Friday, December 09, 2011

مواقف 9

السنة أول مرة بجرب أعمل الديك الرومي في Thanksgiving مش من مبدأالاحتفال بس وين ما بتروح بتشوفه محمر وشكله بشهي فقررت أعمله وما أخبر حد لانه ما كانت العيلة مقررة تعمل اشي ! وهيك اذا ما كان مستوي أو طعمه عجبة الله بستر على الجميع ههههه فجأة اجا زوجي بحكيلي هاي فلانه عاملة كذا وهديك عاملة هيك فقررنا انه نتجمع كلنا ونتشارك بالأكل !! يا حبيبي واذا طلع مش زاكي  !!؟  لكن الحمد لله ... كان بشهي بس بده وقت أقل بالفرن ....الكل شهدلي انه أزكى من اللي بعملوا الأمريكان لانه بكون في شويه زنخة وما  بضيفوا عليه لا بهارات ولا اشي ! وانا جربته ! عن جد بقلب المعدة 

طول عمري بحب الأرجيلة بس لاني بعرف مضارها ما بأرجل كل يوم ولا كل أسبوع ومرات كل أكمن شهر !!!! لكن هون مع أهل زوجي !!! كل عيلة عندها أرجيلة وبس تزورهم لازم يشغلوها وخاصة حماتي !!! يا عمتي والله ما بدي اليوم !!! بس شوي ! بدك تخليني أأرجل لحالي !!! وبس أضل بالبيت بيجي زوجي بطلب أعمرله اياها !!!! لا كسبنا صحة

مرة واحد أمريكي بسألني انت من وين بحكيله انا من الأردن .... سكت .... بحكيله بتعرف وين الأردن ؟ بحكيلي آ في شرق أوروبا !!! ههههه بحكيله انتو الأمريكان بتعرفوش خارج نطاق الولايات عندكم ومنيح اذا بتعرفوهم !! طبعا حكيتله وين الأردن وعلمته يحكي أهلا وشكرا ههههه ما عرف يحكي مرحبا

تقريبا من شهرين رحت أول رحلة صيد سمك في حياتي .... وجد كنت مش متشجعة أروح لانه بعرف الصيد ممل وممكن ما تصيد ولا اشي بس جد كانت رحلة روعة وصيدت 9 سمكات 4 كبار و 5 صغار ... بتحس بالفرحة لمن تصيد ما بعرف ليش

هاي اول سمكة بصيدها


زوجي صاد سمكة قرش صغيرة بس لانه ما بناكلها أعطيناها لصينيين كأنه أعطيتهم 100 ليرة وبتصوروا معها وأحلى اشي صاروا يحكوا للناس انه همه اللي صادوها ههههه انا حملتها وتصورت معها بس كنت نشفانة خوف 




11 comments:

faroukfahmy said...

اولا عزيزتى يكفى ان يكون الطبخ بايديكى الشهية
ثانيا الارجيله ضررها بسيط بجانب كبير متعتها
ثالثا الصيد ممتع الا صيد البشر فهو مؤلم
رابعا عظمة خيبة الامريكان من عظمة جهاهم بمن حولهم ولا يرون الا انفسهم
تحياتى لك وارجو زيارتى فى مدونتى لاتشرف بك وبرأيك

sheeshany said...

أرجيلة = نوووووووووووو = برافو
:)

و سلميلي عحماتك و قوليلها شيشاني واحد وقح و شوي و بيهمسلك بكلمتين
:
سرطانات متعددة!
----
شو سمك ما سمك :)
قال 9!

خخخخخخخخخخ

و عفكرة سمك القرش جد زاكي!
جربته مرة و يا ريت أقدر كمان
----
ديك رومي = الله يرحمك يا ستي! لوول

"واضح الحقد الفجعي ، صح؟"
---

يعني بتلومي الأميريكيين على جهلهم الانتقائي ;)?

SimSim said...

Farouk: thank u so much for ur comment and ur visit and sure I will come and visit u :)

I Do enjoy Argeleh but not everyday :S

SimSim said...

Haitham: حكيتلها بس ما بترد !!! وكل فترة بتدخل المستشفى من ورا الأرجيلية كمان !!

والله صدت 9 حتى زوجي كان رح يرميني بالبحر لانه يومها ما صاد ولا اشي ههههه الا سمكة القرش ! طيب كيف بتنظف وكيف بنعمل ؟ احنا عشان صعب طبخه اعطيناهم اياه بس اذا زاكي خلص المرة الجاي بنخليها بس جيبلي الوصفة p:

بس حلو الشعور انه تحس حالك مثقف ومتعلم أكتر منهم

;)

Em Ommar said...

الديك الرومي إزا إنطبخ كويس ولا ألز منه
إحنا منطبخه مش بمناسبه,, هيك لإنه إدمان وطعمه ألز من الجاج


الأرجيله dream:
متلي ,, متلك
برعف إنها مضره,, ف بختصرها
بس إلا ما تنجبري تحششي إزا اجاكي ضيوف او رحتي عند حدن وأحرجك فيها لووول


الصيد حلو,, ردي علي
مش عشان الفريسه,, لا عشان الأتموسفير والرفقه الحلوه

ليش هيه وين أمريكا؟؟ لوووول

SimSim said...

UmmOmar: بتعرفي اني مش كتير بحبه ! يعني ما بعرف لازم ينطبخ بوقت مناسب اللي ما يكون ناشف ! انا اللي عملته ما كان ناشف بس برضه لو وقت أقل بالنار كان طلع أزكى

الأرجيلة صح بالمناسبات بس مش كل يوم ؟؟!!! ههههه
بأيدك 100 بالمية عالصيد بس والله شعور حلو كمان لما تصيدي !

والله يختي طلعنا احنا مثقفين اكتر وبنعرف في كل اشي بس همه الحظ ضارب معهم ههههه

هلا يا حلو
:)

sheeshany said...

زني عليها
خوفيها! بلكي زبط الأسلوب

*هيثم داير ورا خراب ديار، لول*

9 في عين اللي ما يصلي على النبي
:)

---
و الله عرفت مين تسألي!

أنا بعرف ألتهم و بسسسسسسسس

ما إلي علاقة بأي شيء قبلي أو بعدي "جلي مثلاً"
:]

SimSim said...

Haitham: مبارح أخدناها على المستشفى حماتي يا حرام !! شكلك جد نقيت عليها ههههه بس التهاب بسيط وكله من الأرجيلة !

استفدت منك كتير جليني أروح أسأل الصينيين معناته

:D

sheeshany said...

سلامتها و الله

بعرف إنو صعب فتح مواضيع مثل هذه و غالبا ً ما تنتهي ب

"إن شاء الله"

+

"معك حق ... "

و لكن بدون تطبيق
:(

w7l said...

فكرك بلاقي ديك رومي مطبوخ و جاهز على الاي باي؟

SimSim said...

Haitham: الله يسلمك ! هي أحسن صارت ! نامت بالمستشفى يومين بس صارت أحسن

w7l: يا دكتور أعطيك انا الوصفة أرخصلك وأحسنلك

:D