Tuesday, May 10, 2011

مقارنات

هذه النظريات هي محض تجارب شخصية وهي اراء وليست قواعد يتم تعميمها وقد لا تنطبق على الجميع لانه موضوع الشباب العرب في امريكاالكل فكرني بطلق حكم عام واني بظلم الاغلبية

اول مقارنة عن البنات في العلم العربي والبنات في الغرب .... اللي شفته وحسب تجربتي الشخصية ومن حولي واللي لاحظته من البنات في الغرب انه العربية مكرمةاكثر!كيف ? البنت العربية عموما تبقى في بيت اهلها حتى تتزوج وكل مصاريف تعليمها وما تحتاجه متوفر عادة من الاب او الاخ وحتى عندما تعمل يكون المردود لها الا اذا كان عندها مسؤولية اما الفتاة في الغرب يجب ان تتحمل مسؤولية نفسها من عمر 18 ومصاريف التعليم والسيارة والتامين الصحي منها الا اذا حبت تضل عند اهلها اللي نفسهم بشعروا بالتثاقل من اولادهم بعد سن معين وبقاؤها بالبيت لا يعني ان لا تتكفل بكامل مصاريفها

من عينة الاطفال اللي شفتهم وكمان مرة انا ما بطلق احكام لكن معظمهم ما عندهم تقدير لما يفعله الام والاب بمعنى ان الوالدين دائما مدينين للاولاد ولا شئ كاف بعكس ما تربيت عليه! ان الاولاد دائمي التقدير للوالدين ومستعدون للقيام باي شيء لارضاء اهلهم عكس ما رايته هنا

الناس هون دايما بضحكو بوجوه بعض ههههههه كنت استغرب هالشغلة اولها ههههه ياريت بالاردن نصير نضحك شوي بوجوه بعض

8 comments:

yosef said...

ما لقيتيش غير هالطلب تطلبي
طيب اطلبيلك ميت مليون دينار
اسهل
ما فيش فايدة
والسبب اللي بخلي الكل مكشر
الخسران مليون
والكسبان مليون
عدم القناعة
والقناعة كنز لا يفنى
ونحن في الاردن لا نعرفها

SimSim said...

مرة سمعت بحكولك لانه الاردن تحمل مصايب كتير وعنده مشاكل وقلة موارد! انه ما في سبب لاي حد يضحك! اي شوفو بلاد تانية مشحرين ومع ذلك في ابتسامة على وجوهم !

بس انا بحس في ناس في الاردن بفكرو
الكشرة دلالة على الهيبة هههههه

Whisper said...

وجهة نظرك اعتقد هي الواقع اللي بصير هناك

لانّا دايما بنسمع عن هالقصص, في النا قريب متزوج وعايش بامريكا من وقت الدراسه, بنته عال 18 طلعت من البيت و من حكي الاب ببين انه بس بده ولاده يرضو لحتى لا يبعدو عنهم بكبرتهم :$
ولا كأن تعاليم الدين هي اللي الاساس و لو عوده عليهم لما عانا ولا خاف يعاني مستقبلا

اما بالنسبة للابتسامه فانت عارفه شو شو اللي بتطلبيه بالزبط؟؟؟
معقوووووووووووول بدك ايانا لا سمح الله نبتسم بوجه بعض ؟؟؟

انا كتبت بوست عن اللي ابتسمتلها و حكيتلها الله يعطيكي العافيه وكانت بدها تضربني :$

SimSim said...

whisper: والله تربية الاولاد بتخوف هون ... في ناس كت استغرب لمن يرجعوا على البلاد العربية عشان ولادهم بس معهم حق

طلب مستحيل صح ?? ههههههه

GodFather said...

السلام عليكم ...
اول شي كتير بيحكوا في البرامج الاردنية سواء على الهوى او على الشاشة ثلاثية الابعاد ... " الضحك بدون سبب ... قلة أدب والكشرة هي السمة الوحيده لتبين هيبة الزلمة "
قال رسول الله (صلى الله عليه وسلم)تبسمك في وجه اخيك صدقه.

SimSim said...

GodFather: ههههه المهم انت يا عسل تضحك لانه ضحكتك بتشفى الواحد وبتنسي همومه ... يريت الكل بعرف فائدة الضحكة مع انها اشي بسيط

يسعدك والله الك وحشة

Anonymous said...

احكيلك سمسم بالبلاد العربيه عنجد اذا ضحكت البنت بوجه الشب يعني انها معجبه فيه واذا العكس برضو صحيح واذا صدف وضحك شب بوجه شب تاني بفكرو بتمسخر عليه او في بوجهه اشي غلط وبدقو ببعض هههههههههههه ..بالغرب بضحكو بوجوه بعض وهاد احلى اشي فيهم وانا اشهد

SimSim said...

Katkoot :D ya3nee hay el asbab leesh maa bned7ak ? :D asbab moqne3aa taraa loool