نشرة الأخبار الأردنية

صدقا معدي ومقدمي الأخبار على التلفزيون الأردني مش عايشين على كوكب الأرض ... يعني بشوفوا شو اللي بصير حولنا ؟؟؟ مرات بالغلط بمر على القناة الأردنية وبتبدأ الأخبار وبسمع بس 5 دقائق من النشرة بحس حالي جد بين بقدونس ونعنع وبمعّي يعني خروف العادة !!! نفس الكلام السخيف اللي جد ما بعرف مين بصدقه ؟!!! الوطن وقوة الاستثمارت الخارجية وموقع الاردن الاستراتيجي وحجم المشاريع !! طولوا بالكم !! اذا مشروع العبدلي عفّن ومش  عارفين ايمتا رح يخلص ولّا أحلى اشي الباص السريع اللي في طريق الجامعة اللي شكله من كتر ما هو سريع ما حد شايفه ... يمكن قبل الثورات اللي بتصير حولنا كان ممكن الواحد يسكت انه الناس مدعوس على راسها ولازم تصدق أي اشي ... بس خلص بكفي !! على الأقل توقفوا عن الاستخفاف بعقول العالم ... بنسمع مصايب البلد من القنوات التانية  واستثمارات مين يا عمي ! احكو عن النهب والفساد اللي بصير ... لانه مش مبين اشي بالبلد ولا عالناس ..... برأيي بلا منها نشرة الأخبار الخيالية الفضائية أو انا ما أغلط مرة تانية وأتابع نشرة الأخبار الأردنية


وبالمرة مبروك فوز الاردن على الصين للحظة من اللحظات تمنيت تخسر الأردن من ورا المعلّق ! حطمنا سور الصين العظيم !!!! 5 ملايين يهزمون مليار !!! ههههههه والله نهفة ... بس هديلنا أعصابك شوي

مواقف 8

المفروض بكرة اغادر عمان لاميركا لكن الوالدة تعرضت لحادث بسيط أواخر أكمن يوم في رمضان .... الحمد لله رضوض بسيطة لكنها محتاجة راحة وامي من النوع اللي دايما تتحرك وتشتغل بالبيت ! مع انها مش صغيرة بالعمر وحتى لو حد بساعدها بتطلّع شغل من أي مكان ..... المهم بما انه ما في عند أهلي شغالة هالفترة وحسيت جد نفسيتها تعبانة انها ما بتتحرك كتير وما بتعمل اشي لذلك قررت اني أمد اجازتي كمان شهر ! يعني شهر بس رح أكون امسح وأجلي وأشطف ههههههه مع انه الشهرين اللي مضوا لم يخلوا الأمر من هالقصص هههه .. بصراحة اشتقت لبيتي ولمملكتي الخاصة وزوجي وهالشهر رح يكون شوي ملل لانه الكل تقريبا سافروا وبرجع روتين حياة الشغل  للجميع .... بس المهم بالموضوع امي تقوم بالسلامة و الله يحميها ويعطيها طولت العمر 

من زمان ما عملنا كعك العيد ! السنة اقترحت على اخواتي اللي كمان متغربات وكل وحدة الها بيت انه نلتم عند أهلي ونعمل كعك مع بعض وبنوزعهم علينا! وبالفعل عملنا تقريبا عشرة كيلو هههههه واشتغلنا فيهم من الساعة وحدة بالليل للساعة سبعةالصبح ! بس جد طلعو بشهّو!!!! ما صمدوا لثالث يوم العيد ! حتى حصتي اللي شالولي اياها آخدها معي اتاكلت ههههه الفكرة والله كانت باللمة ! بس طلعت لمة بتجنن 

وكعك بجنن كمان

مرة كان عندي موعد عند دكتور الأسنان وكنت مستعجلة ! مرّيت على كازية أعبي بنزين ووقفت سيارة كمان وكان فيها شاب ! المهم انا خلصت ومشيت بالسيارة ! شوي ولا حد بزمرلي انه وقفي !! انا طبعا نشف دمي! فكرت في اشي بالسيارة !!! المهم زي الهبلة صفيت على جنب وكان الشباك اللي بجانبي نصه مفتوح! اجا الشاب وبكل برود أعصاب بحكيلي متأسف بس شبهت عليكي وحدة درست معي في الجامعة الأردنية !! ههههه حكيت في بالي أهللللللا!! رديت لأ يا أخي غلطان أنا أصلا ما درست بالأردنية كلها !! طبعا هو مدخل نص راسه من الشباك وماسك فيه كمان ! حكيتله ممكن لو سمحت !! بحكيلي طيب وين درستي ؟ وافتحي الشباك شوي خلينا نتفاهم !!!! شو نتفاهم ؟؟؟ انا جد خفت !!! يعني عمري 31 سنة وعمري ما تعرضت لهيك موقف !!! ومش اني ملكة جمال !! يعني بنت عادية متلي متل كل البنات !! والأدهى بالموضوع انه الدنيا رمضان !! حكيتله شيل ايدك عن الشباك لو سمحت ومشيت !! صار يحكيلي طيب بليز بليز رقم تلفونك !! انا ضليتني ماشية بالسيارة وحكيت الله لا يرده اجره تحت العجل ولا راسه معلق بالسيارة المهم ضليت ماشية وجد خايفة ! لوهلة حكيت معقول بده يسرق شنتتي لانها كانت على الكرسي اللي بجانبي !! مشيت شوي بالسيارة ولا هو بلحق وراي لسة !!!!! والحلو بالموضوع انه ماسك ورقة صغيرة شكله كانت عليها رقم موبايله انه بده يرميلي اياها ههههههههههههههههههههههه آخ !!!! الدنيا أزمة وصايمين العالم طيب شو أعمل ؟!!! ضليت أأسرع وأحاول أضيعه ووقف مرة تانية عالاشارة ! تطلعت عليه بأشرلي بالورقة !!! وأنا بحكي لا حول ولا قوة الا بالله وبحرك براسي ! مش عارفة شكله استوعب انه استحي على دمك وبعدها ما شفته وراي ! بحكي لأخوي هيك صار معي بحكيلي لونك أعطيتيه رقمي بس ههههههههه صح والله كان لازم هيك عملت

