مع انه التدريس أسوأ مهنة في التاريخ وجد متعبة وبدون مردود لا مادي ولا معنوي لكن الأيام الماضية كنت كتير حاسة بالحزن اني رح اترك التدريس وأترك طلابي .... من فترة طلعوا على الاذاعة وشكروني وقدمولي باقة ورد أحمر ودبدوب صغير ! جد ما أزكاهم .... نسوني كل وجع الراس اللي كانوا يسببولي اياه و مبارح كان آخر يوم بالامتحانات جد كان يوم عاطفي لدرجة وقريبا رح أحكي عنه بالتفصيل
عمري ما حكيت عن السواقة وانه جد بخاف منها مع انه سواقتي رايقة ومنيحة المهم مبارح كمان خوفي تحول من مجرد شعور الى حقيقة .... أول حادث بعمله من لما بلشت أسوق ويمكن مش حجة لكن كنت مستعجلة وبدي أصدق أوراق وقرفت من موضوع تصديق الأوراق وما في وقت .... لكن الحق علي انا كنت مستعجلة ومسرعة المهم ضربت السيارة والضربة مش قوية الحمد لله ولكن بما انه التأمين ضد الغير ما حبيت نعمل كروكة وقصص .... لكن للاطمئنان حكيت مع اخوي يتفاهم مع الشب ودفعناله حق التصليحات ومشت على خير... والله لا يعيدها من تجربة
بتحسوا مرات الدنيا كتير صغيرة .... مبارح كمان كان عندي موعد مع منسقة أعراس (يمكن قابلت كل منسقي الأعراس اللي بالبلد وجد شغلة بتوجع الراس) المهم من أول ما شفتها شبّهت عليها (وانا شاطرة في التشبيه وتذكر الوجوه) ... كتير بتشبه شاب كنت أعرفه بالجامعة يعني معرفة سطحية ... المهم أثناء الحديث بتحكيلي انا رتبت عرس أخوي ! انا على طول سألتها شو اسمه وبأي جامعة دارس وطلعت عن جد أخته ... كيف الصدفة!! وحتى ورجتني فيديو من حفلة خطبته ! الدنيا صغيرة كتير
في الاسابيع الماضية دخت وانا أدور على مكتب أو شخص يتكفل بتجهيز عرسي لكن بما اني جد ما بثق باي شخص بسرعة وبدقق على كل التفاصيل وكمان بحب أعمل كل اشي بأيدي مش عارفة استقر على مكان زي العالم والناس وعن جد أسعارهم خيالية !! يعني بستحق ادفع هيك مبالغ ؟ او المسكين خطيبي اللي يدفع انا شو دخلني ههههه المهم اعتقد اني لازم أتوكل على الله وآخد الأمور ببساطة ... كثرة النق بتخرب الشغلة حتى لو كانت بيرفكت
جديد أقنعت صاحبتي مش متزوجة عمرها 37 وبتجنن .... بتشتغل كوافيرة وشغلها كتير طويل ومش كتير شطورة بالانجليزي والكمبيوتر ... أقنعتها انه أجرب أعمللها بروفايل على موقع من مواقع الزواج على النت وطبعا انا ما بعرف شو المواقع اللي زي العالم والناس واللي بكون الموضوع جدي مش بس تسلاي وتخويت !! ما بعرف نصيحتي منيحة ولا أنسى الموضوع ؟!! لانه صدقا البنت ما شاء الله عليها واحلى مني كمان وجد حابه اساعدها ... أمشي بالموضوع ولا شو رأيكم ؟
بعد هدا الاسبوع عن جد لازم أغير جو !!! أسافر أطلع رحلة !!! لاني كتير حاسة مخنوقة وبحاجة للتغيير !!! لو في عنا بعمان بونجي جامبينج !! هههه
بتمنى للجميع نهاية اسبوع حلوة ولا تنسوا تقرؤوا سورة الكهف اليوم وكثرة الصلاة على سيدنا محمد عليه السلام
