Sunday, December 27, 2009

مـــواقــــف

يمكن معظمها تكون اشياء حصلت معي بالمدرسة لانه بمضي معظم وقتي واكتر المواقف اللي جد ممكن تضحكك او تخليك تعصب هم الصغار

* نظرا لطول يداي الغير طبيعي كل جاكيت بشتريه لازم يكون كمامه قصيرة بس البلايز عادة بتكون طويلة عشان هيك دايما كم البلوزة مبين من الجاكيت مش موضة، بس عشان اخبي ايدي هههههه بس البنات بالمدرسة فكروها موضة وبحكولي يا مس كل البنات صاروا يبينوا بلايزهم عشان يعملوا متلك ههههه كان نفسي احكي ولكم انا ما بلاقي جاكيت طويل عشان هيك البلوزة لحالها بتبين بس سكتت وضحكت

* اليوم وانا بالباص كمان مع الطلاب كان في طالب يابييييي شو نغش !!! اكتر من مرة احكيله مشان الله اسكت !!! بديش تحكي معي !! وقت الترويحة راسي زي الطنجرة ما بدي اسمع حكي خلص !! حتى مرة زعلته مني عشان يتركني بحالي !! زعل يومين بس اليوم التالت آز اف نوثينج هابيند !!! بس يا الله شو بحب يحكي واليوم كانت قواي خاوية فما قدرت أجادله عشان هيك بلش يحكي نكت ..... ههههههه نكت الطلاب اشي بمغص بس هاي ضحكت عليها عشان يسكت ويا ريته سكت .... بحكيلي مرة واحد خطف سريلانكية وأخدها على الصحراء حكتله السرلانكية نو نو انا ما نضف كل هاي الغبرة هههههههه والله مسكت حالي ما امسكه وأزته برة الباص

* يا سلام !! بالنسبة للطلاب هدا الوقت من السنة اصعب وقت عشان الاختبارات بس بالنسبة النا المعلمين عن جد أحلى وقت ..... لا تدريس وترويحة بدري ووقت طويل نعمل اللي بدنا اياه ياااااي

* في حياتي ما حبيت الرياضيات ... كنت أنجح وعلاماتي كتير كويسة بس جد مش مادتي المفضلة ..... مع ذلك درست علمي وحبيت أدرس كيمياء على أساس ما الها دخل بالرياضيات ..... آخ على المصيبة انه 99 % من الكيمياء بدخل فيها الرياضيات ما تسألوني كيف بس أخدت كورسات يمكن أصعب من اللي بياخدوها اللي بدرسوا رياضيات المهم صار بسيط علي ..... بس أحل مسألة صعبة للطلاب ويستصعبوها بسألوني يا مس كيف بتفهمي كل هدا وكنت تفهميه وانت بعمرنا ؟!! بيجي على بالي احكيلهم الرياضيات أزنخ مادة بالعالم وصعبة وانا بعمركم ما كنت أستوعبها بسهولة بس لأكون مثال المعلمة الفاضلة بتبسم وبحكيلهم المسأله سهلة بس فكروا فيها وركزوا معي شوي هههههه يا بيي الكزب هههههه لكن الاشي اللي بعمله زيادة عن معلماتنا اني بضل أعيد وأزيد لحتى غصب عنهم يفهموا

*
مرات بنتصرف تصرفات بتكون جدا غبية أو طائشة .... يعني اليوم
نزلت أشتري شوية أشياء ونزلتني صاحبيتي على الشارع الرئيسي يعني مشي بوصل بسرعة بس فضلت استنى تكسي لاني كتير حاملة اشياء وكنت تعبااااانة وهاتي ييجي تاكسي .... المهم اتصلت مع أخوي وشكله يا حرام كان نايم وحكيتله اذا بقدر ييجي ياخدني وحكالي شوي وبوصلك بس ما بعرف شو اجا على بالي لما شفت تاكسي وقفته واكيد اتصلت مع اخوي انه انا جاي بلاش تغلب حالك !!!! طيب صحيته من النوم وشغل السيارة وخلص صرت مغلبته ليش ما استنيت شوي !! بس غلبته عالفاضي وخسرت حالي ليرة ههههه والله مش زعلانه على الفلوس بس جد استهبلت حالي بس وصلت عالبيت .... الحمد لله انه اخواني رايقين لو انا منه بخلص علي ههههه

* عملت كوكيز مبارح وأول مرة بجرب أعملها ... طلعت زاكية وخلصوا هههه رح اكتبلكم الوصفة قريبا بس بدي أعمل تعديلات عليها لاني بحب الكوكيز اللي بكون طري مش المقرمش

