Wednesday, June 29, 2011

قصتي مع المعاكسات

بتذكر اول معاكسة تعرضت الها(ما بعرف تسمى معاكسة ولا تحرش) .... كان عمري ١٧ سنة وكنت باخد درس انجليزي في مركز جهة المستشفى التخصصي ! وفي هناك جسر مشاة صح ?!! المهم اختي كانت تستناني على جهة الجسر التانية ... وانا ماشية كان شابين جايين بالجهة المعاكسة .... يعني بس انا طلعت همه نزلوا ! وقتها واحد منهم حط ايده على جنبي .... انا تشنجت مكاني من الصدمة بس هو ضل رايح بسرعة .... كان جد جاي على بالي اعيط !! ومن يومها وانا عندي فوبيا من جسورالمشاة ! والله اني صرت استنى اي حد على الجسر حتى ينزل مشان انا امشي عالجسر ! او   اقطع الشارع عادي ...او بضلني اتلفت وانا عالجسر  مرة واحد برضه على جسر المشاة ماشي وراي و ببرطم انا وقفت وجحرته و حكيتله اتفضل امشي ههههه وبعدين انا مشيت


  وبلشت من وقتها عذابالمعاكسات ومرات بس البحلقة ! مع اني يا جماعة عادية جدا يعني مش خارقة الجمال ! بس الاشي الوحيد اللي كانت المعاكسات تتمحور حولها هو طولي هههههه يعني جملة يابايييي اطول من يوم الجمعة سمعتها الف مرة بحياتي ههههه ومرة واحد حكالي اطول من يوم السبت ! ومرة برضه واحد حقير حكالي تعليق جد شو كان وقح ! بلمت نص ساعة حتى افسر معناه بس لا شعوريا صرت اضحك (بدون ما يشوفني طبعا) .... في ايش يا حلو ... وينعن عمري انا ههههه بفكروا حالهم خفيفين دم بس حد شغلة بتنرفز وبتحسس بعدم الامان انه في حد مراقبك او ماشي وراك

 عذاب المعاكسات اكتر شيء كان الفترة ايام التوجيهي وسنة درست فيها في كلية ... كان لازم اخد مواصلات وسرافيس وشباب تحسهم بدهم يفعصوك بالسرفيس جد قرف .... بعدين والحمد لله نقلت على جامعة خاصة الباص كان ييجيني على باب البيت ويروحني كمان وكل ما كبرت صرت اقوى يعني اذا حد عاكس بصحله جحرة او احترم حالك ومن هالحكي بس للاسف معظم الايام الافضل انه ما ارد لانه انسان وقح ممكن يقل ادبه بطريقة البنت المحترمة جد ما تعرف شو تعمل وقتها 

وعلى فكرة لاحظت انه الشب اللي بكون لوحده ما
بعاكس لكن مع مجموعة بتحسهم بشجعوا بعض

ما بعرف هدا الموضوع اله دخل ولا لا بس على البلوج عندي مرة ذكرت اني فلاحة ... واحد ترك تعليق انه 


لو كان **** فلاح كان قطعته 

:S

برضه يومها بلمت وبتيجينا مرات حالة لوم النفس انه هل انا لابسة غلط او ضحكت او حكيت بصوت عالي وهون رجعت قرات الموضوع انه كتبت اشي غلط ? بس وقتها تركت تعليق من كتر ما كنت مجلوطة ويمكن انا غلطت اني سبيت على عيلته المفروض اسب عليه لحاله انه هو الواطي ... ومن يومها بتركلي تعليقات مقرفة من كل الاشكال والالوان اشي بفهمه واشي ما بفهمه .... بس رجاء بسيط لهدا الانونوميس انه انت اللي بدات بقلة الادب .... بدك تستمر بقلة ادبك خد راحتك بس  كلنا النا امهات سب علي متل ما بدك بس اترك امي لوحدها 

18 comments:

sheeshany said...

شباب صيّع!

لوول

بس جد، مش لول!

حسيت معك بحق و إنت بتحكي "عذاب" المعاكسات!

لا تربية و لا أخلاق!

و بالفعل، لما يكون الشب وحده ما بيسترجي عادة!

شايفلك الكل لازم يكون معاه صاعق زي إم عمر!!!

الله يعينكو !

---
كم طولك صحيح! :مشمعاكسة: بدون جحر أو مسبات بليز :p

sheeshany said...

شكلو قليل أدب فعلاً

SimSim said...

Haitham: او في شباب بحسوها مرجلة ما بعرف! لان اللي بحب بنت او بحترمها عمره ما بفكر يعرضها لهيك موقف

طولي ? ههههه ١٧٣ سم بس مع نحفي الزايد ببين اطول كمان هههه

قليل ادب فوق ما تتصور

Em Ommar said...

إمنيح ما وقع معي
كان شللللللللللللييييييييييييت بخته شلاويط

Anonymous said...

انا اسفة وليس من الأدب ذكر الأمهات
لكن سوف استمر بقلة الأدب معك انتي
لأنك انتي قليلة ادب
على فكرة الشباب لا تعاكس البنت اللي شكلها محترم وتعاكس فقط البنات اللي شكلهم مشبوه ومضروب ولا علاقة للحجاب بالموضوع
للعلم فقط

SimSim said...

Anonymous: انا اسفة ???? يعني انت بنت ???

