Tuesday, December 14, 2010

مواقف 5

  • رمضان السنة كان اكيد غير عن كل سنة الحلو فيه انه كل اخواني واخواتي كانو مجتمعين لاول مرة ومن فترة طويلة بفضل ربنا اولا وفضلي انا ثانيا!!وغير هيك اول مرة بقضي رمضان دايما طاشة مع اني حاولت اخلص كل امور العرس بس الا يطلع شغلات اخر لحظة بس كانت طشات حلوة ولاول مرة اكتشف انه كل عمان كلها بتكون برة بعد الافطار
  • عرسي كان في عيد الفطر واخترت الموعد لحتى يناسب المغتربين جميعا لكن نصيحة لاي شخص بده يتزوج ابعدوا عن ايام العيد !!!!!!!!!! عججججججججققققققققققققة
  • غير اني كنت ابكي كل يوم طول الاسبوع اللي قبل العرس بس جد صرت برايدزيللا!!! كان الكل يخافوا يحكوا معي !!! بس جد انا جهزت كل اشي !!! وكله على راسي!! كنت اخر توتر واحلى اشي المعازيم !!! لانه طول عمري بحب عرسي يكون صغير وللناس القريبين جدا فكان بس 130 شخص !!! تخيلوا !!! اكيد في ناس صاروا يعتبوا علي بس مممممم ضربتها طناااااااااش ومرات كانو يضربوا عالوتر جد
  • يوم العرس كان هادي بالاول بس نيجي للنصيحة التانية والمهمة كمان يا عروس ما تحجزي في صالون ما بتعرفيه وما تعاملتي معه !!! على الاقل لو تزوريهم او تجربيهم قبل بفترة !! انا حجزت بصالون معروف وشاطرين لكن اول مرة بجربهم ومش متعودين علي ولا متعودة عليهم المهم تطاوشت معهم يوم الحنة ويوم العرس كمان هههههههه بس الحمد لله طلعت عروس محجبة حلوة
  • اصعب شيء لمن تطلع البنت من بيت اهلها!! مسكت حالي كتير ما ابكي لكن مع نظرات اهلي وخاصة امي ما قدرت اقاوم !! الامور كانت اولموست بيرفكت بس حظي المنيَل انه كان هوا كتير يومها والعرس كان برة !!!! بس غير هيك ومع الحبايب كلهم حولي !! كل شي كان رائع
  • مقابلتي بالسفارة كانت بعد شهر وكنت خايفة كتير ما بعرف ليش !! يومها ضليتني استنى 4 ساعات لحتى اجا دوري !!! لكن مشت الامور على خير ..... كل المقابلة ما اخدت 10 دقائق الحمد لله
  • بشوف اللي بسافروا على امريكا بحملوا زيت وزيتون وملوخية ومرمية وبامية وايش ما بيخطر على بالكم يعني تحس رايحين على بلد قاحلة ما فيها اشي !!! انا من شطارتي رديت على زوجي بحكيلي كل شي موجود!!! اوكي موجود بس مش زاكي !!! ومش اي مكان موجود!!! الحكمة من هالحكي انه نزلتي الجاي على عمان رح تكون بس مونة هههههه
  • مع انه الي بس شهر والبلد هون حلوة وجد حبيتها بس جد مشتاقة لعمان كتيييييير وللكنافة الناعمة الفريش !!!
وهدا اللي صار معي الاشهر الثلاثة الماضية

7 comments:

Whisper said...

مسا الورد على احلى عروس

دائما فتره ما قبل العرس بتكون عجئه و بتحسي حالك مش ملحقه و بس يخلص العرس كل شي بصير هادي

المهم ان الحمد لله كل شي كان زي ما بدك :)

ربنا يخليلك اهلك و يخليكي الهم يا رب و يجمعكم دائما عالخير يا رب

و ان شاء الله تكون زيارتك لعمان عن قريب لتشوفيهم و لتتمّوني :)

Unknown said...

أهلا أهلا
مبروك الجواز:)) الك وحشه والله:))

ع سيرة اللي مش زاكي معاكي حق،يعني ولا عمري كنت احب الملوخية بالامارات وبس اجيت عالاردن صارت عندي مقدسة لانو طعمها صار غير:))

SimSim said...

Whisper: الله يحلي ايامك يا عسل !! والحمد لله كل شي مشي على خير وان شاء الله زيارتي رح تكون قريبة !!

يسعدك

مياسي: الله يبارك بعمرك
جد والله بتحسي كل اشي طعمه ازكى في عمان

وبدي كناااااااافة

Aladdin said...

يا مبروك يا مبروك
أخذك جوزك على أمريشا كمان
ماشالله ماشالله

أنا تجوزت العيد يلي بعدو، بس أنا ما كنت مجوق البتة

سلميلي على بريتني سبيرز سمعت أنها بأمريشا كمان

Em Ommar said...

الحمدلله ع سلامتك

نورتينا والله

الله يكون ف عونك ع المونه اللي رح تاخديها,, مارح تقدري تاخدي كل شي

صباح الخير عسوله

SimSim said...

Aladdin: الله يبارك فيك!! شفت !? اخدني على اخر الدنيا بالطيارة حسيت انها اخر الدنيا!!! المهم بريتي سبيرز بتسلم عليك بس ماخدة على خاطرها منك بصراحة ما حكتلي ليش
:ch:

بتعرف اني حاولت والله يمكن 10 مرات اترك كومنت اباركلك بالعرس بس كل مرة يحكيلي
choose a profile :S
طيب من وين أشوز ؟؟

المهم الف مبروك وان شاء الله تتهنى بحياتك كلها بتستحق كل خير والله

and welcome back :P

SimSim said...

UmmOmar: الله يسلمك ومنورة بوجودك والله
بحمل ما عندي مشكلة !!! يعني الاشياء اللي مستحيل الاقيها هون زي الملوخية الخضرة و البامية جربت عملت ملوخية ناشفة طبعا شحدة اخدتها طلع طعمها زي الغبرة ههههههه والبامية كتيييييير كبيرة !!!

صباحك ورد