Been Taged AGAIN

منوش و هابي لوف تقتقوني مرة تانية و لعيونهم رح اجاوب

*

* بعد ما تموتي (نشالله ), شو رح يصير لايميلك؟

بعيد الشر عني بس بفضل يموت معي

.

* اعطيتي الباسوورد لحدا من قبل؟

باسوورد ايميلي لأ بس باسوورد البلوج مع ديانا و قيس

.

* طبيعة علاقتك بهدول الاشخاص؟

أصدقائي

.

* اسمك؟

الكل بناديني سمسم (مرات بحسه تدليع للرقاصات )هههههههه

.أسماء هو اسمي يعني على رأي بعض ناس مش اسم محدد

.

* عمرك ؟

26

و قريبا رح أصير 27 و الله كتير .. عجـّــزنا

* برجك؟

الحمل بس لا أمت للحمل بأي صلة

.

* مجال دراستك؟

بكالوريوس كيمياء بعيد عن السامعين

* نوع شخصيتك؟

بحب دايما أضحّــك و أفرّح اللي حوليه و انه يكونو بنفسية أفضل بس بحب أكئب حالي ليش ما بعرف

.

* السفر بالنسبة الك؟

بحب أسافر كتييييييييييييييييييييييييير السفر عندي متعة و تغيير

* مزاجك؟

عادة بكون مزاجي رايق و حلو بس الناس كتير بأثروا على مزاجي يا بعكروا يا بخلوني انبسط أكتر

.

* شو بتعملي بوقت فراغك؟

مش دايما عندي وقت فراغ بالعكس كتير مرات بحس حالي ملحوقة بالوقت بس اذا كان عندي شوية وقت فراغ بقرأ فيه أو كتير مرات بحب اتفرج على افلام اجنبي

.

* الاكلة المفضلة؟

بحب المنسف كتير

بس بشكل عام بفضل الجنك فود (شاورما، بيتزا،همبرغر) كمان بحب المسخن ولا احكيلكم بحب كل الاكل

* الصفات الي اخدتيها من ابوك؟

العصبية، نقد الأكل، قلة الحكي و الهدوء ما قبل العاصفة

* الصفات الي اخدتيها من امك؟.

طيبة القلب ، العيون الساحلين و التناحة

* 6 اشياء ما بتحبيها؟

الزهرة هاي اللي للأكل

السواقة

المجاملات زيادة عن اللزوم

الناس اللي بس شاطرة بالحكي

الرجال النسونجيين - اللي قلبهم كبير و بوسع كتيييييير

مرات لمن أوعد ناس باشي و ما يصحلي اوفي بوعدي

.

* 6 اشياء بتحبيها ؟

الشوكولاته

السفر

الأرجيلة

عيلتي

المطر، الصور، الشعر ....... لازم أذكرهم

المشي

.

* الشغل بالنسبة الك؟

اشي مش حابة استمر فيه

.
* الكمبيوتر والانترنت شو بالنسبة الك؟

الكمبيوتر لعبة بالنسبة الي اما الانترنت فهو أدمان نفسي أشفى منه بس ما بنكر اني تعرفت على ناس و اصدقاء ضافو اشي مميز بحياتي سواء كان مفرح أو محزن

.

.

aladdin و the mo

يلا جاوبوا