Sunday, June 13, 2010

اسبانيا ولا البرازيل ؟؟

في كل مونديال ومجاراة لكل اللي في البيت وخاصة والدي بكون التشجيع للبرازيل وطبعا في ناس بشجعوا ايطاليا واشي الارجنتين واكيد فرنسا ..... هدا المونديال وبعد متابعة للدوري الاسباني ومعرفتي لمعظم اللاعبين قررت اني أغير ولائي لاسبانيا

لكن سيتأكد الولاء لاي من الفريقين بعد متابعة لعبهم ومين منهم اشطر ولعبه ممتع اكتر

بتحسوا المونديال هاي السنة غير عن كل مرة ؟؟؟ كتير حمى المونديال وين مكان ... اول يومين أبوي كان رح يكسر التلفزيون لانه كان في تشويش على الجزيرة لكن الآن الوضع صار أحسن

يلا مين بتشجعوا ؟؟

11 comments:

Ahmad Hamdan said...

أنا بشجع الفائز في مباراتو :D

Anonymous said...

بشجع أبوي...مابخضر ايشي..وآخر مونديال حضرتوا كان 1998

مساء الفل :)

Whisper said...

هيييه هيييه العب برازيل :)

Unknown said...

NoNe :D :D :D
ana bashajje3 ahel 3'azzeh ..
bashajje3 el mujahdeen ...
:) a7san ! mshan nefra7 b fozhom aktr ;) mahma tawwal !! ;)

SimSim said...

ahmad: يا سلام !! ههههه مريح راسك والله .... طيب واللي بتعادلوا
:p

abed: ليش لأ ؟؟ اللي بسمع بحكي طول نهاري أحضر مباريات ههههه بس انا بعرف الشباب حبهم الكورة !! المهم مساك ورد

SimSim said...

whisper: هههههه تعالي عنا عالبيت شجعي

:D

farah: على راسي والله

Moh'd Jarrar. said...

انا بشجع ايطاليا
بس حاسهم راح يفلمونا السنة
:S

Unknown said...

والله في إحتمال كبير السنه للأرجنتين
بس أنا أردني ولكن برازيلي خلال المونديال
ههههههه

مسا الخير

SimSim said...

LUNAR: ان شاء الله وبرازيل تاخد الكأس

:D

SimSim said...

tawalbeh: هههههههه ارقص سامبا معناها ههههه

لأ كله الا الأرجنتين بعدين أبوي بكسر التلفزيون
اختي دمها ازرق من كتر ما بتحب الارجنتين وآخر مرة فازوا بكأس العالم جابت كنافة تحلينا ... ابوي ما رضي ياكل ههههه فا خلينا عالبرازيل ولتسقط الارجنتين مع انه ميسي بجنن لعبه

Rula A. said...

كلو كوم والولاد الصغار الي ببقو بلعبو بالشارع هدول كوم تاني.. هدول لحالهم فيلم.. الكوره شاغله كل تفكيرهم.. كل واحد مسمي حالو بإسم اللاعب الي بشجعو.. واسمعيهم بنادو على بعض:
بيكااااام.. روناالدوووو.. اشي بضحك عالآخر..