انا ما بحكي عن كل الشباب العرب في امريكا لكن للاسف من اللي شفته خلال هالفترة البسيطة هم الاكثرية ..... انه معظمهم ما بشتغل بشهادته وانما بكتفي باشغال بسيطة مثل بائع في كازية او شفير تاكسي او حتى بواب مع انه مواطن امريكي ومعه شهادة !! طيب اول ما وصلت امريكا كنت محتاج واضطريت تشتغل هيك شغل مش مشكلة بس مش تضل ١٠ و ١٥سنة في نفس الشغلة ?? ولو ما معك شهادة الكليات بتقبل اي شخص وبعد فترة سنة بنفس الولاية ممكن تدرس بسعر معقول ....لكن كانه بستسهلو هيك نوع من الشغل وبعضهم بصير يقدم على مساعدات من الحكومة وعلى هالاساس مستورة والحمد لله !! لكن وين المستقبل بالموضوع ?! واللي بشوفه انه هون الجميع اله نفس الفرص بالحصول على وظيفة يعني مش انه عربي ما بتوظف ! ما بعرف كيف بفكروا جد
Subscribe to:
Post Comments (Atom)
Posts
15 comments:
بصراحة، ما بعرف شو نوعيّة الشباب اللي بتتكلّمي عنهم لكن بصراحة الغالبية العظمى من العالم الموجودين و خصوصا حملة الشهادات ما بيقبلوا بالأعمال المتواضعة. مع ان العمل الشريف ما في اي عيب
لكن زي ما انتي عارفة اوضاع سوق العمل هاي الأيّام مش ولا بد، فكثيرين بيضروا الى هذه الأعمال
على فكرة ما يغرّك في ناس بتكون اصحاب هاي الكازيّات يعني هوة مو شغّيل، لا صاحب المصلحة. على العموم، اذا بتقبلي منّي نصيحة، حاولى تدوّري على ناس تانيين، الاّ ما تلاقي ناس على هواكي و يعجبوكي، لكن و بعترف قليل جدا ان الواحد يلاقي ناس على هواه في امريكا... يعني، بحكم انه الجالية العربية جد تعبانة في هاي البلاد باستثناء بعض المدن اللي فيها جالية ضخمة
احنا مش متعرفين على عرب كتير لسة هون ويمكن اوستن ما فيها هالجالية الكبيرة .... بس اي شب عربي بتصدف بشوفه بكون بشتغل هيك شغلة
انقلي من اوستن!
في كتير عرب بأمريكا بيشتغلوا بشهاداتهم و ببيضوا الوجه
الشغل مش عيب بس لازم الواحد ما يرضى بالقليل و لا يعتمد على مساعده الحكومه...فش اشي بيدوم
و كمان فوق مساعدة الحكومه الهم ، بيسبوا امريكا و الساعه اللي اجوا فيها عليها...يعني كأنه "البلاد" احسن..لو بقيوا ببلادهم كتير منهم كانوا طفرانين و بدون شغل
Mom: بننقل حسب شغل زوجي وحاليا مش مبين وين لانه طبيعة شغله بتنقل بين الولايات .... ومتل ما حكيتي الشغل مش عيب لكن ليش نررضى بالقليل وممكن نكون افضل
,صباح الخير
عادل شاب مصري عمل عندي في الاردن قبل 15 عاما ...جامعي ولم يجد عملا هنا الا تحت مسمى عامل نظافة وهو التصنيف الوحيد الذي تقبل به وزارة العمل وجوده هنا بشكل رسمي واعطاؤه تصريح عمل
عمل ب 150 دينارا وكان غير متزوج ويحول كل شهر لاهله مبلغ 150 دولارا ويصرف الباقي على نفسه
سنوات اهله بنوا له بيتا ضمن اراضيهم الزراعية في طنطا وطلبوا منه العودة
عاد وتزوج وعمل مع اهله في الزراعة
لم تعطيه الارض مصروفا يكفي لزوجته واولاده الاثنين ...فتح لزوجته دكانا على طرف الارض الزراعيّة وذهب ليعمل عامل بناء في الاسكندرية ...يذهب السبت ويعود الخميس وبراتب 300 جنيه مصري شهريا ما يعادل 50 دولارا
(كيلو الحمة في وقتها ب 80 جنيها)
لم تفلح كل محاولاتي لاعادة احضاره الى هنا
هذا ما فعله حكم مبارك بالشباب المصري واحلامهم وقيسي على ذلك الشباب العربي
هل تعتقدين ان الحظ لو ابتسم الى عادل ووصل امريكا او حتى اوروبا مهاجرا هل سيفكر اكثر من ان يعمل حارس عمارة او عامل في محطة وقود مقابل ان يؤمن لنفسه لقمة كريمة له ولاولاده وزوجته ووالديه تحويل مبلغ من الدولارات يكفيهم للعيش بكرامة دون اضطرارهم لبيع كرامتهم للنظام مقابل لقمة العيش
ما واجهه الشباب العربي في ال20 سنة الماضية اكبر بكثير من نمحوه من ذاكرتهم وما ثورات الشباب الا ردة فعل طبيعية وعادية ان لم تكن اقل بكثير من العادية على ما لحق بهم من ظلم على مدى عقود كاملة
دمتِ بخيّر
