Wednesday, December 19, 2007

مين رح يدبح الخروف ؟!!

بتذكر دايما بعيد الأضحى كان ابوي يجيب الخروف عالبيت وأول يوم العيد ييجي عمي يوسف (هو عم ابوي بس تعودنا نحكيله عمي يوسف) وبدبحلنا الخروف و بنصير بدنا نعيط حزنانين عليه .... بس من بعد ما توفى عمي يوسف الله يرحمه صار ابوي ياخد الخروف على الملحمة و يجيبلنا اياه مدبوح و جاهز بس بصراحة نحسّ اشي ناقص لانه لازم نشوف الخروف و نشعر انه عن جد ضحينا ....


السنة كان زي السنوات القليلة الماضية رح ياخد الخروف على الملحمة ولا ما بعرف شو بس أكلت راسو لابوي مشان الله جيبو عالبيت و خلينا نشوفه يا يا .... طيب يابا مين بده يدبحه بنعرفش حد هون و اول يوم العيد منين بدك تجيبي حد يدبحلك اياه ؟!! بس ما اقتنعت صرت اسال اي حد بمر علي فش حد بدبحلكم والكل طلعو ما شاء الله عليهم سباع بدبحو لحالهم .... المهم دبرنا حد يدبحلنا بآخر ليلة مبارح و الخروف لسة عند عمتي ما اجا عنا -والله مغامرات- ما شرّف عنا الخروف الا الساعة 12 الظهر اليوم وبس مشى خطواته الأخيرة بساحة البيت ومافي خمس دقائق الا وهو مدبوح .... و الله تأثرت زي كل مرة وحزنت عليه بس اللي خفف عني الكبسة الروعة اللي عملناها تكريما لروحه ...

كل عام و الجميع بخير وأهلنا بفلسطين بخير -وخصوصا بغزة- ويخف ذبحهم ولو فترة العيد على الأقل خليهم همه اللي يدبحو مش يندبحو

9 comments:

Qabbani said...

:)

كل سنة وانتي سالمة :)

يلا شو بدك تعملي الخرفان قلبها كبييييير

صحيتين و هنا

SimSim said...

thanx qabbani so sweet of u (f)

3ala 2albak :)

Anonymous said...

"و الله تأثرت زي كل مرة وحزنت عليه بس اللي خفف عني الكبسة الروعة اللي عملناها تكريما لروحه"

بالله شو استفاد الخاروف المسخمط من هالوليمة اللي كانت على روحه؟ لوول

مساكي سماسم

Diana said...

mo'3amarat SimSim wa kharoof el 3eed :D

missed you soooooooooo much

ĐàŋdŎöŅёH said...

kul 3am w inti b-alf 5eir simsim w sa7teen 3l-5aroof .. ;)

SimSim said...

anonymous: wallahee 3aad haad hadafoo meen el7ayaah yetakkel :D

ahlaan whom ever u r :)

SimSim said...

Diana: shoftee balla :D

ahlaan sweetie miss u moorrreeee :hug:

SimSim said...

Dandooneh: w entee b 1000 5eer 7abebtee :)

Anonymous said...

هههههههههههههههههههههههههههههههههههههههههههههههههههههههههههههههههههههههههه دمك شربات وعسل انتي ..