Saturday, January 30, 2010

مواقف 2

يمكن هي مش كلها مواقف بعضها افكار بس هذا لا يمنع من مشاركتها معكم
:p

مع انه العطلة كانت مملة وبرد وزناخة بس ما بددديييي أداوم !!! بدي كمان ملل ههههه


ما اتوقع في حد بحب الوحدة بأي شكل من الأشكال وانا من هدول الناس .... ما بتحمل اكون في اي مكان لوحدي حتى لو دقائق ... بس الوضع كتير تغير السنتين الماضيتين ..... لما يسافر كل الناس اللي بتحبهم ويكونوا بعاد لازم تتعود تكون لوحدك ... بصراحة كنت دايما اكره اتسوق واللي بطلع معي على السوق كان جد يكرهني بس من جديد اكتشفت انه ما في احلى من انك تتسوقي لوحدك ... يعني ممكن تضلي تلفلفي 3 ساعات بدون ما حد يشتكي وممكن ما تشتري اشي وما حد بستعجلك وبتختاري اللي بدك اياه على راحتك .... وحتى صرت اتعود آكل لوحدي وحلو لانه بس ما يكون الأكل متل ما بدي برجعه وبطلب يغيرولي اياه بدون ما حد يحكيلي خلص كلي واسكتي بلا فضايح أو شو انك سوفاج ههههه .. مممم لونلينيس از نت ذات باد سم تايمز

انضم لعائلتنا فرد جديد وهو سيارة ابوي .... تويوتا هايبرد زغنطوطة بس كتير أمورة ... كأنها من سيارات المستقبل كله تاش سكرين وكبسة باور للتشغيل يعني آخر فياعة ... مش غالية وتوفير بنزين وحماية للبيئة ... ثري ان ون

مرات في اشياء أو مواقف أو معلومات ... ممكن شيء تافه بمر علينا بس بعده كل حياتنا بتتغير ونظرتنا للأمور ما بترجع متل أول ... بس دائما نتمنى يكون التغيير للأفضل ... عن جد احنا عايشين ببساطة وما بنعرف شو اللي بدور حولنا ... بس بتمنى نصحى من سباتنا

بتمنى للكل يوم حلو .... سلام

9 comments:

Shaheen said...

يعني بتشجعي عالتويوتا برويس؟
عقبال عند ماتشتري حنطور هايبرد

SimSim said...

Shaheen: مشاوير أبوي مش كتير بعيدة يعني شايفتها لطيفة وبتقضي الغرض المطلوب ... نزلوا حناطير هايبرد ؟ لاني الي زمان بستنى
:p
وبعدين معاك انت والبلوج شكلك عاملي بلوك
:S

ما بقدر اشيك عليه بيعطيني مسج

شكله صاحب البلوج مش حابب يشوفك هون

از ذات تروووو؟ .... واااع

Jood said...

a7la eshe el wa7ad ye3mel shopping la7alo. ma ba7eb yekon nas ma3ee law 7ata 5awatee, kol wa7deh bedha eshe o meet alf makan. lama tkone la7alek 3ala rawa2 o wain ma bedek betro7e.
fa ana basta`3el 6al3atee la7alee m3 enha 2aleleh :/
o mabrook el sayarah, tshofo 3ala wejeha el 5air :yai:

Shaheen said...

البلوق تحت التحديث ةالتطوير
اشي بزبط واشي ما بيزبط ..عشات هيك سكرته موقتا لما اخلص من التعديلات

نعمل من اجلكم ناسف لازعاجكم


بالنسبة للهايبرد انشالله بدي اشري حنطور هايبر بس مش عارف متى

SimSim said...

Jood: ana sert akatter 6al3atee for that :D so much fun :D

thaanx w allah ybarek fekee sweetie :hug:

SimSim said...

Shaheen: lol 3ajbatnee haay ta7deeth w ta6weer zay 7akee el wozara2 :D eza heek no problem w ya36eek el 3afyeeh :D

Great ! in sha2 allah soon :) Toyota kaman ?

Shaheen said...

toyota inshalla aw wa7dh min agarbha. :D

SimSim said...

Shaheen: Good luck :)

Whisper said...

يلااا هي رجع الدوام و رجع الملل...انبسطي :)

قبل كم يوم كنا انا و صاحباتي بنحكي انّا كتييير تغير فينا اشياء على مر السنين و المواقف اللي صارت بحياتنا و حاولنا نحدد الاشياء اللي غيرتنا لقيناها ما بتنحصر :$