Monday, July 13, 2009

كنت رح أموت مبارح ومشان شو !!؟؟

بتعرفوا مسمار اللحم اللي بيطلع بأسفل القدم ..... شيء مؤذي ومؤلم .... انا جربت كل اشي بخطر عالبال لاشيله ... دواء وعملية جراحية مصغرة وكمان جربت طرق تقليدية خل وبصل ومرة تانية عسل .... يعني شي مقرف بس يبدو انه بحبني مش هاين عليه يروح ويتركني .... المهم آخر اشي قررت ازيله بالليزر لانه يبدو انها اكتر طريقة فعالة واحسن من النيتروجين (التبريد) وعلى هالاساس شفت دكتور وأخدت موعد ....

رايحة زي البنات الشاطرات بضحك وبتخوت و انه اشي بسيط (وهدا المفروض).... وحتى اخواتي التنتين كانو معي واتفقنا انه يتركوني شوي عند الدكتور ليعملوا مشاويرهم وييجوا ياخدوني .... مش عارفة شو غير رأيهم بس الحمد لله انهم ضلوا يستنوا معي ..... وانا عند الدكتور هو بتخوت وبمزح وانا نفس الاشي وخلص كل شي تمام .... اسمى رح تتوجعي شوي من ابرة البنج !!! .... طيب يا دكتور ابرة ابرة ..... وعن جد كانت توجع !!! تحملت الوجع .... بس بعد 20 ثانية معدتي قلبت وبلشت احس باشي مش طبيعي !!! اسمى في كمان ابرة رح توجعك كمان !! يلا مش رح توجع اكتر من الاولى ..... بعد الابرة التانية بلشت الدنيا تلف ومعدتي مش متحملة ويبدو انه اغمى علي .....

ضل مغمى عليه تقريبا ربع ساعة, بس صحيت على حالي كان الدكتور بعمللي تمرين الضغط لانعاش القلب (شكله قلبي توقف وراح النبض!!! مش اشي !!) سمعته بحكي هاي نبضها رجع كويس وحاول يصحيني وانا ولا انا هون بس سامعه صوت اختي بتعيط !! اخدت وقت لوعيت على حالي ولحتى حرقلي الزفت المسمار بالليزر ....

لما تمالكت نفسي مشوني للسيارة واختى لسه مدمعة ..... كل الناس اللي بالعيادة بيطلعوا فيه !!! .... شو فيه؟ايش صار ؟؟ اللي عرفته انه بعد ما اغمى علي عيوني قلبو وصار جسمي يرج وبعدين غميت .... وكل هدا بحكيلي الدكتور اني خويفة !!!!
..... عن جد انا مش كتير خويفة وخاصة من الابر يعني اللي صار معي مستحيل يكون خوف ..... ما بعرف شو اللي صار بالضبط بس جد كنت رح اروح فيها ولسه ما بعرف السبب وكله عشان اشي سخيف !!! ههههههه يعني نكان كانت موته مخزية هههههه .....


رجلي بتوجعني ورح تضل هيك أكمن يوم ..... احلى اشي اول تعليق سمعته .... يعني ما رح تقدري ترقصي بحفلة فلان الفلاني ؟؟!! ههههههههه


واااو هدا اكتر اشي لازم اقلق عشانه بعد هالتجربة

!!!

21 comments:

Unknown said...

ya wele 3leke ya samsom :S:S
jd mfrod' inha 3mleyeh base6a o hwayne :| ! 3'areeeb!
bs el7mdollah rbna b7ebeek ;) ( o ana kman:$)

wenta el3ors :D?

SimSim said...

mona: manooosh !! zaman 3annek !! miss u yaa benett .... 6amnenee 3annek !!

ba3rafesh lessaa :D

Unknown said...

ya satter 7amdella 3al salameh...

Haitham Seelawi said...

(o.O) ya la6eef!

الحمد لله على السلامة

Anonymous said...

كان شلعتيه بكماشة :)
الحمد لله على السلامة

SimSim said...

amjad, Haytham and allouh: allah ysalemkom ... thank u soo much

allouh: wallahee kaan elmafrood bas maa kont sa7yeh jadd ... o5tee kanat te6ala3 3aleeh bed-haa tol6oshoo kaffeen :D

Moon^light said...

