Monday, March 16, 2009

شباب هاتنشتري كانون

يوم الخميس الماضي كناانا وأخوي أكثم وأخوي اياس مروحين من عزومة عشا عند دار عمتي (كنا 20 شخص بالبيت بس احنا 3 بالسيارة لحالنا) وكانت الساعة 11:30 .... الأكل لسة ما كان مهضوم !! .... بس قررنا نشتري تيركي ورست بيف بلكي جعنا بعد ساعة او ساعتين !!! ههههه المهم واحنا بالماركت بنلفلف طبعا بنتخوت وبنضحك على كل اشي .... اياس شاف الكوانين اللي للشوي وحكالنا شباب هاتو تنشتري كانون .... احنا ما بدنا كانون بس هيك سكاعة .... وهاتي يسكت !!! من الماركت للبيت تقريبا تلت ساعة وهو على نفس واحد شباب هاتنشتري كانون شباب هاتنشتري كانون ..... واكثم يقلد اللي كانت ترد زمان لمن يكون الرقم غلط ... اخي المواطن رمز المقسم المطلوب غير مستعمل يرجى مراجعة استعلامات الدليل واعادة الطلب .... المسكينة مرات كان يسقط سهوا اول الكلمة ولا اول حرفين ولا آخرها بس بقلدها بطريقة !!! عن جد من زمان ما ضحكت بطريقة انه راسي وبطني وفكي حسيتهم رح يتمزعو !! مشان الله اسكت خلص ... متت ضحك

شغلة هيك تافهة يمكن او ما تبين بتضحك بس من كتر ما كان جاي على بالنا نضحك ! (اكثم بشتغل بدبي واياس في ابو ظبي بس اجو اكمن يوم هيك اجازة صغيرة) ... هيصنا معهم الاسبوع اللي قعدو فيه ... بس من بعد ما ضحكت تطلعت عليهم وحسيت جاي على بالي ابكي. يا الله ليش لازم يسافرو؟؟ ولازم يبعدو ؟ وهسه همه شوي قريبين مني ممكن اشوفهم كل اكمن شهر ! كيف لمن اتزوج وأروح على قارة بآخر الدنيا ... بعرف في اتصالات وطيارات بس ما رح يكون الوضع زي هيك ... ايييييه

أحلى اشي بالدنيا يكون عندك عيلة كبيرة بس الأصعب انه يتفرقو كل واحد ببلد ... ما بفدر احكي الا الله يسعدهم ويوفقهم كلهم

12 comments:

maroo said...

الله يفرح قلبك دايما يا رب
و عنجد مافي اصعب من الفراق و بعد الأهل و الاخوان ما بيجي حدا عنجد انهم ما بيتعوضوا بس هيك الدنيا مو دايما بتعطينا اللي بدنا ياه .. الله يهونها عالجميع و ربي يسعدك وين ما كنتي :)

Anonymous said...

Amen to that!

SimSim said...

maroo: thank u sweetie and ameen to that :)

anonymous: thank u :)

Batoul A. said...

It's a price we're all paying babe bas la tkhafi ratmn el 7aya hoon bnaseeki wo byshghelek kteer wo inshAllah el zoroof btkoon mosa3deh la tshofeehom often wo tefra7o b ba3d :) Allah ykhaleekom 7abab wo la yfare2kom. Its a beautiful thing, mashAllah!

SimSim said...

Batoul: hiii sweetie i really miss u a lot ... I hope every thing will be fine ... i know i will drive him crazy at the beginning but i guess i will manage but things won't be the same :(

thanx sweets

nana said...

انشالله دايما تكوني فرحانة واهلك دايما حواليك

شو بدنا نعمل هيك الدنيا احباب بتفرقو ناس بتهاجر وناس بترحل من حياتنا دون وداع
بس بيضلو الاهل احسن شي بالدنيا

شكرا على البوست الحلو

nana said...

http://kharabeshsister.blogspot.com/

SimSim said...

nana: I am glad u like it .... thanx :)

Wize said...

ايل واعادة الطلب

واطن ... رمز المقسم المطلوب

جى مراجعة استعلامات الدليل

لب .. اخي المواطن

SimSim said...

Wize: looooooooooooooooool

I misss u soooooooooo muucccchhhh :hug:

Anonymous said...

Shabab HATTTtanshtri KANOON

ba7ebek

abuward

SimSim said...

yese3dak abu ward mwaaaaaaaaaaaaah w ana kaman ba7ebbak mooooooooooot