شووووو 1000 دولار للانترنت ؟؟؟!!؟؟؟

اول ما وصلت امريكا شيكا بيكا كنت اتجول كتير بين القنوات و مرة من المرات حضرت حلقة من غريز اناتومي بس كانت من سيزن ٦ وانا كنت حاضرة لحد اول ٥ ومن الفضاوة قررت انزل سيزن فايف عن النت (مفكرة حالي في عمان!!) المهم سألت زوجي اذا النت عنده ما في حد للداونلود حكالي على حد علمي لأ !! المهم اندمجت بالموضوع ويلا يا بنت سيزن ٥ و ٦ وكمان بلشت ب٧ بعد ما حضرتهم
المهم اجت فاتورة النت واذ بها ٦٨٠ دولار ههههههه والمفروض انها ٧٠ بس !!! طبعا كمان شوي كان رح يطير مخه وانا على طول عرفت انها غلطتي .... وقتها كان بده يجرم فيه بس الحب منعه ههههههه الكويس انه هون في عندهم تفاهم يعني سجله عندهم من ٧ سنين ليس عليه غبار وفجأة هيك الفاتورة !! المهم بعد حوار وجدال ومدير بعد مدير حكوله يمكن الجيران بسرقوا من عندكم لانه ما اعترف بجريمتي ومش متأكدين انه انا السبب ! سببهم كان اكسسف يوس اوف ذي انترنت ! بس شطبو الفاتورة كلها
مرت الاشهر وبعدها ما نزلت ولا حتى اغنية ! بس اجت الاشهر تاعيت المظاهرات والاعتصامات ومحسوبتكم ما بهتم الا شوي ! جرايد اون لاين على جزيرة على بلوجات على فيس بوك !! ولا لشو الانترنت هو ؟ وما عندي دش عربي يعني انام واصحى على النت فيها اشي غلط ؟؟؟ واذ بالفاتورة ١٠٦٠ دولار ؟؟؟!!!!!؟ وبعدين ؟؟!!؟
طلع يا عمي النا بس ٤ جيجا استخدام خلال الشهر !! يعني كل ما نفتح صفحة بتنحسب علينا ؟؟ واشتراكنا شغال على ٣ جيجا ولازم نحوله على ٤ جيجا عشان يصير انليميتيد !!!! طيب مع اني مفهمتش ولا اشي بس ما بخطر ببالكم تحكولنا هالحكي ؟؟ الله يرحم في عمان كان بالبيت ١٥ لاب توب شغالين بنفس الوقت بس يكون عنا ضيوف !! ما توصلنا معهم لتفاهم بما انهم لغوا الفاتورة السابقة

كشتنالهم وشبكنا مع شركة تانية اسرع وانليميت داونلود وارخص كمان

قال ١٠٠٠ دولار قال