:O

el7amdelah 3al salameh simsim :hug:

bte3rafi ana dayman beseer ma3i hiek lama yes7abo mene dam :$ lool fi hada el eshe tabe3e bel nesbeh ele :D

Whisper said...

بعيد الشر يا قمره
الف الحمد لله على السلامه

يا ماما شو بخاف من موضوع البنج انا :$

ما عجبني هالدكتور...ال خويفه ال
يلااا المهم انك بخير هلأ :)

SimSim said...

lunzi: جد بتحكي ؟ الله يعينك !! انا صحيح ما بحب الدم بس عادي لمن يسحبولي الدم ... بس هاي المرة جد غير

شكرا يا عسل الله يسلمك مواااااه

SimSim said...

whisper: الله يسلمك ويسعدك .... والله شكله مزود العيار شوي وانا ما تحملت بس رح ارجعلي اخبط بكرشه ههههه


انا كويسة بوجودكم

علا من غزة said...

يا لطيف يا لطيف
كيف ممكن اكتب الشهقة :s

لا جد حمد الله ع سلامتك !! انكتبلك عمر جديد يعني .. يمكن عندك فوبيا من الابر او من ريحة المستشفى !! شكلو هادا الدكتور مش كتير يعني .. لأنو اكيد الشغلة الها تفسير

المهم انك بخير .. يلا اعتبريها تجربة لتعرفي غلاوتك عند الناس :D

تحياتي

soreal said...

i hope at least after all this that you got rid of it...
but just in case it didnt, here is how i did it back when i was nearly 15



the trick is to use a combination of freezing, acetylsalicylic acid and gradual removal

unless you are a doctor, you wont have access to these in raw forms... so one has to be inventive

for freezing i used a cheap deodorant spray

acetylsalicylic acid is basically asprin

method:

before you go to bed, wash feet carefully, dilute two Aspirin bills in few drops of water, then put the paste on the "mesmar" , cover with a cotton, and some blaster

change that every night for 3 days

in the 3rd day, remove the exposed part of the "mesmar" with a blade (a sanitized shaving blade works fine), keep removing until it starts to hurt, stop, use the spray until its hurt cold.

repeat process until you eventually end up with what looks like what is left after rooting a plant... the center will be deeper than the rest of the surface. if u dont, then the damn thing will re-grow

i hoep this will help someone at least :P

Aladdin said...

Alf salamih ya asma, wallah ma hee 29a hay !! '3areeb 2li sar ma3ik.

Shaklo tfa3al albinj ma3 al7asheesh, ma 7akeenalik ba6li 7asheesh ya asma ma bitrodi :smilie bodrob 7alo mas7oq '3aseel bil3adal:

Unknown said...

الحمدلله عالسلامه

وانتي تحكي عن معدتك اللي قلبت ذكرتيني بحالي مره اخدت ابرة بنج وراجعت بالشارع

بس جد مش موقف!!!

SimSim said...

3ola: eldoktor sha6er elmafrood w kol eshee kaan tamam bas shakloo elbenj kan zyadeh shway :D ana 3arfeh 3ala ra2yek enkatablee 3omor jdeed .... thaanx :)

SimSim said...

soreal: u know i am gonna try it because i have another mosmar in my other leg :( i was going to go back to this doctor but after I had this horrible experience i am going try ur way and i hope it works .... thaaanx alot :)

SimSim said...

Aladdin: ma entaa 7aketlee enno ma be2ather a5er marra be3tnee el7asheesh !! :smilie mashkljee:

SimSim said...

mayasee: yeee shakloo bekon el benj zyadeh w ma bnet7ammal :( allah laa y3eed heek mawaqef

Wize said...

walek salamtek.. hehehe.. akeed hal mosmar wa7ad men el ga6ayef.. 5effee 3aleeh

Wize said...

hehehe, walek salamtek !!

akeed hada el mosmar wa7ad men el ga6ayef !! 5effee 3aleeh !!

salamtek ya gamar, w inshalla i will see you guys soon

SimSim said...

wize: loooooooooooooooool men el7ajel wel rkaa'9 :D

walla we miss u sooo much and hope to see u soon .... 7abeb 2albeee