سلام
عمري ما حكيت عن السواقة وانه جد بخاف منها مع انه سواقتي رايقة ومنيحة المهم مبارح كمان خوفي تحول من مجرد شعور الى حقيقة .... أول حادث بعمله من لما بلشت أسوق ويمكن مش حجة لكن كنت مستعجلة وبدي أصدق أوراق وقرفت من موضوع تصديق الأوراق وما في وقت .... لكن الحق علي انا كنت مستعجلة ومسرعة المهم ضربت السيارة والضربة مش قوية الحمد لله ولكن بما انه التأمين ضد الغير ما حبيت نعمل كروكة وقصص .... لكن للاطمئنان حكيت مع اخوي يتفاهم مع الشب ودفعناله حق التصليحات ومشت على خير... والله لا يعيدها من تجربة
بتحسوا مرات الدنيا كتير صغيرة .... مبارح كمان كان عندي موعد مع منسقة أعراس (يمكن قابلت كل منسقي الأعراس اللي بالبلد وجد شغلة بتوجع الراس) المهم من أول ما شفتها شبّهت عليها (وانا شاطرة في التشبيه وتذكر الوجوه) ... كتير بتشبه شاب كنت أعرفه بالجامعة يعني معرفة سطحية ... المهم أثناء الحديث بتحكيلي انا رتبت عرس أخوي ! انا على طول سألتها شو اسمه وبأي جامعة دارس وطلعت عن جد أخته ... كيف الصدفة!! وحتى ورجتني فيديو من حفلة خطبته ! الدنيا صغيرة كتير
في الاسابيع الماضية دخت وانا أدور على مكتب أو شخص يتكفل بتجهيز عرسي لكن بما اني جد ما بثق باي شخص بسرعة وبدقق على كل التفاصيل وكمان بحب أعمل كل اشي بأيدي مش عارفة استقر على مكان زي العالم والناس وعن جد أسعارهم خيالية !! يعني بستحق ادفع هيك مبالغ ؟ او المسكين خطيبي اللي يدفع انا شو دخلني ههههه المهم اعتقد اني لازم أتوكل على الله وآخد الأمور ببساطة ... كثرة النق بتخرب الشغلة حتى لو كانت بيرفكت
جديد أقنعت صاحبتي مش متزوجة عمرها 37 وبتجنن .... بتشتغل كوافيرة وشغلها كتير طويل ومش كتير شطورة بالانجليزي والكمبيوتر ... أقنعتها انه أجرب أعمللها بروفايل على موقع من مواقع الزواج على النت وطبعا انا ما بعرف شو المواقع اللي زي العالم والناس واللي بكون الموضوع جدي مش بس تسلاي وتخويت !! ما بعرف نصيحتي منيحة ولا أنسى الموضوع ؟!! لانه صدقا البنت ما شاء الله عليها واحلى مني كمان وجد حابه اساعدها ... أمشي بالموضوع ولا شو رأيكم ؟
بعد هدا الاسبوع عن جد لازم أغير جو !!! أسافر أطلع رحلة !!! لاني كتير حاسة مخنوقة وبحاجة للتغيير !!! لو في عنا بعمان بونجي جامبينج !! هههه
بتمنى للجميع نهاية اسبوع حلوة ولا تنسوا تقرؤوا سورة الكهف اليوم وكثرة الصلاة على سيدنا محمد عليه السلام
سلام
Posts
13 comments:
أولا الحمدلله على السلامة فيما يخص موضوع السيارة, بالنسبة الي أنا ما بنصحك تكمل بموضوع صاحبتك, لانو معظم الناس بهاي المواقع لا يثق فيهم وبلاش ينحط ذنب البنت فيما بعد برقبتك, بس سؤال ليه بتعقدو موضوع الزواج لها الدرجة, يعني اللي زي لما يقرأ هيك بحكي عمرينو الواحد ما يتزوج ولا هالهم ولا بطيخ :D.
