يابا ناوليني هويتك

من أكمن يوم أبوي طلب مني هويتي الشخصية (طبعا انا على طول عرفت بذكائي الخارق انه اشي اله دخل بالانتخابات ) .... ليش يابا شو في ؟ لا يابا ولا اشي بس جارنا ابو فلان بده اياهم لانه بعرف فلان مرشح حاله للانتخابات (فلان طبعا شخص ثاني مش ابن جارنا) و طبعا بده يسجل هوياتنا مشان ننتخبه

طيب مين هوه هدا الفلان و شو بساوي و شو جدوله الانتخابي ؟ طبعا ابوي اطلع علي كمان اشوي بده يسلخني بوكس يابا هاتي هويتك يلا

يابا ما رح اعطيه اياها .... المرة الماضية ما انتخبت و انا كنت عارفة مين اللي بدي انتخبهم آجي هيك أعطي صوتي لاي حد عالعمية؟ هدا اذا انتخبت أصلا على اللي بنشوفه و كيف ولا اشي بمصلحة المواطن .... شو بساوي بالضبط مجلس النواب ؟

ولا احكيلكم بدي أرشح حالي انا !! كل البلوجيرز بصوتولي و بوعدكم بانترنت اسرع من لمح العين و ببلاش و داون لود لتشبعو و يتفجر كمبيوتركم معلومات

و لنكون صريحين انتخبوني و بعديها مش رح اتعرف عليكم كلكم و ابقو قابلوني