كانت عندي عادة ايام الجامعة كنت احب اكتب على ورق الفاين باي مكان كنا نروح عليه انا وصاحباتي .... انه هيك مين المجتمعين ووين ... وكل واحد بكتب التعليق اللي بده اياه ولسة محتفظة فيهم (بحب الدراما هههههه) اليوم تذكرت مرة كتبنا انا واعز صاحبتين الي يارا وراوية انه وين رح نكون بعد 10 سنين ! وتقريبا مر عليها 8 سنين .... الفاينة مش معي لاني تركت كل اشيائي الشخصية في بيت اهلي .... شو بدي احمل لاحمل معي !??! المهم انا كتبت اني بتمنى اكون بشتغل وساكنة في دبي ... صاحبتي يارا بتتمنى تكون في لندن وراوية في كندا ... حاليا انا في امريكا ويارا في استراليا وراوية في السعودية !
عن جد اجمل ايام حياتي كانت ايام الجامعة ... ما في مسؤوليات وكل اللي عنا احلام بنتمنى نحققها بيوم من الايام
Posts
10 comments:
صباح الخير
اجمل ما في احلامكم انها كانت تجمع على شيء واحد
انكم بعد عشر سنوات من الجامعة تحلمون ان تكونوا خارج الاردن بغض النظر عن المكان
مفارقة غريبة ولكنها الحلم الطبيعي لمعظم جيل الشباب في بلد لم يترك فيه الفساد والمفسدين مكانا لحالمين من الشباب ان بكبروا ويعملوا فيه ويحققوا احلامهم على ارضه
دمتِ بخير
بتعرف ما خطرت ببالي على هالنحو ههههه بس كلامك صح
صباحك سكر وانا لازم اقوم انام
هذا في ناس زييّ
لوول
دائما ً كنا نعمل هيك و نكتب على الفاين زي ذكرى
و كمان نكتب على ورقة نصف دينار "البنية"!
---
من 10 سنين كاينين تحلموا بالخروج من البلد! لويش :]
بعدهن عندي
من كل مكان في الاردن
لووووووووووووووول
صباحكو خير
Haitham: والله طلعت شغلة متداولة ههههه بس انزل على عمان بدي اصورهم هههه
والله ما بعرف بس بتحس بدك تنجح في حياتك العملية والشخصية لازم تسافر .... الاردن مش مكان لتحقيق الاحلام للاسف
UmmOmar: هههههه والله مش لوحدي طلعت ... بس فكرة حلوة صح ?!!
صباحك ورد
الحال من بعضو بس انا كنت بحب اكتب على اخر ورقة من اي كتاب او دفتر يوقع بايدي
ايام الجامعة فترة سيئة من حياتي...بس لو الواحد كان يعرف الفلم الهمدي اللي بعدها كان اعطاها فرصة اكتر
والله زمان عنك
هالعاده شكلها عند المعظم...ماما بتعاني مني من هالموضوع لاني ما برضى اكب شي, ورق فاين فتفوته ورقه مكتوب عليها اشي بذكرني بموقف معين, لهلأ في بمحفظتي جزء من ورقة صفرا كتبتلي عليها بنت خالتي الصغيره ذكرى بالتسعينات و بنقلها من محفظه لمحفظه من وقتها :)
ما كنّا نحلم ببكره....كنّا بس نسجّل الحاضر بمختصر تفاصيل جمعتنا :)
Abuelsharif: زمان عنك انت كمان! شو اخبارك?
ايام الجامعة شو ما تكون سيئة بتضل احلى ايام لانها جد بدون مسؤوليات ولا اعباء ... المفروض!
Whisper: انا عندي شنتة كاملة ههههه حتى اوراق كنا نكتبها لبعض بالمحاضرات هههههه
Post a Comment