المكياج والعربيات

لمن اتابع اي شي على التلفزيون بكون عارفة القنوات اللي بدي اشيك عليها وبصراحة بكون ادور على مسلسل او فيلم اجنبي لانه خفيف لطيف ومافي داعي اكون متبعة من الاول لافهم القصة ...... المهم اليوم مرت اخوي كانت بتتفرج على التلفزيون معي وهي من اللي بحبوا يجربوا كلللللللللل القنوات لحتى يستقروا على قناة (بكره هالعادة) المهم رسا الريموت على م ب س 1 على برنامج ستايل ستارز ؟!! يمكن هيك اسمه .... المهم واذا بخبيرة مكياج سعودية (ما بعرف على اي اساس بطلقوا كلمة خبيرة) ما علينا هاي الخبيرة فازت بالمرتبة الثالثة في مسابقة للمكياج في دبي ..... وطبعا جابوها وهي تليّط أووو سوري قصدي تدهن ... سامحوني يا جماعة قصدي تمكيج عارضة ......

آخ يا قلبي انا والله العظيم صفنت ومش عارفة شو احكي !!! شو هدا ؟ بعرف انه الناس اذواق وانه الجمال بختلف من شخص لآخر آخر بس مش هيك ؟؟؟ رموش اتوقع انها خصل شعر يعني غصب عن العالم بدها تبين والآي شادو اتوقع علبتين على العين الوحدة ويا حبيبي على الآي لاينر .... واحلى اشي الشفايف هههههههههه علبة دهان كاملة ... ما ننسى الفاونديشن اللي احلى اشي فيه انه الوجه لون والرقبة والجسم لون تاني بتطلع الوحدة زي المتحولين !!والله اني قرفت من شكلها وبتحكيلك الشعب السعودي بحب المكياج الثقيل .... يختي يحبوه بس يكون حلو !! مكياج اليسا تقيل بس حلو صح ولا لأ ؟؟ واللي جالطني ماخده جائزة وبتعطي نصائح عن الجمال ...... تعطي نصائح عن البقراحسن

هدا مكياج لكمان خبيرة ههههه بس اماراتية .... اللي بدي اعرفه مين البنت اللي ممكن تقبل وجهها يصير هيك ؟!!؟


نموت نقلد الغرب في كل اشي سيء طيب ناخد الاشياء الحلوة ..... ما بحكي الاجنبيات ما بكونوا حاطين 5 طبقات مكياج بس والله بتكون الوحدة شكلها طبيعي وحلو حتى في المناسبات ..... بس احنا لازم نظهر كم علبة مخلصين على وجوهنا

هاي كم صورة مقارنة واكيد الكل شافهم قبل .... اصلا بنوفر مكياج لو عملنا زيهم