مرة انعزمنا عند دار خالي وكان في صبايا صغار ! طبعا بالنسبة الي هسه صبايا صغار يعني أقل من العشرين ومنهم بنات اخواتي ! كانوا حابين يطلعوا ياكلوا آيس كريم بعد الافطار! ومتى تذكروا ! الساعة 11 بالليل وطبعا بما انه الأمور عنا مش سايبة وين يختي انت وياها ؟؟!! بس يقنعوا فيهم وما بنتأخر وما بعرف شو ! ومنهم وحدة جايبة سيارة جديد وحابة تطلع فيها بس امها مش مأمنة عليها ! .... بعد نقاش ولأ وآ ليش يا اسمى ما تروحي معهم ! بما اني كبيرة وبأمنوا عليهم معي ! انا حكيت أوكي بيبي سيتر مش مشكلة المهم آكل ايس كريم كمان ههههه ومع ذلك طلعوا معنا شباب وبصراحة أحسن ! المهم رحنا أكلنا وانبسطنا ! مع انهم كلهم صغار لكن حلوين ! لما روحنا طلعت مع الصبية اللي جايبة السيارة جديد وبتدرب عليها وكانو معي بنات اخواتي  .... حطوا على أغنية كنت كتير أسمعها بأمريكا بس ما أعرف المغني ولا متذكرة اسم الأغنية بس بحكولي هاي الأغنية اهداء منا الك يا خالتو وصارو يغنولي اياها بالسيارة ! اسمها جست ذي واي يو أر كانت لحظة رح أتذكرها طول عمري وجد كنت رح أبكي !! جد مأزكاهم !!!! يعني ديرة بالي عليهم وانه كنت دايما بيبي سيتر الهم ما راحت عالفاضي هههه ومن يومها صارت من أغانيه المفضلة

I won a Samsung Laptop with Mazaj FM Wohoooooooooooo !!

Remember when I said I called Mazaj FM like 2 weeks ago !! It was my first time ever ! calling a radio station or even TV ! the program is called Salle syamak with Rose and Mahmood from 2:00 - 5:00 pm (it's really nice and funny program) the prize was a samsung laptop ! I totally forgot abou it because I know I am not that lucky and what's the chances ?!!! but a week later which was last sunday they called me to make sure that it's me Asma ! the one who participated with them ! and then they called 10 minutes later telling me on air !!!!! that I won the laptop :D I was really surprised !!!!!! and Happy ! that was very obvious :D because it's such a wonderful surprise ! I Do want a laptop but the Idea of winning is Just Amazing !!! 

It has been a week but I still don't have the laptop :p I hope I get it before I leave Jordan :p

Ramadan Kareem :)

7 مواقف

  اولا رمضان كريم على الجميع مع انها متأخرة شوي الله يتقبل منا أجمعين بس الاشي الوحيد اللي ناقص في رمضان السنة هي سيري ! مين سيري ؟ هي مدبرة المنزل اللي كانت عنا الله يسهل عليها ! عن جد رمضان كان أحلى بوجودها ههههه الآن ربع الوقت في رمضان بس بالمطبخ !!!!! جلي وشطف وتضييف !!! وهسة صايرين أغلى من الذهب يعني بس يفكروا أهلي يجيبوا وحدة تانية بدهم يكتوا 4 آلاف دينار !!!!!؟ لانه الأردن على القائمة السوداء بالنسبة للشغالات هههه

طبعا بما انه كلنا مغتربين وما في شغلة ولا عملة ! دائما بنتسحر وبنصلي الصبح وبنام ! بس أبوي الله يطول عمره ما بتروح عليه صلاة الفجر أبدا رمضان ولا مش رمضان ! ولازم يصلي بالمسجد ! المهم من يومين كنا صاحيين وساعته ما رنت وأذن الفجر ! تطلعت عليه وهو نايم ومستغرق في النوم !! بس ما بعرف ما حبيت أصحيه !حسيته جد تعبان وما صدق ينام من صوتنا ! مش حجة بس خلص خليته نايم ! تاني يوم راجعني بحكيلي يابا مش انتو بتضلوا صاحيين ؟ ليش ما صحتيني على الصلاة وطبعا ما كذبت عليه وحكيتله الحقيقة ! كان جد زعلان بس وعدته انه ما اعيدها مرة تانية لاني حسيته فقد اشي في هداك اليوم !! وانا راحت عليه دعاء من أدعيته في المسجد !! الله يعطيه الصحة والعافية ويطول بعمره

كالعادة ما بتابع اشي برمضان غير انه كل البرامج والمسلسلات مكررة وأسخف من بعضها جد مين عنده وقت يتابع اشي ؟؟!!! بس الشيء الوحيد اللي كان نفسي أحضره هو مسلسل الحسن والحسين ! ما بعرف شو المأخذ على المسلسل بس عندي فضول أحضره ! طبعا ما بعرف وين بيجي وأي ساعة وكمان لو بعرف ما عندي وقت !! بتمنى الاقيه على سي دي آخده معي بس أسافر اتابع بعدين على رواق

لمن بدي اطلع مشوار بده ربع ساعة لازم أحسب حساب بدي تقريبا ساعتين أو ممكن أكتر غير انه بيتنا بعيد .... الأزمة الخانقة في عمان !! من يومين كنت مروحة من طبربور لليادودة وجد بالطريق طلعت روحي !! وكنت بستغفر وأختي بتسمع اذاعة مزاج ! وفي مسابقة على الاذاعة وما بعرف شو اجا على بالي اتصل واشارك معهم ههههه واتصلت وشاركت معهم وكان حوار لطيف .... اول مرة بحياتي بحكي مع اذاعة او تلفزيون بس عشان تشوفوا الأزمة في عمان شو بتعمل ههههه

