Saturday, June 21, 2008

مباراة (كرواتيا - تركيا) عن جد مباراة من الآخر


كانها مبارة من الخيال واول مرة اشجع بطريقة جنونية وكل الجيران التموا علينا ...... طول وقت المباراة كانت ما بحكي مملة بس بدون اهداف مع انه كرواتيا ضيعت فرص لا تعوض ... انتهت المباراة كمان بدون اهداف و لعبو شوطين اضافيين و زي افلام الكرتون آخر دقيقة احرزت كرواتيا هدف بخطأ من روستو الحارس التركي اللي عن جد أبدع طول المباراة و خلص باقي 55 ثانية لصافرة الحكم بس تركيا بدهم حد يدخل فيهم هدف حتى يتحركو ... على طول احرز الاتراك هدف التعادل .... اشي مش طبيعي
وبدأت ركلات الجزاء ... حظ تركيا من السما انتهت المباراة لصالحهم 4 - 1 احنا كنا نشجع تركيا عشان هيك انبسطنا بس و الله كرواتيا لعبو منيح


انا مش متابعة ولا من عشاق كرة القدم و كان نفسي احرق كرت الجزيرة الرياضية لانه ابوي من عشاق كرة القدم وليل نهار كرة قدم .... حكيت خلصنا من الدوري الاسبانية طلعلنا يورو2008 .... في تلفزيون تاني بس مش حلو نتركه طول الوقت يتفرج لحاله ... صحيح انا اولها قرفت عيشته و انا أسال مين هدا و ليش تسلل و ما بصير يعطيه كرت أحمر بس بعدين صار هو لحاله يحكيلي يابا هدا بلعب مع ريال مدريد ولا برشلونة ولا ما بعرف شو .... صار أحلى الوضع

مباراة فرنسا مع هولندا حرقت اعصابي مع اني ما بحب فرنسا بس جد بهدلوهم الهولنديين ... حلو كمان انه ايطاليا ما طلعت من الدوري لانه مشجعيها كتار ويلا مباراة اليوم بين هولندا و روسيا و اتوقع انه هولندا رح تفوز

10 comments:

Qabbani said...

فعلا اكتر من واحد هيك حكى عن المبارة

انا مالي متابع بس فعلا اد ما الشباب حكو على المبارة , تمنيت لو أني شفتها

SimSim said...

قباني: عن جد راحت عليك

:D

suhad said...

yeslamli elli bitabe3 il euro 08 lol.. mwa

SimSim said...

Suhad: looooooool mujbara walla :D but it's fun loool

mwaaaaaaaaah big time

vagueraz said...

Loooooooooooooool....
shekel-ha kanat 7elweh :).....
bas 7elo sheklek kayneh kter
mnf3leh mn 6ree2et ketabtek la el post :)

Jasim said...

Loool, ah wallah kanat mobarrah min el a5er jad. Ma3 inno tel3at roa7i awal 119 minutes! :D

Wallah Russia mas7at el ard bi Holland, and it also was a nice game.

They are all good, but I'm with Germany 'till the end. :P

Yalla lazem tseeri tshaj3i Germany. :D

SimSim said...

razan: :shy: mbayen kteer ya3nee loool yaaa jad kont menfe3leh w hweeh el ketabeh bel 3arabee bebayen el enfe3aal aktar :D

SimSim said...

Jasim: walla ana ma twaqa3et jad !! le2anhom masa7oo el ard b Italy w france yan3ee esta'3rabet bas enbasa6et enhom 5esroo :D

no no nooooo ana ra7 ashaje3 turkey :rgs: looool

mobarat el yoom rahebeh bed-haa cheese and crackers loool

Anonymous said...

سلالالالام سمسم حياتي شلونكي .. على سيرة المباريات بتتذكري بس كنت عندكم بالشتا وكنا مسطلين من النعس وما بدنا ننام وكنا نتفرج عالبرداي فكرناها تلفزيون ههههههه .. هيك انا كنت مبارح وانا بتفرج على مباراه مع زوزي ,, بدو ياني اتفرج ورحنا على كوفي شوب وانا كنت اتفرج عالشباب اللي بيشجعو ومالي خص بالمباراه ههههههههه مشجعه للشباب

SimSim said...

nasoom: loooooooooooool batzakkar looooool

a7laa meen heeeeeeeeek loooool

i miss u kteeeeeeeeeeeeeeeeeeeeeeeer