Wednesday, March 17, 2010

هو البلاك بيري مش نوكيا !!؟

ههههههه يمكن أهبل سؤال بسأله بحياتي وبعرف ابن اختي رح يفضحني بين الكل هههههه خالتي ما بتميز بين الموبايلات .... جد كل فكري انه نوكيا عملوا موبايلات سموها بلاك بيري ههههه..... كنا في عملية بحث عن موبايل نوكيا فليب يكون لايت وسيمبل ومش غالي بس بلش يحكيلي عن موبايلات بلاك بيري عندها طرحت السؤال الأغبى في العالم هههههه

بس نتوقف شوي عند البلاك بيري !! ما بتحسوا انه موبايل عرط كتير للناس اللي مش بـحاجته !!؟ يعني رجال الأعمال اللي شغلهم مقطع بعضه ولازم الواحد منهم يرد على الايميلات حتى وهو مسافر هيك شخص بكون بحاجة لهيك موبايل لكن شاب في الجامعة ؟!! ولمن تسأله ليش بدك اياه مع انه بكون عندهم لاب توب وكمان في وايرلس انترنت في الجامعة بحكيلك يعني بشوف ايميلي أي وقت وبشيّك على الفيسبوك متى ما بدي -في الباص يعني هههه- (رح تخرب الدنيا اذا ما شاف مين أغمى عليه ومين راح ينام نص ساعة!!)وكمان اشتراكه مش رخيص !! جد بحس كتير أشياء تافهة صارت هي المهمة في عقول الشباب هاي الأيام

10 comments:

Whisper said...

يلا ابن اختك الله يخليلك اياه منكم وفيكم, المشكلة لو غلطتي هالغلطه بين الطلاب بالمدرسه...هون الزفّة المرتبه :)

احنا اجمالا شعب بحب "العرط" كتير, المظاهر اهم شي, حتى لو اشي ما بنفهم فيه ولا بنحتاجه ولا حتى بفيدنا بشي, بما ان اله اسم وغالي اذا لازم اجيبة علشان الناس تحكي اني جبته, ولازم اجيبه قبل فلان, بتعرفي سباق الموضوع

لو الكبار يبطلو هالعادات الصغار تلقائي بطلوها

Ahmad Merie said...

fe uae el kol 7amloh mo 3aref lesh:S
ana ma 7abeto be sara7a..
nefsi be iphone.. bs mo lal 3art.. men bab enno ana technology addicted bs
el black berry ho 3ebara 3n outlook motanaqel.. aktar men kawno mobile be 7ad thato..
Accept my passing by

Rula A. said...

احكيلك سر.. أنا كمان كنت مفكراه إنو من نوكيا.. هههههه.. إبن جيرانا بصف تامن ومعاه أي فون.. فعادي لو كان طالب جامعة معاه بلاك بري..

SimSim said...

Whisper: الله يخليه بس بتشوفي اذا ما خبّر العيلة كلها
:D

كلامك صح والله وبعدين بقطعوا ايدهم وبشحدوا عليها العالم

SimSim said...

Ahmad: هدا اللي لاحظته يعني نادرا ما اشوف حد بستخدمه كتلفون

خلص لازم تجيب الآي فون ما تخليه بنفسك

welcome any time :)

SimSim said...

Rula: ريحتيني :D

مش لوحدي يعني ههههه

انا عارفة يختي !! بكرة شو بده يجيب معناته ؟!!؟

Jundi said...

lol 3ajbatni il cartoon

krmoosha.. said...

سمسوووم شتريت موبايل حلووو كتير رقمه 6760 بس لزيييييييز احمر وصغنن

احلى اشي تعليقك عالنت.. انا فيه نت التلفون بس ما بشغله

اول معملتله سيت اب زااح كل الفلوس اللي بالرصيد قلت بعقلي يعني الكمبيوتر بوجهي ليل نهار ما بستعمله بدي اتفصحن واشتغل عالتلفون اي بلا قلة عقل .. رحت شطبت منه خدمة النت ..

بي موووز لوووز الجههاز هههههه بتتزكري دستة اشرار

SimSim said...

Karmooshtee:

كيف يا قلبي ؟!! مبروك الموبايل شكله لزيز وسيبيكي من النت ههههه طول نهاره شغّال عندك حبكت يعني .... هههههه مووووز هديك المرة حضرته كمان مرة تذكرتك

مسسسس يووو كتيييير موااااااه

ĐàŋdŎöŅёH said...

hahha 7abeeet el-so2al !!
ana heik kont awalha alakhbit bs ba3ed ma ishtaghlt b-vodafone w saro el-customers yejaninona w homeh yes2alo iktashafit ino ikhtera3 ma ilo da3i .. !!!

mish kteer ishi mohem 3la fekra ti3rafi el-fare2 l2no ishi kteer m3a2ad !!


@whisper : ta3ali 3inna w shoofi el-mazaher 3la osoolha !!!