من الآن بلشت أحسب كم كيلو قهوة وكم كيلو بقلاوة بدي آخد معي لأهل زوجي وما بدهم الا من انواع معينة !!! الله يستر من  الوزن

بدون فزلكة وكأنه الي زمان برة بس جد صرت أخاف أسوق في عمان ! ما لحقت أنسى كيف الناس بتكون تطاوش مطاوشة في السواقة بس هسة اذا في حد ممكن يوصلني ما بقول لأ أبدا

طول عمري نفسي يكون عندي بسة مرتبة ! مرة ربيت بسة شوارع هههه سميتها فرهود ههههه لكن بسة مرتبة كان نفسي أجيبها وأربيها وأدير بالي عليها وحكيت بأمريكا الناس بربوا حيوانات بالبيت وأكيد رح تكون الفكرة متقبلة أكتر ... خاصة كمان انه امي بتكره البسبب وطول عمرها تحكيلي في بيتك ان شاء الله بتربي قرود ما الي دخل وحكيت يلا بجيب عندي قطقوطة صغيرة بس للأسف زوجي بكره الحيوانات بالبيت  !!! ومستحيل يرضى أجيب بسة .... قبل ما اوصل عمان حكالي أخوي بده يجيب بسة صغيرة ! حكيتله مستحيل امي ترضى بس شكله للأسف حطها أمام الأمر الواقع وجابها !! طبعا هي بتجنن ومسلية بس ما بتعرف عليها الا بالليل ! كيفك يا حبيبتي يا كرموشتي يا بوشكا ؟!! وبس !! مين بطعميها وبحممها وبنظف وراها ؟؟! محسوبتكم !! وامي طول نهارها تشكي منها !! يعني بعد هالتجربة ومع انها كتير أمورة بس مسسسسسسسستتتتحيل أفكر أجيب عندي بسة عالبيت

كل ما بحكي معي زوجي بحكيلي ما زهقتي ؟ ما بدك ترجعي ؟ هو حكالي انه بس توصلي بتصيري بدك ترجعي بعد اسبوع ! مش شغلة زهق ومبسوطة مع أهلي ومع الجميع واللمات والكنافة ههههه لكن اشتقت لبيتي وروتين حياتي وزوجي

اذا شماغك مش احمر وناديك مش فيصلي واذا اكلتك مش منسف خذ ملوخياتك وقوطر

تحذير

اذا انت مش اردني او مش اردنيه فأطلع بلاش تزعل ، لانو معنا تحسس من ريحة الملوخيه

هذه صفحة تم انشاؤها على الفيسبوك !!! لدي تعليق واحد فقط .... حمدت ربي اني عشت لارى ثورة تونس ورقي اهل مصر واصرار الليبيين ولكن تمنيت لو مت قبل ان ارى ما يحدث في بلدي الحبيب الاردن

مش عايزة أتجوز !!!!! ورمضان كريم

كل عام والجميع بخير وان شاء الله نستغل الشهر وكل دقيقة منه بالحسنات وهدوء الأعصاب والطاعات

بالضبط بعد شهر من الآن رح يكون عرسي !!! يا ماما !! ما بعرف ليش حالة التوتر والخوف بلشت معي من مبارح !! الشغلة قلبت جد ههههههه بعد كل هالوقت في الانتظار بس خلص قربت !! طيب بصير أغير رأيي ؟؟!! هههههه ..... واللي بخوف اكتر شي انه رح اترك بلدي وأهلي !! المفروض اني حضرت نفسي للحظات الهاي لكن يبدو انه تحضيراتي كانت غير كافية !! الله يمضي هالأيام على خير وتهدى شوي أعصابي وانبسط في كل لحظة من هاللحظات مع أهلي


رمضــــــــان كريــــــــــــــم

أمانة عمّان والصيف

ما بعرف انا الوحيدة اللي بتلفت انتباهي هالشغلة ولا لأ ...... بتلاحظوا انه في عمان ما ببلش الحفريات وشغل الانفاق ومشاريع خيالية الا فترة الصيف ؟؟؟ طيب يا عمي عشان الصيف الجو لطيف وما في مطر لكن حبكت في شهر سبعة ؟؟ انا وضعت عدة احتمالات لتفسير السبب

اولا عمان حابة تقلل عدد السياح والزائرين بخنق العالم بالأزمة وتطفيشهم

او انه معتمدين على المصاري اللي بدخلها الزائرين فترة الصيف لهيك ببلشوا يشتغلوا بعز الصيف (والله أعلم الضرائب وين بتروح) ويريت بكون شغل زي العالم والناس ! الحفر بالشارع رمز اردني لا يتغير

الاحتمال التالت انه حابين نظهر للعالم انه احنا ناس شغّيلة وشوفو بعينكم عشان هيك واجهة الاردن طريق المطار لا يطاق

حد يحكيلي اذا انا غلطانة وفي حسابات تانية

مواقف 4

مع انه التدريس أسوأ مهنة في التاريخ وجد متعبة وبدون مردود لا مادي ولا معنوي لكن الأيام الماضية كنت كتير حاسة بالحزن اني رح اترك التدريس وأترك طلابي .... من فترة طلعوا على الاذاعة وشكروني وقدمولي باقة ورد أحمر ودبدوب صغير ! جد ما أزكاهم .... نسوني كل وجع الراس اللي كانوا يسببولي اياه و مبارح كان آخر يوم بالامتحانات جد كان يوم عاطفي لدرجة وقريبا رح أحكي عنه بالتفصيل

