Tuesday, July 26, 2011

أحلى أغنية لهذا الصيف

دائما لازم تكون في وصلة أغاني فلاحة في أعراسنا والسنة سمعنا هاي الوصلة الرائعة اللي مغنيها العبداللات ! طبعا كلها وصلات بنعرفها بس عاملها جد بطريقة حلوة .... طول يوم عرس أخوي والحنة واحنا مشغلينها تعيد وتزيد .... وما بتمل منها ابدا

جد كتير حبيتها


9 comments:

UmmOmar said...

أهلن أهلن
وأنا بقووووووول ليش الدنيا إمنوره زياده حبتين

حلوه الغناويه,, لا أونكر
بس عندي عليها تعليق إصغير

ماططها ومخليها باللهجه الإردنيه الكح
مع إنه كلماتها ولحنها فلسطيني
هاد هوه مأخذي الوحيد عليها

مبارك ما عملتو,, تتهنو يارب

مياسي said...

يسلموا كتير عالاغنيه!
كتير بحب الاغاني االفلاحيه :))

SimSim said...

UmmOmar: والله منورة بوجودك يا قمر
انا عارفة المهم حلوة ههههه
الله يبارك فيكي

موااااااه

مياسي: ولو يا اهلا وسهلا
مبسوطة انها عجبتك

Whisper said...

اهلا اهلا باهل الاردن :)

الف مبروك ما عملتو و ربنا يتمملهم على خير يا رب و تفرحو بالباقيين :)

للاسف اعتمادنا الرئيسي على الزفة باعراسنا ما حد بعرف يغنيهم... بس بنفيع معهم

هاي الاغاني بنقعد نغنيها انا وصاحباتي بالرحلات هو همه بغنو وانا بعيد :)

مياسي said...

أم عمر

هاي الأغاني بنغني منها أغاني باللهجة الأردنية الكح وإحنا فلاحين من إربد
التراث مشترك أكثر مما بتتخيلي :)

Haitham هيثم Al-Sheeshany الشيشاني said...

هلا بيكييييييييييييي بالأردن :)

مبرووووووووك

-------

بدون ضرب بس أبطيقش صوته من مصغري!
أووووبس
:)

UmmOmar said...

بصراحه,, انا مابعرفش حدن يكون فلاح فلسطيني وعايش ف مكان غير عمان

ف ,, انا اسفه,, حقكم عليّ

:(((

Shaheen said...

Congratulations on your brother wedding, good to know that u r in JOrdan, enjoy your time,

Anonymous said...

I just added your website on my blogroll. I may come back later on to check out updates. Excellent information!