Wednesday, June 17, 2009

مرحلة اللا أدري

مش عارفة حاسة اني بمر بمرحلة مش عارفة شو اللي بدي اياه بالضبط ..... وهدا شعور زفت .... لمن ما تكون عارف راسك من رجليك .... قررت اترك شغلي من شهر تقريبا على اساس انه اوراق الهجرة رح تخلص بالوقت اللي انا محدديته ببالي بس بعد ما خبرتهم اني خلص ما رح اكمل معهم بالمدرسة بخبرني خطيبي انه يمكن تتأخر شوي .... طبعا حقدت عليه مزبوط بس كان اشي مش بأيده .... هلأ انا بدون ما احكي اشي لسه المدير كل ما يشوفني بحكيلي اسمى انت ضايلة معنا ما تحكي بدك تتركي بس تزبط كل امورك بعدين بتحكي بدي اترك طبعا انا ما رديت عليه بأشي يشفي غليله مشان هيك كل ما بشوفني ها شو !!

واكيد بكرة عالاكيد رح يناديني اوقع عقد السنة الجاي .... وانا مش عارفة شو بدي .... اكمل بالشغل لتتيسر الامور وعشان اشغل حالي باشي وما اضل افكر ولا امضي الصيف مع العيلة وبعد رمضان اعملّـي جولة على الامارات والسعودية ؟؟

بكره الانتظار وبكره ينشف ريقي ليصير اللي بدي اياه .... بعض الناس بحكي حلاوتها بانه تتعب لتوصل للي بدك اياه بس انا بمل وبكون ما الها معني بس يتعب بالي وانا استنى (يمكن انا مش طبيعية بس خلص) ومش عارفة ليش بنكون احنا البنات عايشين طول عمرنا مستنيين عريس الغفلة بس صرت احكي لحالي ليش وجعة الراس والتغيير الفظيع والله اعلم كيف تكون حياتي !! ...... لو يقرأ خطيبي هالحكي بيجي بس عشان يطخني ههههههههه

جد حاسة اني مش عارفة شو اللي بدي اياه وخايفة اعمل شغلة اندم عليها بعدين

10 comments:

Whisper said...

اعتقد ان هاي مرحله طبيعيه بمر فيها اي شخص راح يصير تغيير جذري بحياته زي اللي راح يصير معك
بس مش ضروري هالمجهول يكون اشي مش منيح

مع ان الشعور اللي وصفتيه موجود عندي انا كمان, بدون ارتباط وهجره :(

انا اذا بدك رأيي بحكي تقضي الوقت مع اهلك مدام الموضوع فيه هجره و زوري خوانك كمان واقضي اكبر وقت معهم
والله ايسرلك كل الخير :)

maroo said...

as whisper said , spend yr time with yr family a7san walla ..
w b3deen m32ool 7yt25ar el 3rs 1 whole year ???
msh mstahleh twak3ee 3aked mshan km shahar w b3deen tdfa3ee 500 JD 3ala wala 2eshe sa7 ??
twkalee 3ala rabna wnshalla btkoon 7yatek a7la kter mn ma btt5yalee :)

Dino$ said...

simsim kayfek! its been ages! i guess inti mush 3arfeh rasek min rijalayki according to this post.

wa sara7a who does nowadays.

just wanted to say hi :)

Aladdin said...

I wish I could say something usefull or make you feel better, but I have nothing important to say to tell the truth :D

So I am going to say joke and leave :

Joke

Salam :ch:

Haitham Seelawi said...

It is ok! Time will pass and u will be remembering these days and laughing! Do not worry just ask Allah to guide u through, just cheer up!

SimSim said...

whisper: شعور عدم الاستقرار جد مش حلو حتى لو بدك تغيري حياتك لاشي تاني حلو بس بضل اشي فيه تغيير ومجهول وعلى رايك مش شرط يكون اشي مش منيح بس فكرة التغيير بحد ذاتها

انا هيك حابة بس المدرسة كمان اعطوني مجال لآخر الشهر افكر بالموضوع وان شاء الله خير

SimSim said...

maroo: I really don't know and I hope not :( w ana eza fakkaret awaqe3 3aqed ma3ahom bakoon 7aketloo enno yel'3ee hada el shar6 mesh 3ala 5a6erhom ....

allah yjeeb elle feeh el5eer

SimSim said...

Dinos: hiiii how r u ? i am following ur news all the time how is ur little loloo ?! I hope u r doing good with her ....

nice to see u here again :)

SimSim said...

aladdin: a REAL joke could help :mad:

it's ok i just wanted to afadfed :P

SimSim said...

Haytham: yes i know ... and i try to not think about anything these days ... leaving it on god's well