عمري ما حكيت عن السواقة وانه جد بخاف منها مع انه سواقتي رايقة ومنيحة المهم مبارح كمان خوفي تحول من مجرد شعور الى حقيقة .... أول حادث بعمله من لما بلشت أسوق ويمكن مش حجة لكن كنت مستعجلة وبدي أصدق أوراق وقرفت من موضوع تصديق الأوراق وما في وقت .... لكن الحق علي انا كنت مستعجلة ومسرعة المهم ضربت السيارة والضربة مش قوية الحمد لله ولكن بما انه التأمين ضد الغير ما حبيت نعمل كروكة وقصص .... لكن للاطمئنان حكيت مع اخوي يتفاهم مع الشب ودفعناله حق التصليحات ومشت على خير... والله لا يعيدها من تجربة

بتحسوا مرات الدنيا كتير صغيرة .... مبارح كمان كان عندي موعد مع منسقة أعراس (يمكن قابلت كل منسقي الأعراس اللي بالبلد وجد شغلة بتوجع الراس) المهم من أول ما شفتها شبّهت عليها (وانا شاطرة في التشبيه وتذكر الوجوه) ... كتير بتشبه شاب كنت أعرفه بالجامعة يعني معرفة سطحية ... المهم أثناء الحديث بتحكيلي انا رتبت عرس أخوي ! انا على طول سألتها شو اسمه وبأي جامعة دارس وطلعت عن جد أخته ... كيف الصدفة!! وحتى ورجتني فيديو من حفلة خطبته ! الدنيا صغيرة كتير

في الاسابيع الماضية دخت وانا أدور على مكتب أو شخص يتكفل بتجهيز عرسي لكن بما اني جد ما بثق باي شخص بسرعة وبدقق على كل التفاصيل وكمان بحب أعمل كل اشي بأيدي مش عارفة استقر على مكان زي العالم والناس وعن جد أسعارهم خيالية !! يعني بستحق ادفع هيك مبالغ ؟ او المسكين خطيبي اللي يدفع انا شو دخلني ههههه المهم اعتقد اني لازم أتوكل على الله وآخد الأمور ببساطة ... كثرة النق بتخرب الشغلة حتى لو كانت بيرفكت

جديد أقنعت صاحبتي مش متزوجة عمرها 37 وبتجنن .... بتشتغل كوافيرة وشغلها كتير طويل ومش كتير شطورة بالانجليزي والكمبيوتر ... أقنعتها انه أجرب أعمللها بروفايل على موقع من مواقع الزواج على النت وطبعا انا ما بعرف شو المواقع اللي زي العالم والناس واللي بكون الموضوع جدي مش بس تسلاي وتخويت !! ما بعرف نصيحتي منيحة ولا أنسى الموضوع ؟!! لانه صدقا البنت ما شاء الله عليها واحلى مني كمان وجد حابه اساعدها ... أمشي بالموضوع ولا شو رأيكم ؟

بعد هدا الاسبوع عن جد لازم أغير جو !!! أسافر أطلع رحلة !!! لاني كتير حاسة مخنوقة وبحاجة للتغيير !!! لو في عنا بعمان بونجي جامبينج !! هههه

بتمنى للجميع نهاية اسبوع حلوة ولا تنسوا تقرؤوا سورة الكهف اليوم وكثرة الصلاة على سيدنا محمد عليه السلام

سلام

موسم الأعراس

بعد طول انتظار أخيرا حددت موعد العرس وأكيد لازم أبلش التحضيرات وكله على عاتقي بما انه الاستاذ مسافر وانا اللي لازم أختار وأقرر !! وصدقا لما يحكولك العروس بتكون بحالة هستيرية ما كذبوا !! يعني العرس بعد اربع أشهر قلت في بالي على اساس يكون خافف الضغط وموسم الأعراس بخف بس شكلوا كل الناس بفكروا متلي !!! المهم انا حابه العرس يكون جدا بسيط لكن كلاسي وحلو يعني مش صاله عادية الساعة طنعش يبلشوا يطرّوا بالعالم ولا فندق ندفع فيه عشر آلاف دينار يعني اشي ومنه ..... وكعادتي كنت حاطة ببالي مكان رائع أوت دور وشجر وهدوء وسعره مناسب بس احنا البنات كعادتنا لازم اللفلفة والتعب بس لحتى اكون مقتنعة انه أفضل مكان وان شاء الله يكون هو أفضل مكان

الصدمة اللي فاجأتني انه معظم الأماكن ما بقدموا الا الموقع والطاولات أكيد والضيافة وانا لازم أوفر الدي جي والتصوير والورد وكمان الاضاءة !!!!؟؟؟ وانا شو بعرفني شو الاضاءة المناسبة !!؟؟

المهم اكتشفت كل الكماليات هي اللي رح تغلبني والمفاجأة التانية اللي ما كنت حاطاها ببالي انه رح تكون أغلى من حجز المكان نفسه؟!! والكماليات حدّث ولا حرج !! المكان اللي حجزت فيه حكالي المسؤول عنه اني أمر بيوم بكون فيه عرس وانه أشوف التجهيزات اللي محضرينها واختار اللي بدي اياه .... كان جدا رائع ورايق .... طبعا كان متولي الأمر متعهد حفلات ما أحلى وجودهم انه يتكفّلوا بكل شيء لكن لازم أختار أكتر شيء مناسب وانه ناس يعتمد عليهم .... ادعولي واللي عنده خبرة أو أي فكرة يحكيلي

:D

وبلّش موسم الأعراس في عمان هلأ كل الشوارع سيارات وزمامير والصالونات ببطلوا يستقبلوا حد هههه

الله يوفق الجميع

Can I keep the presents and still be 29 ?!!

u reach a point in ur life u start to feel you've been in a coma; somehow all ur days after a certain point were just the same !!! suddenly u wake up and realize how old u became !! and start questioning ur self; where did my last 5 or 10 years go ?? mmm or is it just me ? :S .... this is How i feel ! really :S i thought the idea of girls panicking because of their age is just silly but believe me it's not !! and I don't know why !!?

lol I don't want to sound like a drama queen ! It's just that when I saw this episode from friends series .... well let me tell u ! this is exactly How I feel :D

ok it's my birthday and every body should feel good in their birthdays ... that's why I strongly refused going on a trip with my school today ! I just couldn't imagine celebrating my 30th birthday panicking while chasing and taking care of my students, also can't EVEN answer my cell phone !!