شو رايك تعتذر عن تعليقك الوقح اللي تركته وتعيش حياتك .... وقتها بعتذر على ردي المنطقي على قلة ادبك ... وخلصت خلصنا ! انا بس حابة تستثمر وقتك بشيء افيد مني
بالنسبة لرايك بالمعاكسات بفضل اوفر على حالي وجعة الراس وما اعلق

Em Ommar said...

لووووووووووووووووول

المجهول معلق عندي كمان
عاد صدقيني كنت بحكي عن الشب اللي تحركشك ع الجسر
لوووووووووووووووووول

شكلها رايقه,, سيبك وتوسخيش إديكي يا سمسمه

منتش قليله أدب
وكل إناءً بما فيها ينضح

إنتي العاقله هون يا حلوه,,

والله يا ست مجهوله أنا معظم الأحيان بكون لابسه عبايه مش مبهرجه ولا مكسمه ولا ملفته للنظر وبكون معي أطفالي ومابحط ميك أب وبمشي زي الزلام ومع ذلك بتعاكس من الشباب الوقحه اللي مابتخاف ربنا ف خواتها و بنات العالم


إفت,, زهقت وأنا بحكي,, حدن يجي يفصلني عن الشاحن

yosef said...

سمسم

صباح الخير

ترددت كثيرا قبل ان اشارك او ان اعلق

لانني لم اتوقع منك ابدا ان تردي عليه مهما كان تعليقه بتلك الطريقة

معلش سمسم هذه بديهيّات وانا اتمنى عليك ان تعتذري من نفسك اولا فانت ان أسأتِ ...أسأتِ لنفسك وقبل كل شيء

المهم ان اعتقدنا ان هناك من أخطأ وجزمنا بانه على خطأ....فكيف ممكن ان نتصرف بنفس الطريقة حتى لو كان ردة فعل ...علينا ان نتعلم كيف نسيطر على انفسنا

ارجو ان يتسع صدرك لكلماتي
وصديقك من اصدقك القول لا من صدقك

دمتِ بخير

SimSim said...

UmmOmar: يييي مش رح تخلصي معناها ههههه والله انا على عالحال من تقريبا سنتين وحتى اول مرة بجيب سيرة الموضوع ومطنشة بس حبيت اشاركم باللي بشوفه

SimSim said...

Yosef: بس لمن تحس انك دائما المحترم ومش جاي باي انسان ومع ذلك بتطاولوا عليك بدون اي سبب!! وهلا بحكيلي لو انا مبينة محترمة وملتزمة كان ما حد عاكسني !?? مرات بتحس انك بتطلع عن طوعك وبعرف كلامك صح بس بتوصل مرحلة بتخلي الواحد يتصرف مش بطبيعته وبصراحة اثبتلي انه تعليقي صحيح من التعليقات اللي بتركلي اياها !

Em Ommar said...

http://umomar.blogspot.com/2011/07/blog-post.html

Moh'd Jarrar. said...

Remove The "Anonymous" Option From Commenting.

http://bloggerfordummies.blogspot.com/2006/03/how-do-i-avoid-anonymous-comments.html

بالتوفيق

SimSim said...

UmmOmar: thanx A lot !!

SimSim said...

LUNAR: مممممم والله الي سنتين بعمل هيك ..... بس اخواني واخواتي بحبو ييجو يكتبولي تعليقات وما عندهم مدونات وكمان من لما نقلت على امريكا حسيت بالغربة عنهم اكتر مشان هيك شلت البلوكينج بس رح ارجعه .... بما اني رح اشوفهم كلهم ان شاء الله قريبا .... بس مش حل ! هو غلط ويمكن انا عالجت الموضوع بغلط وكنت بتمنى انه يخلص هالموضوع وكل واحد يعيش حياته وخلص .... شكرا عالتذكير على كل حال

sozan said...

مرحباً سمسم
اولا ونصيحة من وحده قرفت من معلقين من هالاشكال اعملي الغاء للكومنت تبعها وثانيا كان لازم ما تعمليلها قدر وتحكي عنها لانه لسبب ما بيفكروا حالهم مهمين !
هلا للمجهول وبتتمنى انها تقرا ملاحظتي هاي
عزيزتي المحترمه
من يهاجم شخص بالشتم والتطاول ع اهله او من احب في نظري انه شخص قليل الحيله لا يملك أسس النقاش وهو انسان ضعيف بكل معاني الكلمه
اما قولك انه الشب ما بيعاكس الا البنت الوقحه او غير المحترمه فانت مخطئه كنت ارى بنات ترتدي الحجاب والجلباب الشرعي وارى شباب تعاكسهم اين الخلل ؟
الخلل يأتي من أشخاص مثلك تماماً يبررون سيء الاعمال على الضحيه وكونك ترى الرجل غير ملام لسب انه احد الاشخاص اللي ارتفع القلم عنهم واللي رفعه المجتمع والناس اللي زيك مش رب العالمين
الامر الثاني وهاد الأهم كل إناء ينضح بما فيه والباقي عندك عزيزتي وع فكرة بلوجي موجود وفيك تشرفيني فيه ! لأني إنسانه لا أخاف من ذكر من انا ولا اختفي تحت ستار مجهوله!

Rana Al Sha'bani said...

أنا حابة أصالحك إنت وأنونيمس شو رأيكم؟

SimSim said...

sozan: والله كفيتي ووفيتي ورح الغي خيار تعليق الانونيمس

شكرا لمرورك الجميل

SimSim said...

Rana: حسستيني انه احنا كاينين حبايب ههههه انا ما بدي الا اعتذار وكل واحد يروح بطريقه