Ahmad: الله يسلمك
وبالنسبة للزواج والله الشغلة مش بسيطة وتغيير جذري في حياة الانسان وبصراحة خاصة للبنت يعني انا رح اترك اهلي وبلدي كلها ... مرات جد بحكي لحالي هايني عايشة ومبسوطة ومرتاحة ليش وجعة الراس ههههه بس للحظة من اللحظات بتصير حابب يكون عندك عائلة واولاد وتعيش مع انسان بحبك وبتحبه .... ولا لأ ؟؟
:D
بالنسبة لصاحبتي .... مش عارفة والله بس جد نفسي اساعدها
سمسوووووووووووومتي حبيبتي ولك والله شتقتلك كتيييييييير .. والله يعينك ويعطيكي العافيه يارب وان شاء الله عرسك بيكون احلى عرس بالعيله كلها
وسلالالالالالالالالامة قلبك ديري بالك بالسواقه وطولي بالك كل شي بيجي عمهل..
وشو رأيك تعملي فيزة زياره بس اسبوع عنا تعالي غيري جو وبعدين ارجعي كملي ترتيبات العرس...
Krmooshaa: حبيبة قلبي !! الله يسلمك والله من الاستعجال ولا انا طويلة بال عادة !! بس يلا عشان انتبه اكتر المرات الجاي .... وبالنسبة للفيزا عن جد بس استقر على ناس كويسين على طول بطير عندكم ان شاء الله
مس يوووو كتييييير
ولادك خلصوا امتحانات صحيح ؟؟
نهي نهي لسه ما خلصنا ليوم الثلاثاء بنخلص
بس وينك حاولي تيجي قبل 30 الشهر
karmoosha: ليش وين ناويين تطشوا ؟؟
:P
ان شاء الله بقرر هدا الاسبوع
بلكي بأول 7 رحنا عملنا عمره
ولانه ب30 رح انزل السياره
وزي مبتعرفي هوون موووووت حر ورطوبه لو بدنا نصيع بالتكاسي
الله يذكرك بالخير إن شاء الله دائماً :)
يالله هانت ماضل قدما مضى.. حلو تغيير الجو عارفه حتى لو طلعتي مع الأهل شطحه وقضيتي يوم كامل بره البيت أكيد راح تنبسطي وتجددي نشاطك :)
والله مابعرف.. بس أنا مني وعلي مستحيل أصدق بمواقع الزواج هاي.. عشان هيه معموله لهدف حسن.. بس ولاد الحرام قلبوها تخويت ونصب.. فأنا ما بشجع..
ومبروك مقدماً إن شاء الله كلشي بطلع بيرفكت وزيما بدك :)
Very Good.
سبحان الله لسا قبل كم يوم كنتي بتحكي انك متردده توقعي مع المدرسه لسنه جديده وشوفي كيف طارت السنه :$ ولا حسينا فيها
الف الحمد لله على سلامتك وديري بالك يا قمر و هدّي اعصابك, هيك الزواج عجئه بعجئه, بكره كله بصير زكريات حلوه ان شاء الله
بالنسبة لصاحبتك والله انا ما بقتنع بهالمواقع, و الموضوع قسمة ونصيب و ربنا كاتبه و هو وحده اللي بعرف ايمتا وكيف وما بتعرفي شو ربنا كاتبلها...الله يبعتلها ابن الحلال اللي يهنيها :)
krmoosha: طيب بنشوط على سيارة جوزك ههههه آخر فياعة
Rula: جد لازم تغيير باي وسيلة ممكنة قتلا للروتين ههههه والله يبارك فيك ويسعدك وبالنسبة للمواقع كلامك صحيح بس مش عارفة كيف اساعدها !!؟
whisper: شفتي ؟!! الايام جد بتركض !! الله يسلمك جد كانت تجربة بشعة ولما شفت أخوي ما قدرت امسك حالي وصرت أعيط
وبالنسبة للعرس بحاول أهدي بالي هههه من اسبوع طلبت من الدكتور يكتبلي مهدئات ههههه
وبالنسبة للزواج كلامك صح بس صراحة في مرحلة بتمر على البنت انه شو مالي ليش هيك بصير معي وممكن انه بدها تعمل المستحيل لحتى تجد الانسان اللي تشاركه حياتها يعني مثلا ظروف شغلها كتير صعبة يمكن هدا اللي مأخر عليها !! وان شاء الله بتتوفق هي وكل الصبايا
Bebedores do Gondufo: ok :D
Post a Comment