Happy birthday to me ..... wish my fiancee is around; but planning to have fun and just take care of my self !

Oh yaaa I got 2 presents a week a go ! a nice necklace and an ugly jacket loool
we'll see about later on today :D

مواقـــــــــــف3

يوم الخميس لما انتهى الدوام وكنت مع الطلاب في باص المدرسة كان في طالب طبيعته مشكلجي وهو بصف ثامن بحكيلي شوفي يا مس (مغلف فيه كتاب فصل من المدرسة) وطبعا الطالب بتحسه بحكيها بفخر ... طبعا مع رغبتي بالصمت وعدم سماع القصة لكن سألت السؤال الذهبي .... شو عملت يا مس لحتى فصلوك ؟ ببساطة بحكيلي يا مس شمطت ولد بكس !! مع نظرة فخر كمان !! طيب ليش شو عملّك ؟ ببساطة لانه سألني اذا قلمه في شنتتي وانا حكيتله لأ لكن صار يدوّر بالشنتة !!!! انا ما تحملت وضربته كف صار يلف لف !! لما وصلت البيت وفي وقت لاحق سمعت عن الأحداث اللي حصلت في السلط وعلى طول اجا على بالي هدا الطالب ! لأتفه الاسباب بفتعلوا مشاكل وكأنه مرجلة الضرب وانه اذا تغاضيت عن أي تصرف أو أي خطأ معناها انت انسان مدعوس على راسك وما الك كلمة ! توصلت الى نتيجة وهي انخفاض مستوى الأخلاق عنا بزيادة مؤخرا وضرورة تخصيص وقت للتحدث عن مكارم الأخلاق والتسامح بعد كل المصايب اللي بنشوفها

كلاسيكو تاني بين ريال مدريد وبرشلونة وفوز ساحق لبرشلونة يوهووووووووو .... كانت مباراة نار بس لاحظتوا كيف لاعبي الريال كانوا خشنين في لعبهم زيادة عن اللزوم !! مع ذلك كانت مباراة رائعة .... مبروك برشلونة وعقبال الفوز على انتر ميلان قريبا

مع اضراب المعلمين وكل مطالبهم يبدو انه كله طلع على فشوش سكـّـتوهم بخمس ليرات ولا عشر ليرات ما بعرف بس بالنسبة لحقوق المعلمين !! حقوق مين يابا ؟!! يوم السبت كان في اجتماع في المدرسة وطبعا خبرونا يوم الخميس آخر الدوام وبما انه احنا عالم المفروض ما عنا حياة اجتماعية وكل حياتنا متعلقة بالتدريس يعني اي لحظة بأشرولنا لازم نكون تحت الأمر والطاعة حتى لو كان سبب تافه أو تعليقات مش الكل اله دخل فيها ..... ملاحظتهم انه في اجتماع وخصم 20 دينار للي بتخلف عن الاجتماع وبما انها سايبة وما حد ممكن يراجعهم يعملوا اللي بدهم اياه ليش لأ ...... انا طبعا كان عندي خطط ليوم السبت وببساطة كتبت لن أحضر اطلاقا .... طلعت وشميت هوا ولكن هدا اشي ما بفهموه انه الانسان عنده طاقة تحمل ولازم يخفف عن نفسه شوي ولا بعديها بتفقع معه

اليوم الجو من أسوأ الأيام !! صح ؟ شكله لازم أجدد دوا الحساسية

مبارح كنت في جلسة بنات وجابوا سيرة برنامج بحكي انه اسم الشخص بحدد رزقه وحياته ... يا بتكون سعيدة أو تعيسة كل هدا يتحدد من الاسم وطبعا انه بعض الأسماء يفضّـــل انه ما تتسمى ... أكيد كله علم فلكي ؟ هههه مسكين يا فلك !!انا حكيت ببالي يعني للهالدرجة صرنا ناس ايماننا ضعيف وشيء تافه بنصدقه بالهالبساطة ؟
لكن هيك برامج ما بتستمر لو انه الناس ما بتابعها وبتصدقها

كمان موقف خطر ببالي وانا بشوف بنت الجيران في بيت عمتي نطت بسرعة وغيرت القناه اللي كنا نتابعها (أظني كانت ام بي سي بناقشوا برنامج اسمه الطريق الى امريكا أتوقع !؟) البرنامج من دعايته حسيته تافه وسخيف وبدخل في مواضيع حساسة وأحلى لقطة لمن تكون البنت اللي معهم بتصلي وبعدين بتطلع بشرط وكات لانه يا جماعة الدين في القلب وقناعة يعني عادي نرقص ونشرب المهم داخليا مسلمين ومؤمنين في هذا الشيء - يعني الدين مش ضروري يكون ظاهر أهم شيء- ويبدو انه هاي الفكرة اللي كل البرامج تسعى لترسيخها في عقول الجيل الجديد ... بنت الجيران لما غيـّـرت القناة كانت متشوقة تشوف مين بده يطلع من برنامج ستار أكاديمي وبصراحة البرنامج وصل لدرجة من الانحطاط انه تعبنا من الحكي عنه لكن اللقطة اللي شفتها كانت عن أمهات المشاركين الجليلات والمحجبات بعانقوا أولادهم وبدعولهم الله يوفقهم هههههه هسه بتحكوا يعني لا محجبة عاجبتك ولا مش محجبة ؟!! بس والله مش راكبة على بعض !! طول نهارهم تعبيط وقصص حب وغرام وسخافة وامه بتدعيله الله يوفقه !! طيب في شو يوفقه بالزبط؟
تركيا تفيق من وهم العلمانية ونحن نغوص فيها والحمد لله