* كتير نفسي أسافر أو اطلع رحلة أو اعمل اي تغيير بس بنفس الوقت مش حابة أعمل اشي هههه ما بعرف شو هدا الشعور المتناقض بس جد هدا شعوري

* كل مرة بدي اكتب موضوع بالعربي يا بكتب جملتين بساعة أو بشبك كي بورد مع اللاب توب لانه الأخ ما فيه أحرف عربي اوووفتت

*
اليوم سمعت مقطع من أغنية هاني شاكر أصاحب مين ... جد زمان ما سمعتها .... شو روعة

و بــــــــس

16 comments:

Unknown said...

hello :)
u made me laugh !!!!
nice to tell things happened with u
have a gr8 night o nshalla dayman ur memories are good :D

SimSim said...

glad i did :D .... u know when i first wrote the post it was called something funny but then few unfunny things came to my mind so i changed the title :D

thanx sweetie and glad u enjoyed reading what is happening to me :D

sweet dreams :)

Dr.Mohammed said...

well first of all you should pray that no one of your students read your post!!!lol

indeed! that thing you did with your brother is unforgivable !!! i will kill somebody if wake me up from sleeping for NOTHING!!

funny post after all!

SimSim said...

Dr. Mohammad: loool even if that happened which i doubt ! they would never believe that we r the same person :D so i am safe :D

u know wallahe i still blame my self ... i feel i have to do something very nice to him :D I will ask him :P

thanx glad u like it :)

نادر احمد said...

my sister is teacher also, and really (allah ye3enha we ye3een kol modaresen fi jordan),
in usa ( elmo3alem la tokbal shahadato fi elma7kameh after 10 years mn mozawalet elmehne 3shan bekon enjan) lol... i am just kidding ( nice blog)

Whisper said...

جد ضحكتني :)


زكرتيني بايام ما كنت ادرّس بالكليه :)

هاي اشياء بتهون عليكي ضغط الشغل
الله يعينكم...انا بصراحه بكره التدريس :$

هي الاجازه عالابواب ان شاء الله بتنبسطي فيها و بسترجعي قواكي للفصل الجاي :)

SimSim said...

نادر: so i have 7 years left before i gone crazy loool ok believe me they should not take our words for anything after one year loool allah y3enhaa wy3enne w y3een kol el modareseen :D

welcome here and glad u like my blog and hope to see u here always :)

SimSim said...

Whisper: ya3nee 7aseh sho3oree since u've taught before :D

ur right zana5et-hom bet-hawen 3alay loool u know what i mean :D

I am planing to enjoy it but i don't know if i will :D

mwaaah

Haitham Seelawi said...

Oh! If I was one of ur students and saw this article some 20 years later I will kill myself! It is funny that I just made a post and mentioned something about Math!

But really, why do most of people hate math?! Did they tell u smthing about that in the university?

SimSim said...

Haitham: lool then i will make sure they won't see it :D and where is this post of urs ?

I don't know! for regular people math is hard and also physics and I took so many courses from both in uni. :S and what they should tell me in uni. ?! I just knew and got my self ready for the challenge :p

Haitham Seelawi said...

I heard once that in the natural sciences degrees there is a track or a couple of subjects that deals with teaching!

My blog is in the link at my profile!

Chemistry?!

SimSim said...

Haitham: no they don't give such subjects unless it's mmm mo3alem majal ! like mo3alem majal 3omol it's like science and teaching related subjects but for me it was pure chemistry :D teaching is just a gift ... i used to teach my cousins before i even finish college ...

yaa chemistry :D it's soo much fun :D

Haitham Seelawi said...

I thought u where a biologist just like Anadaree!

Anyways, long live chemistry! ;) Actually I love physics and bio more than chemistry, but chemistry for me is much more interesting than engineering!

Great, but I thought they should teach u a bit about teaching! 5ls bs 2seer 3ameed kolet el3olom r7 25alehom y3malo haek!

krmoosha.. said...

حبيييييييييبتي سمسووووم شتقتلك مووووووتت

ولك فطستيني ضحك الله يسعدك ويسعد حكياتك انتي ...مواااااااااه

:) :)

SimSim said...

Haytham: this is why i love chemistry it's really interesting ... just like magic :p

about teaching i hope u will be 3ameed one day but don't do this u don't have to :D i took a special course for teaching after I graduated .... don't worry i am a good teacher despite all what i say about my students :D

SimSim said...

krmoosha: define ur self :S r u one of my sisters or suhad ?!!

ok whatever mwaaaah :D and glad u found a way to comments here :hug: