Thursday, February 04, 2010

سيناريو المنخفض الجوي الثلجي في الأردن

عن جد انا ما بتمسخر بس بتلاحظوا كل مرة بتتلج لازم نشوف كل الأمور التالية بالأردن

أول وأهم شيء يتم اعلان حال الطوارئ والتأهب القصوى في البلد كأنها حرب والكل بعطل مع انه بكون ارتفاع الثلج 1 سم (طبعا انا ما بشكي بالعكس ياي) وهدا احلى اشي

الخبز والمواد التموينية تنفذ من المحلات

ما بعرف ليش كل السيارات بتكون دايرة بالشوارع كأنه الدفاع المدني بحكوا للناس اطلعوا من بيوتكم

على التلفزيون بكون كالتالي:
بث حي ومباشر عن حالة الجو وتصوير من الشوارع وكيف الناس زي اللي عمرهم ما شافو ثلج وأكيد تقرير لجهود الدفاع المدني في تسهيل حركة السير طبعا الله يعطيهم العافية

بضلوا يعيدوا ويزيدوا بنفس اللقطة

على حد علمي لازم يجيبوا مسرحية شاهد ما شفش حاجة ... لا مفر

وطبعا أغنية فيروز تلج تلج

احنا بالدار لازم امي تطبخ عدس و دوالي واليوم طابخة دوالي ههههه الله يطول بعمرها

في منطقتنا ما في تلج كتير بس بنستنى
..... والله يديم الخير

في اشي كمان وانا نسيته ؟

11 comments:

Whisper said...

بالنسبه النا البوشار لازم بالتلج...و اليوم اكتشفت ان مش بس احنا اللي عنا هالتقليد

بالنسبه للتلفزيون لازم يعيدولك كل الاغاني اللي الك 10 سنين مش سامعتيهم :)

وبرضه مسرحيه العيال كبرت ومرات سك على بناتك :)

للاسف داومنا و ما عطلنا و راحت التلجه عالفاضي :(

Shaheen said...

بيلتقوا مع العقيد تبع الدفاع المدني
طبعا انا ذاكره من ايام ما كان ملازم

بيجبوا مندوب الامن العام بيعيد نفس
الكلام

لما الثلج يكون قوي الستالايت بيخرب والعالم بترجع تحضر التلفزيون الاردني وسوريا لانهم القنوات الوحيدة اللي بتجيبهم الشبكة العادية(للي ظل عندهم )


كل مدونات الاردن بتصير صور ثلج

SimSim said...

Whisper: ههههه صح والله احنا الكنافة بنصير نتوحم عليها ههه

اليوم وصلت المدرسة ما في الا
10 طلاب فيها !! بس بتعرفي المدارس وزناخة المدراء !! لأ لازم تضلوا بالمدرسة وبنعمل اجتماع استغلالا لوقتكم الثمين .... اجتماع الشرق الأوسط تقولي هههه
المهم روحنا عالبيت بس أبكر بساعة ... مأبردهم

SimSim said...

Shaheen: هههه نسيت موضوع الستالايت والله بس اللي عنا لحد الآن تمام ما شوش هههه

وصحيح 100% عن المدونات

بدنا أهل الكرك ومؤتة يحطولنا صور هسه

:D

نادر احمد said...

مرحبا سمسم
نسيتي كمان غرفة عمليات امانة عمان اللي بتكون مفتوحة 24 على 24 وارقام الدفاع المدني والنجدة والاسعاف اللي بتكون بتلف على الشريط الاخباري، وطبعا حصيلة الحوادث اثناء العاصفة، واللي اغلبها ناس ماتوا اختناق في الصوبة، الغريب انو كل سنة بنزل تلج مرة او مرتين، بس ما بعرف ليش بطبلولو كل سنة تقول اول مرة بنزل
لا حول ولا قوة الا بالله

Jood said...

e7na bel nesbeh elna el 3awameh lazm ten3amal. 7ata law e7na be malaysia o mafe talj o bs 3refna eno ra7 ettalej bel 3amman ro7na akalna 3awameh, howa ma 3melnaha `3alabeh. bs eno el 3awwameh eshe darore :p

Crimson^ said...

بالنسبه اللي كان احلى منخفض بالتاريخ

لانه كان منخفض يوم جاهتي وخطبتي

بس خلصنا الخطبه بالليل رحنا انا وخطيبتي نتعشى والثلج بنزل على السياره كان المنظر خرافي حسيت حالي بأحد أفلام هوليوود

Whisper said...

الف الف مبروك اسامه :)
عقبال الفرحه الكبيره والله يتمم عخير

SimSim said...

نادر احمد:
marra besaneh 3ashan heek ben3ejgoo :D yalla marrat 3ala 5eer

Jood: loooooool mosharakatan elnaa ya3nee ?!! loool sa7a w 3afyeeh

SimSim said...

Osama: 1000 mabroook this is great news !! w jadd nyalak jaw jameel w sha3eree yaa 3ammee ;)

mabrook kaman marra w allah yhanekom in sha2 allah :give:

Crimson^ said...

SimSim and Whisper thanks :)