الله يرحمنا

هـــــــدول كلهم دواويــــن وزعرنجية

عيلتي الكريمة موزعة بين الأردن والامارات .... لكن بحسهم ناس غير في الامارات !! يعني بطلعوا كل اسبوع على حديقة بشووا أو بطلعوا عالبحر أو حتى بتجمعوا في مول مع الأولاد لكن هون في عمان ؟!! بيتوتيين !!!!! مع انه الجو أحلى بس ما بعرف هدا الاعتقاد انه الناس اللي بطلعوا في عمان يتنزهوا أو يشووا برة انهم زعرنجية وبس طالعين يتخوتوا ويطقّسوا على العالم !! مع انهم كلهم عائلات !!؟

الجمعة الماضية كانت محاولتي الألف لأقنع اخواني انه بدل ما نشوي في بيتنا نطلع على مكان حلو ولكن ردهم الاعتيادي !! سيبك كلهم دواوين وبعلّقوا !! خلونا بالدار أحسن !! الرد الاعتيادي!! المهم كان يوم حلو مع وجود أخوي اللي اجانا زيارة قصيرة من دبي وعن جد انبسطنا كتير فيه ... زي اللي ردلّنا الروح بجيّته ! وطبعا كنا حابين كمان نطلّعه وأكيد لا سينما ولا كوفي شوب !! بدنا شيء مميز ومش موجود هناك .... أكتر شيء كان حابه انه يصور مناظر الطبيعة في عمان في هذا الوقت من السنة واحنا زي الجاهلين ما بنعرف وين نروح وكأنا جداد عالبلد .... المهم أحلى مناظر صورها كانت للمنطقة اللي ساكنين فيها عن جد مع اني بمر منها كل يوم لكن ما كنت أتمعن بجمال الطبيعة اللي حولينا

وأكيد أخذناه لفة طويلة بالسيارة جهة الغور والشونه الشمالية لحتى وصلنا السلط

بكرة كمان عنا حفلة شواء للعيلة كلها .... طبيعة عمان هالايام لا تقاوم ... ما شاء الله

نقابة المعلمين حلم هل يتحقق !؟

.أولا لنبدأ بمفهوم النقابة التي يطالب بها المعلمون ولماذا ؟

هناك حقيقة يجب ان نواجهها وهو واقع المعلمين وظروف عملهم ونجد انه وبشكل عام هذا الواقع سيء ويحتاج الى تغيير، من جهة المردود المادي ومن جهة أخرى وهي النظرة الحالية للمعلم بأنه دائما المتهم والملام على أي شيء يحدث، لا ننسى الضغوطات التي يتعرض لها المعلمون والتي لا استطيع أن أنكر بأن بعض المعلمين بحاجة لهذه الضغوطات من أجل الحصول على أداء الأفضل ولكن نرى أن التعميم هو السائد عند كل المدارس لا يوجد تمييز أو تقدير للمعلم ولو على مستوى المدرسة فقط، لا ننسى على المستوى العام والذي يظر جليا من تصريحات وزير التربية والتعليم مؤخرا والذي تظهر مدى التقدير للمعلمين وبخاصة من الوزير بحد ذاته مما أثار حفيظة المعلمين

شعوري بأن هذه الضغوط وعدم التقدير موجودة لكي يتركز تفكير المعلم على عدم ارتكاب الأخطاء وزيادةالمهام مكتبية التي لا أهمية لها بنظري واشعاره دائما بالتقصير كل ذلك من أجل عدم المطالبة بمميزات أو ترقية أو على الأقل مكافأة لأداءه ولا ننسى بأن كل هذه الأمور تقتل روح الابداع عند أي معلم ..... من تجربة شخصية وفي أحد المدارس كنت قد بدأت بتحضير تجارب وخطط لرحل علمية وأبحاث صفية ولكن عندما لم أجد الدعم أو التقدير أصبحت أفكر فقط باعطاء الدرس كما هو مذكور وهو واجبي وأن لا أرتكب أخطاء سواء في تعاملي مع الطلبة أو أولياء الأمور أو حتى الادارة المدرسية والآن اذا أردت أن ابحث عن النشاط والاثارة في موضوع التعليم في فكري أجد انها تلاشت .... من كل ذلك نرى بأن نقابة المعلمين قد توفر بعض الحقوق للمعلمين لتقف معهم في وجه بعض المدارس التي قد تحاسب المعلم حتى في مرضه وكأنه ليس انسان ! وتصر على حضوره الى المدرسة وفي حال لم يستطع فانه يحسم من راتبه حتى بوجود عذر طبي .... وهذه قد تكون أهون المصائب التي قد نراها .... وهل ذلك خفي على الطلبة ؟ اذا لم يرى الطالب معلمه بالشكل اللائق ولا احترام له وبنفس الوقت لا يحق للمعلم حتى التحدث مع الطلبة باسلوب التعنيف أو العقاب بأي شكل من الاشكال والتي انا ضده كما ذكرت سابقا ولكن ما هو الحل ؟ لأن ذلك يؤثر على سلوك الطلبة عندما لا يجد الطالب أساليب تربوية في المدرسة ويكون التركيز على التعليم فماذا سيحصل اذن ؟ تعليم بدون تربية فيتطاول بعدها الطالب على معلمه

مخاوف انشاء نقابة معلمين وكما شرحها لي شخص ضليع بالأمور السياسية بأن التعليم والطلبة هم موضوع حساس لانهم المجموعة الأكثر تأثير في أي مجتمع اذا لم يكن في الوقت الحاضر اذن في المستقبل القريب لذلك نقابة خاصة للمعلمين على حد علمه لن ترى الضوء أبدا لأن النقابات تأخذ منحى سياسي ويجب أن لا يحمل أي معلم أفكار سياسية يبثها بين الطلبة وخاصة في هذه العمر الصغيرة ولكن هل من الضروري أن تأخد منحى سياسي ؟ حقا لا أعلم

أحمد الله انه مع نهاية هذا الفصل سأبتعد عن التدريس نهائيا لأني أبحث عن الارتقاء والتميز والتقدم في عملي وتفكيري وهذه أمور لا يوفرها لي ظروف المعلمين والتي هي كذلك منذ الأزل .... ماذا لو فكر كل معلم مثل طريقة تفكيري ؟ ماذا سيحصل للتعليم بعدها ؟

Blog for Jordan Day - How to Love Jordan !

Proud to be part of the Great Project B4JO ..... a wonderful Idea gives us the chance to celebrate our love to Jordan .... each one .... his own way.

For me I will give some ideas on how we can love Jordan not just by saying but by doing it on daily bases; by actions !

It's very Obvious that for so many people Patriotism in Jordan means wearing the red and white hatta, putting certain pictures on cars and always playing Hashme and such songs .... I have no problem with that until this nice picture turns ugly!! when someone start acting badly or throwing trash from the car !! so is this ur Idea about patriotism? is this how u show ur care for ur country !! and what makes it worst if there r kids watching this crime ! I know it might seem a simple problem but I face it every day; watching kids turning their homeland into a dumpster and when I ask them "isn't this ur country that u should keep clean and Beautiful !! the one u love and care about !" they simply answer it's not our house we r throwing in It's Just the street !! Is this the way we want our kids to grow up ? having a wrong idea about how we love and care about our country ?! not by actions but Just by the appearances ?!! and I can give tens of example on such behaviors !

Another way to show how much we love our country ..... soon we will be participating in one of the biggest events in Jordan, which is the elections; I think each one should think million times before giving his/her voice to anybody.... and should make sure at least 70% that this person deserves it ! don't just think of ur personal interest because if u do; then later u can't blame the one u elected if he thinks the same way u did !

We can support the Jordanian Products from time to time .... that would help our economy .... I hope !

Asking for teachers association is a must; I don't know how to connect this with loving Jordan :D but it's a must !

All what we need is positive thinking, ways to make Jordan a better Place ! We owe that to our beloved country ..... Because it's Home after all !

العنف في المدارس

الموضوع بهمني بما اني معلمة ..... وأنا بستغرب أكتر من أي شخص ثاني لمن أسمع عن حوادث بتصير في المدارس مثل فقدان طالب لعينه بسب ضرب معلم له !! أو معلمة حاولت اسكات فتاة صغيرة بوضع قماش على فمها ..... لكن صدقا من ناحية تانية لازم أعترف انه أولاد هالأيام بأخلاقهم وعنادهم وجد مرات قلة الأدب اللي فيهم بيخلوك تنجن !! والأهالي بحسوا المعلم عبد للطالب أو لابنهم بالذات !! وبتعرفوا انه معظمهم بيحكوا لأولادهم ما تسكت للمعلم ورد عليه حتى لو كنت على خطأ لانه ما بقدر يضربك وبتعاقب اذا ضربك !! ومع كل الأشياء اللي مطلوبة من المعلمين من وزارة التربية والتعليم والضغط كله مقابل راتب ما بنحكى فيه !! مين ما بده يفقد صوابه !! أكيد انا ما بشجع على العنف لكن في أسباب كتيرة ومنها عدم راحة المعلمين وشعورهم انه ما في تقدير لأي من جهودهم !!؟

من يومين تعرضت لموقف بالمدرسة انه بنت يعني نحكي كان أسلوبها بالحكي غير لائق .... أنا حاولت أمسك أعصابي ومع اني دائما بعالج أي موقف بأسلوبي لكن يومها كان وقت الترويحة عشان هيك صبـّـرت حالي لتاني يوم ووجدت أفضل أسلوب اني ألجأ للأدارة بما انهم دائما بخبرونا نرجعلهم في هيك مواقف ! انا ما عرفت شو الأسلوب اللي رح يتبعوه معها لكن عرفت انهم فصلوها لمدة يومين الى حضور ولي أمرها وبعد يومين اجت داومت عادي! كأن شيئا لم يكن وطبعا بما انه نحن ملائكة لازم أسلوبي ما يتغير معها وهدا اللي كان .... اللي بتمناه انها تكون تعلمت درس من هالموقف وتعلمت الاحترام .... مع انه أولا وأخيرا هدا شيء نابع من التربية

مع اني بحب التدريس وهو سبحان الله بحسه هبة أو هواية يعني ممكن يكون الانسان معلم مبدع بدون دورات ولا خطة تدريس لانه بقدم كل اللي عنده بأبسط طريقة وباسلوب حلو من قلبه ولأول مرة بحكيها أنا عندي من زمان هبة في التدريس وتبسيط الأمور حتى من لما كنت طالبة بالمدرسة لكن مع ذلك ان شاء الله مع نهاية هدا الفصل رح أنهي حياتي المهنية كمعلمة لانه اكتشفت انه التعليم هالأيام مش رسالة وانما ارهاق وتعب مع ارتفاع بالضغط مبكر وبدون مقابل أو تقدير

My Top50Jo

If I was asked to write 50 bad things about Jordan that would be easier task :D but top things !

ok I love my country and I can write 50 top things about it so lets see .....

1- Jordan is the Only Place where u can find the original taste of falafel, shawerma, Knafeh, labaneh Jarashyeh and 5obz Shraq :D

2- The weather is Great ..... each season is special on it's own

3- No matter what u do to leave Jordan and live abroad u can't deny missing it but u still don't even think about coming back living in it :D not before a long time :p

4- We r on top ... both sides! being one of the most expensive countries in the world with lowest Income !

5- The Idea of having two different teams each one represents a nationality lol

6- Petra & The Dead Sea

7- Queen Rania

8- Security

9- The kashraa :D it gives us haybeh :D

10- Mansaf with Jameed karaki

11- Hospitality

12- Strong Education system despite the stupid mintality regarding Tawjihi exams

13- The wonderful view of the Masjid next to the church in Al 3abdali

14- U can find a dress for 200 JD and in other places for 20 JDs :D and that goes for everything

15- The Jordanian TV that will never change

16- Almanahel program for kids

17- Taxi's and their stories

18- Abu Mahjoob

19- 4 mobile companies !!

