كنت جد احبه ودايما أرجعه في علبته، وهو وقف معي في اصعب الأوقات لما كشتي كانت لا ترى وساعدني والله

ليش بحكي بصيغة الماضي ؟ وانا اسحب بشعري كل ما امشي الستريتنر يمزع معه نص شعري وانتبهت نص الشعري الثاني معلق فيه ولما تطلعت عليه ولا صدمة حياتي !!!! في هاي اللحظة لو أني زي بنات السناب تشات كان حكيت لوجهي علقي شوي على تعابير الصدمة لحتى تتصوري. بس جد صدمة حياتي وحسيت قلبي توقف وبدي أحكيله ليش ايش صار شو عملت ؟ من مين الغلط؟ مني ولا منك؟؟ طيب شو رح اعمل بحياتي وكيف رح أكملها بدونك وكيف رح أعوض مكانك يا غالي ؟؟؟

اللي بضحك بالموضوع انه أشخاص بمرو في حياتنا سواء شخصية ولا عملية بطلع منهم مواقف وبتغيرو ومن الطبيعي تكون ردة فعلنا كما ذكرت سابقا لكن أصبحت ردة الفعل آ والله ؟ طيب شو اعمل ؟ وين غدانا الْيَوْمَ ؟ عشان هيك ضحكت ؟ لأني حسّيت الستريتنر طلع بعز علي وغالي ولا يعوض وهذا لا ينطبق على بعض الناس 

3 comments:

sheeshany said...

نعيماً؟

خخخخخخخخخ

يمكن أول شي حسيت فيه بعد القراءة (بعد فكرة الحمدلله ما عنا من هالقصص إحنا!) إنو.. الصدق!

آه والله هذا اللي خطر لي

كثير (أشياء) أحسن وأعز من (الأشخاص) لأنو هالأشخاص صاروا -بعد أكثر من تجربة- أقل من شيء...

SimSim said...

Allah yen3am 3aleek :D

how are you doing ??

sheeshany said...

I am doing wasa6!

yday was my bday (I feel old)
+
currently awaiting a viva date

*wasa6 = over-statement obviously* :/

hope all is well yr side (including hair-issues) :Pp