متذكّرة كيف في عمّان كل ما تطلعي مع شوفير تاكسي بيقلّك انّه عندو دكتوراه و ما بعرف شو، بس الزمان اللي رماه و عم يستنّى جامعة هارفرد اللي تعاقدت معو علشان تخلّص الأوراق بس.. و طبعا مافي شي منّه
نفس الشي، بيكون واحد هامل و يا دوب بيفك الخط و بيجي يحكيلك عندي شهادة بس ما لقيت شغل فتمشاية حال بشتغل بكازية
على فكرة في شباب هيك بالفعل وضعهم لأنهم ما عندهم اوراق مثلا او طلّاب. لكن صعب كتير واحد يصحّلو يشتغل شغلة محترمة و دخلها محترم و يرضى بالمرمطة، ما بتدخل العقل
على العموم الله يوفقك انتي و زوجك و تكونو مبسوطين مع بعض، كل العالم ما تفرق عندك. انشالله البلد الجاي تيجو عنّا و نغيّرلك فكرتك عن شباب امريكيا يا خالتي. و احلى عزومة كرش كمان
(ولو انّو ما في حد يطبخها)
Yosef: ان شاء الله مع تغير الامور وصحوة الشباب العرب يبطلو يقبلو بالبسيط ودائما يكون طموحهم اكبر من فقط لقمة وعيشة والسلام
Qwaider: اكيد في ناس زي اللي بتحكي بس والله اللي قابلتهم لهسة بعرف انه عندهم شهادات ومعهم جواز امريكي ومضت الهم فترة بالبلد هون بس ما بعرف جد بستسهلو هيك شغل يمكن ! وبتمنى انها تكون اقلية اللي بحكي عنها
يسعدك ! وخلص اذا بنيجي عندكو احنا بنجيب الكرش معنا
:D
يا ستي و أنا بقلك إياها عن معرفة ، في ناس راحت و معها بكالوريوس و ماستر و لتشتغل تجلي صحون ، بس احيانا بكون الوضع مؤقت يعني في اطبا يعرفهم طلعو و استغلو بكازيات عباب ما يخلصو اجراءات الشهادات و الامتحانات ، بس النوع الاول موجود بكثرة يمكن لانهم يقارنوا فرق الدخل فبعجبهم الحد الأدنى للأجور هناك
w7l: يعني يشتغلوا موقتا ما فيها مشكلة
بالمرة بس يبروزوا الشهادة في الكازية
وتضل مكانها على طول
جد خسارة
مش عارفة ليش ما بيقبلوا عحالهم يجلوا صحون بالاردن بس بامريكا اه O_0
عزيزتي الكريمه
اسمحي لي ان اقول لك ان صفة التعميم التي استخدمتها قد اوقعتك في الخطأ فانا اعرف الكثير من العرب ممن يحملون الشهادات ويعملون في مراكز مرموقه وهذا لا يعني ان من يشتغل في الكازيه او ما شابه يعني انه قاصر طالما انه يأكل لقمته في الحلال لا اراها مشكله !
كما ان من الممكن ان الوضع الذي ترينه هو نتيجه الوضع الاقتصادي الراهن ممكن يدفع الكثيرين للتوجه لاعمال من الممكن ان تنظري لها على انها اقل من المقام تقبلي مروري !!
Rain: ثقافة العيب اللي منتشرة في بلانا
sozan: انا ما عممت ولكن هذا الواقع اللي شايفيته وبالنسبة للشغل اكيد الشغل مش عيب لكن ليش نستخف بقدراتنا ? والعينات اللي شفتها مش من سنة وسنتين بشتغلوا هاي الاشغال البسيطة ! وبتمنى يكون كلامي غلط
walaw :D welcome anytime with any thoughts !!
سلام , شو حكت الاخت مزبوط الناس صحيح تيجي هون عشان هربانه من بلادها بس اكثر الناس تيجي عشان الجنسية لأنو لما توخذ الجنسية الحياة تختلف عند البلاد العربية الثانية , و انا اوافق سمسمة انو صحيح كثير ناس بظلو على حالهم و و اللي بطور بكون مرات طرق مش قانونية و كلو ببرر انت في امريكا يعني الوضع هون غير, يعني الناس بتحب مين بواسيهم انا بدي احكي عن تجربة صارت معي انا مهندس و كنت شغال بأحد دول الخليج و وضعي تمام بس انا ما كنت حابب الخليج فقط عشان انو وافد و من هذا الحكي و بعض الامور اللي أخذت منها موقف جيت على امريكا صراحة اتفاجأت مش مثل ما هو متوقع الناس حتى (العرب ) طبيعتهم غير كنت بدي اكمل ماستر و شكل اساي عشان الجنسية بس للأسف العرب ما بساعدو الكل مصالح ابسط عمل ما فيه مثل ما حكت الاخت just gas station و للأسف بحس الناس اذا بصح الك شغل منيح ما بحبو الك الخير خلاص لازم اتكون مثلهم و صحيح الحكي اللي قالتو كثير بكونو اصحاب الكازيات شغالين فيها و بكونو معهم ملايين بس بحس الناس زي ما هي و في ناس ما تتغير تقعد سنين و معها جنسيات و زي ما هي و السبب هم فهاي الدنيا راح حد يحكي ليش جيت مثل ما حكيت مجبر اخاك لا بطل بس كما قيل العمر بجري و الله اوفقنا على كل خير و تتيسر على الجميع و سامحونا
Post a Comment