20- Traditional dresses .... Thoob

21- U can find anything u want

22- Sooq AlBukharya

23- Summer activities

24- Public and Private schools and universities

25- Rainbow street

26- Amazing houses

27- Masjid Al Ashrafyeh

28- Wadi rum

29- Weddings r 90 % the same

30- Medicals

31- Jarash

32- U can find all kinds of fruits and vegetables .... fresh and taste good

33- We have the biggest flagstaff

34- So many Radio stations

35- Many different accents

36- Makadi Na7as

37- there is Al Swaifyeh and there is the Down Town

38- Dental care is excellent yet not expensive

39- We have The lowest spot On earth and high mountains

40- Hashem Restaurant

41- Good series from time to time ..... Bedwin In Particular

42- Al Jeser Al mu3allaq or jeser al nugeffeh :D

43- Madaba

44- the way people interfere in each others lives lol

45- Handmade crafts

46- If u want to see the latest cars just set in Dwar abdoun for half an hour :D

47- We r friends with every body

48- Hashmi,Jeshana Jeesh al wa6an and ya beragna al 3ali songs

49- The Black Iris flower

50- U work ur whole life just for one thing ..... to built Ur Dream house and live a good life in Jordan ...

Wohooo I did it :D

سيناريو المنخفض الجوي الثلجي في الأردن

عن جد انا ما بتمسخر بس بتلاحظوا كل مرة بتتلج لازم نشوف كل الأمور التالية بالأردن

أول وأهم شيء يتم اعلان حال الطوارئ والتأهب القصوى في البلد كأنها حرب والكل بعطل مع انه بكون ارتفاع الثلج 1 سم (طبعا انا ما بشكي بالعكس ياي) وهدا احلى اشي

الخبز والمواد التموينية تنفذ من المحلات

ما بعرف ليش كل السيارات بتكون دايرة بالشوارع كأنه الدفاع المدني بحكوا للناس اطلعوا من بيوتكم

على التلفزيون بكون كالتالي:
بث حي ومباشر عن حالة الجو وتصوير من الشوارع وكيف الناس زي اللي عمرهم ما شافو ثلج وأكيد تقرير لجهود الدفاع المدني في تسهيل حركة السير طبعا الله يعطيهم العافية

بضلوا يعيدوا ويزيدوا بنفس اللقطة

على حد علمي لازم يجيبوا مسرحية شاهد ما شفش حاجة ... لا مفر

وطبعا أغنية فيروز تلج تلج

احنا بالدار لازم امي تطبخ عدس و دوالي واليوم طابخة دوالي ههههه الله يطول بعمرها

في منطقتنا ما في تلج كتير بس بنستنى ..... والله يديم الخير

في اشي كمان وانا نسيته ؟

الأغلبية المشحــّـــرة

مشحرين يعني الناس اللي مش لاقيين يوكلوا وعايشين على ولا اشي (فتات) ..... والأردن مليانة مشحرين بس بحس ما الهم صوت !! لازم يقبلوا بأي أمر واقع شو ما كان ارتفاع اسعار البنزين أوالمواد التموينية وما بشتكوا .... في الجزء الآخر اللي همّه بس الشكليات وهو من يسعى الجميع لارضاؤه

المهم الكاريكاتير جد تحشيييش بس للأسف حقيقة وواقع

Jordanian Bloggers ! No more freedom of speech !

So now we can't write until it's something goes with the government's agenda or about specific issues ? that's if we still can blog ?!!

I really don't know what to say !! r we moving forward or backward ?!!

المنتـــجـــات الاردنـــيــــة

نلاحظ عند بداية اي خط انتاج لاي منتج اردني انه يكون عالي الجودة وممكن ان نفضله على اي منتج مستورد. وهناك أمثلة كثيرة على ذلك أذكر منتجات مثل جبري وبسكويت كناري كيف كانت ولكن وبعد فترة لا تزيد عن 6 أشهر الى سنة لا ادري ماذا يحصل !! تختلف جودة وطعم هذا المنتج بشكل ملحوظ والسبب المنطقي الوحيد هو الربح ... ترى الشركة اقبال المستهلك الكبير، فتقوم باستخدام مواد رخيصة او تقلل من جودته وطبعا يقل الطلب عليه ...

بسكويت كناري كان حقا طعمه رائع حتى ورقة التغليف كانت من الكرتون الآن وكأنه مصنّع من البلاستيك والتغليف بلاستيك ايضا .... لا ادري لماذا تقوم معظم الشركات الاردنية بهذه الخطوة بعد اثبات وجودها في السوق وبعد ان تكسب ثقة المستهلك ؟ تقوم بتدمير كل ذلك، ولا اذكر اي خط انتاج اردني حافظ على جودته لفترة طويلة ! ربما نستثني شركة أيسبرج وشركة فاين ... الآن فعلا جودتها تضاهي اي منتج مستورد

اعرف بأن تفكير اي شركة يكون بالربح اولا وأخيرا ولكن يجب ان يكون التفكير بالربح على المدى البعيد ايضا وليس لفترة محدودة والذي ينقلب الى خسارة فادحة، لينظروا الى الشركات العالمية ومحافظتها على اسمها وجودتها .... مارس وسنكرز مثلا لم يتغير طعم اي من هذه المنتجات منذ الأزل لان الشركة تأمل بالحفاظ على اسمها واستمراريتها في السوق لعقود وليس فقط لاشهر او سنين معدودة ...

اتمنى ان يفكر اصحاب الشركات الأردنية بهذه الطريقة ونعدهم بدعم منتجاتهم فهذا اقل ما يمكننا فعله كأردنيين